| e-texts navigator |
| Wylie |
183b1 བྱའོ། །དེ་ནས་རིལ་བུ་བྱས་ནས་གྲིབ་མ་ལ་མཱ་ལ་ཏཱིའི་མེ་ཏོག་དཀར་པོས་བསྒོ་བར་བྱའོ། །འདི་རྣམས་ཀྱིས་ལུས་བྱུགས་ན་ལོག་པར་འདྲེན་པ་དང་། དང་། གྲུལ་བུམ་དང་། ཤ་ཟ་ལ་སོགས་པ་རྣམས་གང་གིས་ཀྱང་ཟིལ་གྱིས་གནོན་པར་མི་འགྱུར་རོ། །གལ་ཏེ་མི་སྦྱིན་ན་བ
183b2 ལང་གི་གཅིན་ལ་ལན་བདུན་མངོན་པར་བསྔགས་པར་བྱས་ནས་ནད་རབ་ཏུ་འཇོམས་པར་བྱེད། །གུ་གུལ་དང་པི་ཙུ་མར་ཏའི་ས་བོན་དང་། ཙནྡན་དང་། ཏུ་ཏུཥྐ་དང་། ཤྲཱི་བཱ་ལ་ས་ཀ་འདི་རྣམས་ཕྱེ་མར་བྱས་ནས་གོས་ལ་བདུག་པར་གྱིས་ཤིག་།གང་གིས་ཀྱང་ཟིལ་གྱིས་གནོན་པར་མི་འགྱུར་རོ། །
183b3 ལྡོང་རོས་དང་། གི་ཝང་དང་། ལག་སྐྱེས་དང་། བ་རུ་ར་དང་། ཀ་དམ་པའི་མེ་ཏོག་དང་། ཤིང་མངར་དང་། སེ་ཕ་ལི་ཀའི་མེ་ཏོག་དང་། ཤིང་ཙ་དང་། ན་ལེ་ཤམ་དཀར་པོའི་ས་བོན་དང་། ཡུང་བ་གཉིས་དང་། ཤུ་དག་རྣམས་བ་སེར་སྐྱའི་གཅིན་གྱིས་བྲམ་ཟེའི་བུ་མོའི་ལག་པར
183b4 གསོ་སྦྱོང་ཅན་གྱེས་བཏགས་པར་བྱའོ། །རིལ་བུ་བྱས་ནས་ཨུཏྤ་ལས་བསྒོ་བར་བྱའོ། ། ཏི་མུཀྟ་ཀ་དང་། སཱ་ལ་དང་། མེ་ཏོག་སྔོན་པོས་བསྒོས་པར་བྱའོ། །ལོག་པར་འདྲེན་པ་རྣམས་སམ། གཞན་རྣམས་སམ། དང་། ཤ་ཟ་དང་། གྲུལ་བུམ་དང་། སྲིན་པོ་ལ
183b5 སོགས་པ་རྣམས་གང་གིས་ཀྱང་ཟིལ་གྱིས་གནོན་པར་མི་འགྱུར་རོ། །ནད་མེད་པའི་ལེའུ་རྫོགས་སོ།། །།དེ་ནས་རོ་ལངས་སྒྲུབ་པ་འབྱུང་སྟེ་སྐྱེས་པའི་རོ་མ་ཉམས་པ་རབ་ཏུ་མཛེས་པ་ལ་དཀར་པོའི་བཅོ་ལྔ་ལ་རྗེས་སུ་བྱུགས་པ་བྱས་ནས་སྦྱངས་པའི་སྣོད་དུ་བཞག་ནས་གསོ
183b6 སྦྱོང་ཅན་དེས་ཀྱང་སྐྲ་བཞོར་དུ་བཅུག་ནས་མེ་ཏོག་གི་ཕྲེང་བ་མགྲིན་པ་ལ་བཅིངས་ཏེ་ཁྲོན་པ་སྐམ་པོར་ཞུགས་ནས་སེར་སྐྱའི་བ་བྱུང་གི་རིང་བསྲེལ་དང་བཅས་པའི་མཆོད་རྟེན་དེ་ཉིད་དུ་ཁྲོན་པར་བཞག་ནས། མཆོད་པ་རྒྱ་ཆེན་པོ་བྱས་ཏེ་གཏོར་མ་དང་། སེང་ལྡེང་གི་ཕུར་བུ་བཞི་རྣམས་ཀྱིས
183b7 བཅིང་བ་དང་། ཕྱོགས་སྐྱོང་བ་རྣམས་གཞག་པར་བྱའོ། །རོ་དེ་ལ་འབྲས་ཡོས་དང་། ཕྱེ་བ་སེར་སྐྱའི་འོ་མ་དང་སྦྱར་ཏེ་ཇི་སྲིད་དུ་རོ་དེའི་ལྕེ་བྱུང་གི་བར་དེ་སྲིད་དུ་ཁར་སྲེག་བླུགས་གྱིས་ཤིག་།དེ་བཅད་ནས་རལ་གྲིའི་རིག་པ་འཛིན་པར་འགྱུར་རོ། །དཔའ་བོ་ཆེན་པོ་ཕ་རོལ
iiif viewer powered by OpenSeadragon
