| e-texts navigator |
| Wylie |
186b1 རིགས་སུ་སྐྱེ་བར་འགྱུར་ཏེ། སྐྱེ་བ་དྲན་ནོ། །ཆོ་ག་དེ་ཉིད་ཀྱིས་ཁ་ཚར་མ་བཅད་པའི་རས་ལ་རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པས་བདེ་བར་གཤེགས་པའི་མཐོ་གང་གི་ཚད་ཀྱི་ག་པུར་པྲི་ཡང་ཀུའི་ཤིང་ལ་འཕྱང་བ་གོས་གཅིག་པ་ཟར་མའི་མེ་ཏོག་དང་མཚུངས་པའི་གནོད་སྦྱིན
186b2 མོ་འདྲིར་གཞུག་པར་བྱའོ། །དེ་ནས་སྒྲུབ་པ་པོས་དཀར་པོའི་བརྒྱད་པ་ལ་མཚན་མོ་སྨྱུང་བར་གནས་པས་གོས་གཙང་མ་བགོས་ཏེ་རིང་བསྲེལ་དང་བཅས་པའི་མཆོད་རྟེན་དུ་མཆོད་པ་དང་གཏོར་མ་དང་མར་མེ་བྱས་ནས་རང་གི་ལྷ་སྤྱན་དྲང་བར་བྱས་ཏེ་མཆོད་ཡོན་དང་གདན་ཕུལ་ནས་སླར་ཡང་གཤེགས་སུ
186b3 གསོལ་ཏེ་པྲི་ཡང་ཀུའི་ཡམ་ཤིང་བ་སེར་སྐྱའི་མར་གྱིས་བཏགས་པ་སྲེག་བླུགས་བརྒྱད་སྦྱིན་སྲེག་གྱིས་ཤིག་། དེ་ནས་རིག་པ་འཛིན་པས་ཇི་སྲིད་གནོད་སྦྱིན་མོ་རང་ཉིད་འོངས་པ་དེ་སྲིད་བཟླས་པར་བྱའོ། །འོངས་པ་ལ་མཆོད་ཡོན་དབུལ་བར་བྱའོ། །འདི་སྐད་ཟེར་ཏེ་བཀའ་བསྒོ་བ
186b4 ཅི་བགྱི། དེ་ནས་སྒྲུབ་པ་པོས་འདི་སྐད་ཅེས་བརྗོད་པར་བྱ་སྟེ། བདག་གི་ཆུང་མ་མཛོད་ཅིག་ཅེས་སྒྲུབ་པ་པོས་སྨྲས་པ་དང་རབ་ཏུ་འཛུམ་པའི་བཞིན་གྱིས་ཁྱོད་ཀྱིས་ཇི་ལྟར་བསྒོ་བ་བཞིན་དུའོ་ཞེས་ཟེར་རོ། །སྒྲུབ་པ་པོས་ལག་པས་བཟུང་ནས་རང་གི་གནས་སུ་འགྲོ་བར་བྱེད་དོ། །
186b5 བཅུད་ཀྱིས་ལེན་སྦྱིན་པར་བྱེད་དོ། །སྐད་ཅིག་དེ་ཉིད་ལ་གཟུགས་བཟང་པོ་རབ་ཏུ་མཛེས་པར་འགྱུར་རོ། །ལོ་སྟོང་ཕྲག་ལྔར་འཚོ་བར་བྱེད་དོ། །ཆོ་ག་དེ་ཉིད་ཀྱིས་ཁ་ཚར་མ་བཅད་པའི་རས་ལ་རི་མོ་མཁན་གསོ་སྦྱོང་ཅན་གྱིས་གནོད་སྦྱིན་མོ་འདྲིར་གཞུག་པར་བྱའོ། །གསེར་ལྟར
186b6 སེར་བ་གོས་གཅིག་པ། སྐྲ་གྲོལ་བ་ཀུན་ཏུ་ཆགས་པའི་སེམས་ཀྱིས་སྒྲུབ་པ་པོ་ལ་ངེས་པར་རྟོག་བཞིན་པ་ཨ་ཏི་མུཀྟའི་ཤིང་ལ་འཕྱང་བཞིན་པ་ཅུང་ཟད་འཛུམ་པའི་བཞིན་ཅན་ཕྱག་གཡས་པའི་སོར་མོས་སྒྲུབ་པ་པོ་ལ་སྡིགས་པར་བྱེད་པའོ། །དེ་ནས་སྒྲུབ་པ་པོས་རིང་བསྲེལ་དང
186b7 བ་ཅས་པའི་མཆོད་རྟེན་དུ་རས་རིས་བཞུགས་སུ་གསོལ་ཏེ་གོས་གཙང་མ་བགོས་ནས་རས་རིས་ཀྱི་སྤྱན་སྔར་མཚན་མོ་གསུམ་སྨྱུང་བར་གནས་ཏེ་མཆོད་པ་རྒྱ་ཆེན་པོ་བྱས་ནས་མཆོད་ཡོན་དང་རི་མོ་བྱ་བ་དང་སླར་ཡང་མཆོད་ཡོན་ཕུལ་ནས་གཤེགས་སུ་གསོལ་ཏེ་འོ་མའི་སྲེག་བླུགས
iiif viewer powered by OpenSeadragon
