| e-texts navigator |
| Wylie |
187a1 ཉི་ཤུ་རྩ་བརྒྱད་སྦྱིན་སྲེག་གྱིས་ཤིག་། དེ་ནས་སྒྲུབ་པ་པོས་རྩ་བའི་སྔགས་ཀྱིས་ལན་བདུན་བསྔགས་པའི་མཱ་ལ་ཏིའི་མེ་ཏོག་རེ་རེས་ཇི་སྲིད་རང་ཉིད་འོངས་ཀྱི་བར་དུ་གནོད་སྦྱིན་མོ་ལ་བསྣུན་པར་བྱའོ། །སྒྲུབ་པ་པོ་ལག་པས་བཟུང་ནས་རང་གི་གནས་སུ་འགྲོ
187a2 བར་བྱེད་དོ། །གནས་སུ་སོང་ནས་བཅུད་ཀྱིས་ལེན་སྦྱིན་པར་བྱེད་དོ། །སྐད་ཅིག་དེ་ཉིད་ལ་གཟུགས་བཟང་པོར་འགྱུར་ཏེ། དེ་ཡིས་ལྷན་ཅིག་རོལ་པར་བྱེད་དོ། །ལོ་སྟོང་ཕྲག་ལྔར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་ནོར་ཆེན་པོའི་རིགས་སུ་སྐྱེ་བར་འགྱུར
187a3 རོ། །སྐྱེ་བ་དྲན་པར་འགྱུར་རོ། །ཆོ་ག་འདི་ཉིད་ཀྱིས་ཙནྡན་དང་། རྒྱ་སྤོས་དང་། རུ་རྟ་དང་། ཤིང་རྩ་དང་། པ་རི་པཱ་ལ་པཱ་དང་། གུར་གུམ་དང་། ལྡོང་རོས་དང་། གི་ཝང་དང་། པདྨའི་འདབ་མ་དང་། པདྨའི་ས་བོན་རྣམས་གཅིག་ཏུ་བྱས་ནས་དྲིའི
187a4 ཁུ་བ་དང་། ནམ་མཁའི་ཆུས་བྲམ་ཟེའི་བུ་མོ་གསོ་སྦྱོང་ཅན་གྱི་ལག་པར་བསྟབས་པར་བྱའོ། །དྲི་དཀར་པོའི་གཟུགས་བརྙན་བྱས་ནས་རིང་བསྲེལ་དང་བཅས་པའི་མཆོད་རྟེན་དུ་དཀར་པོའི་བརྒྱད་པ་ལ་མཆོད་པ་བྱས་ནས་མཚན་མོ་གསུམ་དུ་སྨྱུང་བར་གནས་པ
187a5 གཟུགས་བརྙན་དེ་མཆོད་རྟེན་གྱི་སྤྱན་སྔར་བཞུགས་ནས་རྩ་བའི་སྔགས་ཀྱིས་རང་གི་ལྷ་སྤྱན་དྲང་བར་བྱ་སྟེ་མཆོད་ཡོན་དང་གདན་ཕུལ་ནས་སླར་ཡང་གཤེགས་སུ་གསོལ་བའི་མཆོད་ཡོན་ཕུལ་ཏེ། ཀུ་ཤའི་ཁྲེས་ལ་ཉེ་བར་འདུག་པས་པདྨ་གེ་སར་ལ་བ་སེར་སྐྱའི་མར་གྱིས
187a6 བཏགས་པའི་སྲེག་བླུགས་བདུན་སྦྱིན་སྲེག་གྱིས་ཤིག་། དེ་ཉིད་དུ་ཀུ་ཤའི་ཁྲེས་ལ་ཉེ་བར་འདུག་པས་ཇི་སྲིད་གནོད་སྦྱིན་མོ་རང་ཉིད་འོངས་པ་དེ་སྲིད་དུ་བཟླས་པར་བྱའོ། །འོངས་པ་ལ་མཆོད་ཡོན་དབུལ་བར་བྱའོ། །དེ་ནས་དེ་ན་རེ་བཀས་བསྒོ་བ་ཅི་ཞིག་བགྱི་ཞེས་ཟེར་རོ། །འདི
187a7 སྐད་ཅེས་བརྗོད་པར་བྱའོ། །ཆུང་མ་མཛོད་ཅིག་ཅེས་སོ། །དེ་ནས་དེས་སྨྲས་པ་དེ་བཞིན་བྱའོ་ཞེས་སྒྲུབ་པ་པོ་ལག་པས་བཟུང་ནས་རང་གི་གནས་སུ་འགྲོ་བར་བྱེད་ཅིང་བཅུད་ཀྱིས་ལེན་སྦྱིན་པར་བྱེད་དོ། །ལྷའི་གཟུགས་ཅན་དུ་འགྱུར་རོ། །ལོ་སྟོང་ཕྲག་ལྔར་འཚོ་བར
iiif viewer powered by OpenSeadragon
