| e-texts navigator |
| Wylie |
185b1 པོས་ལན་བཅུ་གསུམ་དུ་སྨོན་ལམ་བཏབ་པ་བྱས་ནས་བཅོམ་ལྡན་འདས་ལ་དངོས་གྲུབ་གསོལ་བར་བྱའོ། །དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྒྲུབ་པ་པོའི་སྤྱི་བོར་ཕྱག་གཡས་པ་རེག་པར་མཛད་དོ། །འདི་སྐད་ཅེས་གསུངས་སོ། །བུ་ཅི་བྱ། དེ་ནས་མཆོད་ཡོན
185b2 དང་། མེ་ཏོག་གི་ཆུན་པོ་ཕུལ་ནས་པུས་མོ་གཉིས་བཙུགས་ཏེ་འདི་སྐད་ཅེས་བརྗོད་པར་བྱའོ། །བཅོམ་ལྡན་འདས་རྡོ་རྗེའི་དངོས་གྲུབ་བདག་ལ་སྩོལ་ཅིག་།ཁྱེད་ཀྱིས་ཕྲིན་ལས་བརྩོན་འགྲུས་ཆེན་པོ་དང་། སྟོབས་ཆེན་པོས་རིག་པ་འཛིན་པའི་རྒྱལ་པོ་རིག་པ་འཛིན་པ་ཐམས་ཅད་ཀྱི་མངའ
185b3 བདག་ཕྱག་ན་རྡོ་རྗེ་དང་འདྲ་བའི་ལུས་སུ་མཛོད་ཅིག་། དེ་ནས་བཅོམ་ལྡན་འདས་ཀྱིས་གསུངས་པ་བུ་དེ་རྣམས་གྲུབ་བོ། །རྡོ་རྗེ་འདི་ནི་བརྩོན་འགྲུས་ཆེན་པོའི་སྟོབས་དང་། ཕ་རོལ་གནོན་པ། རིག་པ་འཛིན་པའི་རྒྱལ་པོ་ཐོགས་པ་མེད་པར་འགྲོ་བ་མཐུ་ཆེན་པོ་ཕྱག་ན་རྡོ་རྗེ་དང་འདྲ་བའི
185b4 ལུས་སོ། །དེ་ནས་རིག་འཛིན་པས་རྡོ་རྗེ་བླངས་ནས་བཅོམ་ལྡན་འདས་ལ་བསྐོར་བ་བྱས་ཏེ། རིག་པའི་རྒྱལ་པོར་འགྱུར་རོ། །རིག་པ་འཛིན་པ་བྱེ་བ་ལྔས་ཡོངས་སུ་བསྐོར་བ་རིག་པ་འཛིན་པའི་བུ་མོ་རྣམས་ཀྱིས་ལྷན་ཅིག་རོལ་པར་བྱེད་པ། གཟུགས་བཟང་པོ་རབ་ཏུ་མཛེས
185b5 པ། མཚན་ཐམས་ཅད་ཡང་དག་པར་རྫོགས་པ། བར་གྱི་བསྐལ་པར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་བྲམ་ཟེའི་རིགས་སུ་སྐྱེ་བར་འགྱུར་རོ། །སྐྱེ་བ་དྲན་ཏེ་འདི་ནི་དངོས་གྲུབ་བོ། །དེ་ནས་མིག་སྨན་སྒྲུབ་པར་འདོད་ན་ཉི་མ་གུང་ལ་དཔའ་བོའི་རིན་གྱིས་རྣ་བའི
185b6 མིག་སྨན་བླངས་ནས་བ་སེར་སྐྱའི་འོ་མས་ལན་བདུན་དུ་བཀྲུ་བར་བྱས་ནས་བ་སེར་སྐྱའི་བ་བྱུང་ལྔ་པོ་དེ་ཉིད་ཀྱིའོ། །དེའི་འོག་དེ་ནས་མིག་སྨན་ཟངས་ཀྱི་སྣོད་དུ་བྱས་ནས་བཏགས་པར་བྱའོ། །དེ་ནས་མེ་ནས་བཏོན་ཏེ་རས་རིས་མཆོད་པ་རྒྱ་ཆེན་པོ་དང་། གཏོར་མ་བྱས་ནས་མིག་སྨན
185b7 ཁར་བཅུག་སྟེ་དཀར་པོའི་བརྒྱད་པའམ། ཟླ་བ་གཟས་བཟུང་བ་ན་མཚན་མོ་གསུམ་དུ་སྨྱུང་བར་གནས་པས་ཇི་སྲིད་དྭོ་བ་དང་། དུ་བ་འཐུལ་བ་དང་། འབར་བར་བྱེད་པ་དེ་སྲིད་དུ་བཟླས་པར་བྱའོ། །དྲོ་བར་གྱུར་པས་ནི་དབང་དུ་བྱེད་དོ། །དུ་བ་འཐུལ་བས་ནི་མི་སྣང་བའོ། །
iiif viewer powered by OpenSeadragon
