| e-texts navigator |
| Wylie |
185a1 དྲང་བ་བྱས་ནས་མཆོད་ཡོན་ཡང་དང་ཡང་ཕུལ་ཏེ། སླར་ཡང་གཤེགས་སུ་གསོལ་ནས་མར་གྱི་སྲེག་བླུགས་སྦྱིན་སྲེག་གྱིས་ཤིག་།དེ་ནས་རིག་པ་འཛིན་པས་ལག་པ་གཡས་པས་རྡོ་རྗེ་ཐོགས་ཏེ་ཇི་སྲིད་འབར་བ་དང་། ཙི་ཊི་ཙི་ཊིའི་སྒྲ་སྒྲོགས་པ་དེ་སྲིད་དུ་བཟླས་པར
185a2 བྱའོ། །དེ་ནས་རིག་པ་འཛིན་པས་རིངས་པ་ཉིད་དུ་བཟླས་པར་བྱ་སྟེ་ཇི་སྲིད་ཤར་གྱི་ཕྱོགས་སུ་མཐོང་བ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ཅན་བྱང་ཆུབ་སེམས་དཔའི་སྒྲོལ་བ་པོ་ཕ་རོལ་ཏུ་ཕྱིན་པ་ཐམས་ཅད་ཀྱིས་ཡོངས་སུ་བསྐོར་བ་དང་། རྟ་མགྲིན་རྒྱལ་པོ་རིག་པ་བྱེ་བས་ཡོངས
185a3 སུ་བསྐོར་བ་དང་། འཕགས་པ་ཁྲོ་གཉེར་ཅན་དང་། སྒྲོལ་མ་དང་། གོས་དཀར་མོ་དང་། རི་ཁྲོད་ལོ་མ་ཅན་དང་། བྱང་ཆུབ་སེམས་དཔའི་སྙིང་པོ་རེ་རེ་ལ་བྱེ་བ་ལྔ་རྣམས་ཀྱིས་ཡོངས་སུ་བསྐོར་བ་བཅོམ་ལྡན་འདས་ཀྱི་ཕྱི་བཞིན་རྗེས་སུ་འབྲངས་པས་འོང་བར་བྱེད་དོ། །དེ་ནས
185a4 འཕགས་པ་སྤྱན་རས་གཟིགས་དབང་ཕྱུག་ལྷ་རྣམས་ཀྱིས་མེ་ཏོག་གི་ཆར་གྱི་ཆར་འབེབས་པས་མཆོད་པ་བྱ་བཞིན་པ་འཕགས་པ་སྤྱན་རས་གཟིགས་དབང་ཕྱུག་རིལ་བ་སྤྱི་བླུགས་དང་དབྱུག་གུའི་ཤིང་བསྣམས་པ། གཡས་པས་སྒྲུབ་པ་པོ་ལ་དབུགས་འབྱིན་པར་མཛད་བཞིན་པ་སྟོན་ཀའི
185a5 སྤྲིན་ལྟར་དཀར་བ་སྦྱངས་པའི་སྣོད་དཀར་པོ་ངེས་པར་གནས་པ། གཡང་གཞི་ནག་པོ་འཆང་བ། རལ་པའི་ཅོད་པན་འཆང་བའི་དབུས་ན་དེ་བཞིན་གཤེགས་པ་འོད་དཔག་མེད་ཉི་མ་ལྟར་འབར་བ་གསེར་གྱི་སྲང་བུའི་མཆོད་ཕྱིར་ཐོགས་པ་ཅན་སྒྲུབ་པ་པོ་ལ་རྔ་བོ་ཆེའི་སྒྲ་ཟབ་མོའི་ཚིག
185a6 གིས་དབུགས་འབྱིན་པར་མཛད་བཞིན་པའོ། །དེ་ནས་སྒྲུབ་པ་པོས་བྱོན་ཅིང་བྱོན་པ་རྣམས་ལ་མཆོད་ཡོན་དང་གདན་ཕུལ་ཏེ། སྨོན་ལམ་གདབ་པ་བྱས་ནས་རྗེས་སུ་བརྩེ་བས་བཅོམ་ལྡན་འདས་ལ་རྗེས་སུ་བརྩེ་བ་ཉེ་བར་བླངས་ནས་གསུངས་ཤིག་།སྡིག་པ་བྱེད་པ་དང་བསོད
185a7 ནམས་དང་དངོས་གྲུབ་གཞན་པ་ལ་བཅོམ་ལྡན་འདས་ཐུགས་རྗེ་ཆེན་པོས་ཡོངས་སུ་སེམས་ཅན་ཐམས་ཅད་བྱང་ཆུབ་སེམས་དཔའ་ཆེན་པོ་ཐུགས་རྗེ་ཆེན་པོ་ཐུགས་རྗེ་ཆེན་པོའི་བདག་ཉིད་ཅན་གསུངས་ཤིག་། བདག་གི་སྡིག་པ་བྱས་པ་ལ་ནོར་གྱི་དངོས་གྲུབ་དང་། སྒྲུབ་པ
iiif viewer powered by OpenSeadragon
