| e-texts navigator |
| Wylie |
187b1 བྱེད་དོ། །གང་གི་ཚེ་འཆི་བ་དེའི་ཚེ་བྲམ་ཟེའི་རིགས་སུ་སྐྱེ་བར་འགྱུར་རོ། །སྐྱེ་བ་དྲན་པར་ཡང་འགྱུར་རོ། །ཆོ་ག་དེ་ཉིད་ཀྱིས་བ་སེར་སྐྱའི་མར་སར་པ་ལ་གཟུགས་བརྙན་བྱས་ནས་རས་རིས་ཀྱི་སྤྱན་སྔར་གཏུབ་ཅིང་གཏུབ་ཅིང་སྦྱིན་སྲེག་བྱའོ། །ཇི་སྲིད་གནོད་སྦྱིན་མོ་བྱུང་བའི་བར་དུའོ། །
187b2 ཆོ་ག་འདི་ཉིད་ཀྱིས་ཙནྡན་དམར་པོ་ལས་བྱུང་བའི་གཟུགས་བརྙན་བྱས་ནས་རྩ་བའི་སྔགས་ཀྱིས་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་ཆུ་ཀླུང་དུ་གཞུག་གོ། །སྐད་ཅིག་དེ་ཉིད་ལ་གཟུགས་བཟང་པོའི་གནོད་སྦྱིན་མོ་འོང་ཞིང་འདོད་པ་ཐམས་ཅད་རབ་ཏུ་སྦྱིན་པར་འགྱུར་རོ། །ནིམྦའི་ཤིང་ལས
187b3 བྱུང་བའི་བདེ་བར་གཤེགས་པའི་མཐོ་གང་གི་ཚད་ཀྱི་གནོད་སྦྱིན་མོ་བྱེད་དུ་བཅུག་ནས་རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པའི་ཚོན་གྱིས་འདྲིར་གཞུག་པར་བྱའོ། །རིང་བསྲེལ་དང་བཅས་པའི་མཆོད་རྟེན་དུ་ཆོ་གས་གཏོར་མ་དང་། མར་མེའི་མཆོད་པ་རྒྱ་ཆེན་པོ་བྱས་ནས།
187b4 དེ་ནས་སྒྲུབ་པ་པོས་རྣམ་པར་དབེན་པར་སྦྱངས་པའི་སྣོད་དང་གོས་ཀྱི་རྩ་བའི་སྔགས་ཀྱིས་ལྷ་རྣམས་སྤྱན་དྲང་བར་བྱ་སྟེ་མཆོད་པ་དང་གདན་ཕུལ་ནས། སླར་ཡང་གཤེགས་སུ་གསོལ་ཏེ་ཇི་སྲིད་དུ་གནོད་སྦྱིན་མོ་རང་ཉིད་ཀྱིས་གཟུགས་གསལ་བར་བྱེད་བཞིན་པ་མེ་ཏོག་གི་ཕྲེང་བ་བྱས
187b5 ནས་འོང་བར་བྱེད་དོ། །དེ་སྲིད་དུ་བཟླས་པར་བྱའོ། །དེ་སྨྲ་བ་དང་དེ་ནས་སྒྲུབ་པ་པོས་ཆུང་མ་མཛོད་ཅིག་ཅེས་བརྗོད་པར་བྱའོ། །དེ་ནས་དེ་རབ་ཏུ་འཛུམ་པའི་བཞིན་གྱིས་སྒྲུབ་པ་པོ་ལ་མེ་ཏོག་ཕྲེང་བ་སྦྱིན་པར་བྱེད་དོ། །རང་གི་ལག་པས་བཟུང་ནས་བཅོམ་ལྡན་འདས་ཀྱི་དྲུང་དུ
187b6 འགྲོ་བར་བྱེད་དོ། །བཅུད་ཀྱིས་ལེན་སྦྱིན་པར་བྱེད་དོ། །སྐད་ཅིག་དེ་ཉིད་ལ་ལྷའི་གཟུགས་ཅན་དུ་འགྱུར་རོ། །གཟུགས་བཟང་པོ་རབ་ཏུ་མཛེས་པར་འགྱུར་རོ། །དེའི་ལྷན་ཅིག་རོལ་པར་བྱེད་ཅིང་དགའ་མགུར་ཡོངས་སུ་སྤྱོད་པར་བྱེད་དོ། །ལོ་སྟོང་ཕྲག་ལྔར་འཚོ་བར་བྱེད་དེ
187b7 ལྷའི་ཚེའོ། །གང་གི་ཚེ་འཆི་བ་དེའི་ཚེ་ནོར་ཆེན་པོའི་རིགས་སུ་སྐྱེ་བར་འགྱུར་རོ། །རབ་ཏུ་མཛེས་པ་དང་སེམས་ཅན་ཐམས་ཅད་ཀྱིས་མཐོང་ན་དགའ་བ་དང་། ལོངས་སྤྱོད་ཆེན་པོ་དང་། ནོར་ཆེན་པོ་དང་། འདོད་པ་ཆེན་པོ་དང་། སྙིང་རྗེ་ཅན་དང་། ཐམས་ཅད་སྦྱིན་པ།
iiif viewer powered by OpenSeadragon
