| e-texts navigator |
| Wylie |
184b1 ནས་རི་མོ་མཁན་གསོ་སྦྱོང་ཅན་གྱིས་འདྲིར་གཞུག་པར་བྱའོ། །རས་རིས་ཀྱི་ཞལ་ནུབ་ཏུ་ཕྱོགས་པར་བཞག་ནས་མཆོད་པ་རྒྱ་ཆེན་པོ་བྱས་ཏེ། མར་མེ་རྣམས་དང་། སྲུང་བའི་ཆོ་ག་བྱས་ནས་ཨུ་དུམ་བཱ་རའི་ཡམ་ཤིང་གིས་སྲེག་བླུགས་བདུན་གྱིས་སྦྱིན་སྲེག་བྱའོ། །དྲིའི་ཆུས་ལྷ
184b2 རྣམས་སྤྱན་དྲངས་ནས་སླར་ཡང་རྣམ་པར་ཕྱེ་སྟེ་མཆོད་ཡོན་ཕུལ་ཏེ་རྨ་བྱ་དེ་རས་རིས་ཀྱི་མདུན་དུ་བཞག་ནས་ཇི་སྲིད་འབར་བར་གྱུར་པ་དེ་སྲིད་དུ་བཟླས་པར་བྱའོ། །དེ་ནས་རིག་པ་འཛིན་པས་རིངས་པ་རིངས་པར་བཟླས་པར་བྱ་སྟེ་གལ་ཏེ་རྨ་བྱ་སྒྲུབ་པར་བྱེད་ན་དེའི་དངོས་གྲུབ་ཀྱི་མཚན་མར
184b3 འགྱུར་བ་ནི་རྨ་བྱ་སྐད་འབྱིན་པ་དང་། གླང་པོ་ཆེ་གུ་ལ་གུ་ལ་སྒྲོགས་པ་དང་། རྟ་འཚེར་བ་དང་། ནམ་མཁའ་ལྡིང་གཤོག་པ་གཡོ་བ་སྟེ། དངོས་གྲུབ་ཀྱི་མཚན་མ་འདི་རྣམས་སུ་གྱུར་ན་རྨ་བྱའི་རྒྱལ་པོ་སྨིན་དྲུག་གཉིས་པར་འགྱུར་ཏེ། བརྩོན་འགྲུས་ཆེན་པོས་སྟོབས
184b4 དང་ཕ་རོལ་གནོན་པར་འགྱུར་རོ། །ལྷ་རྣམས་ཀྱི་རྒྱགས་པ་གནོན་པར་བྱེད་དོ། །བར་གྱི་བསྐལ་པར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་བྲམ་ཟེའི་རིགས་སུ་སྐྱེ་བར་འགྱུར་ཏེ། འདི་ནི་དངོས་གྲུབ་བོ། །དེ་ནས་རྡོ་རྗེ་རྣམ་པར་བྱེད་པ་དེས་ཨ་ཀ་རུ་ལས་བྱུང་བའམ།
184b5 ཙནྡན་ལས་བྱུང་བའམ། ལྷའི་ཤིང་ལས་བྱུང་བའམ། སེང་ལྡེང་ལས་བྱུང་བའམ། དྲི་ལས་བྱུང་བའམ། ནིམྦའི་ཤིང་ལས་བྱུང་བའམ། རྒྱལ་གྱི་ལྕགས་ལས་བྱུང་བའམ། གྲོག་མཁར་ལས་བྱུང་བའམ། ཤེལ་ལས་བྱུང་བའམ། སར་ལས་བྱུང་བའི་འཁོར
184b6 ལོ་དང་། ལྕགས་ཀྱུ་དང་། དགྲ་སྟ་དང་། མདུང་ཐུང་དང་། རྡོ་རྗེ་དང་། རྩེ་གསུམ་ཁ་གདེང་སྒྲུབ་པར་བྱེད་དོ། །རྡོ་རྗེ་རྩེ་བཞི་པ་སོར་བཅུ་དྲུག་པ་ལས་བྱེད་པ་གསོ་སྦྱོང་ཅན་གྱིས་ཆ་མ་ཚང་བ་མེད་པ་བྱེད་དུ་བཅུག་ནས་སེར་སྐྱའི་བ་བྱུང་ལྔས་རབ་ཏུ་བཀྲུ་བར་བྱས་ནས་དཀར་པོའི་བཅོ
184b7 ལྔ་ལ་རས་རིས་ཀྱི་སྤྱན་སྔར་གཏོར་མ་དང་། མར་མེ་དང་། མཆོད་པ་རྒྱ་ཆེན་པོ་བྱས་ཏེ། རྡོ་རྗེ་དྲིའི་ཆུས་འཁྲུར་བཅུག་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བཀོད་པའི་གཟུགས་བརྙན་བྱས་ཏེ་དྲིའི་ཆུ་དང་། རྩ་བའི་སྔགས་བརྗོད་དོ། །རང་གི་ལྷ་རྣམས་སྤྱན
iiif viewer powered by OpenSeadragon
