| e-texts navigator |
| Wylie |
186a1 འབར་བས་ནི་ནམ་མཁའ་ལ་འགྲོ་བར་བྱེད་དོ། །མིག་ལ་བསྐུས་པས་ལོ་སྟོང་ཕྲག་ལྔར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་ནོར་ཆེན་པོའི་ཕྱུག་པོའི་རིགས་སུ་སྐྱེ་བར་འགྱུར་རོ། །སྐྱེ་བ་དྲན་ནོ། །དེ་ནས་གནོད་སྦྱིན་མོ་སྒྲུབ་པར་འདོད་ན་སྐྲ་དང་བྲལ
186a2 བའི་རས་གཞི་ལ་རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པའི་ཚོན་གྱིས་བདེ་བར་གཤེགས་པའི་མཐོ་གང་གི་ཚད་ཀྱི་གཟུགས་བརྙན་རྒྱན་ཐམས་ཅད་ཀྱིས་རྣམ་པར་བརྒྱན་པ་ཅུང་ཟད་འཛུམ་པའི་ཞལ། ཕྱག་གཡས་པས་མྱ་ངན་མེད་པ་འཆང་བཞིན་པ
186a3 བསྣམས་པ་འདྲིར་གཞུག་པར་བྱའོ། །རིག་པ་འཛིན་པས་དཀར་པོའི་བརྒྱད་པ་ལ་བཅོམ་ལྡན་འདས་ཀྱི་གཟུགས་བརྙན་གྱི་སྤྱན་སྔར་རས་རིས་བཞུགས་ནས་གཏོར་མ་དང་། མཆོད་པ་རྒྱ་ཆེན་པོ་བྱས་ཏེ་མཚན་མོ་གསུམ་དུ་སྨྱུང་བར་གནས་པས་རང་གི་ལྷ་སྤྱན་དྲངས་ནས
186a4 མཆོད་ཡོན་དང་གདན་ཕུལ་ཏེ་སླར་ཡང་གཤེགས་སུ་གསོལ་བའི་མཆོད་ཡོན་ཕུལ་ནས་རྩ་བའི་སྔགས་ཀྱིས་འོ་མའི་སྲེག་བླུགས་བརྒྱད་སྦྱིན་སྲེག་གྱིས་ཤིག་། དེ་ནས་རིག་པ་འཛིན་པས་ཀུ་ཤའི་ཁྲེས་ལ་ཉེ་བར་འདུག་པས་ཇི་སྲིད་གནོད་སྦྱིན་མོ་རང་ཉིད་འོངས་ཀྱི་བར་དུ་བཟླས་པ་བྱའོ། །
186a5 འོངས་པ་དང་མཆོད་ཡོན་ཕུལ་ནས་འདི་སྐད་ཅེས་བརྗོད་པར་བྱའོ། །སོ་སོར་བཞེས་ཤིག་སོ་སོར་བཞེས་ལ་བཞུགས་ཤིག་ཅེས་སོ། །རབ་ཏུ་འཛུམ་པའི་བཞིན་གྱིས་ལེགས་སོ་ཞེས་སྨྲས་ཏེ་བཀའ་སྒོ་བར་བྱེད་པ་ཅི་ཞིག་བགྱི་ཞེས་སོ། །དེ་ནས་སྒྲུབ་པ་པོས་ཆུང་མའོ་ཞེས་བརྗོད
186a6 པར་བྱའོ། །གལ་ཏེ་སྲིང་མོའོ་ཞེས་རྗོད་པར་བྱེད་ན་དེ་ནས་སྒྲུབ་པ་པོ་འཚོ་བ་ལས་བྲལ་བར་བྱེད་དོ། །དེ་ནས་ཆུང་མའོ་ཞེས་རྗོད་པར་བྱེད་ན་དེ་ནས་སྒྲུབ་པ་པོ་ལག་པས་བཟུང་ནས་འཛུམ་པའི་བཞིན་གྱིས་རང་གི་གནས་སུ་འགྲོ་བར་བྱེད་དོ། །བཅུད་ཀྱིས་ལེན་སྦྱིན་པར་བྱེད་དོ། །
186a7 ཟོས་པས་སྐད་ཅིག་དེ་ཉིད་ལ་སྐྲ་ལི་ཞིང་འཁྱིལ་བ་ལོ་བརྒྱད་གཉིས་ལོན་པའི་རྣམ་པ་ཉི་མ་འཆར་བའི་ཁ་དོག་འདྲ་བ་ལྷའི་གཟུགས་བརྙན་གཟུགས་བཟང་པོ་རབ་ཏུ་མཛེས་པ་ལོ་སྟོང་ཕྲག་ལྔར་འཚོ་བར་བྱེད་དོ། །དེ་དང་ལྷན་ཅིག་རོལ་པར་བྱེད་དོ། །གང་གི་ཚེ་འཆི་བ་དེའི་ཚེ་ཆེན་པོའི
iiif viewer powered by OpenSeadragon
