| e-texts navigator |
| Wylie |
183a1 ན་སྟོན་པར་བྱེད་དེ། རིག་པ་འཛིན་པ་གསང་ཆེན་མཆོག་སྒྲུབ་པར་འདོད་པ་དེ་གཅོད་པ་དང་། གསོད་པ་དང་། དབྱེ་བ་དང་། རླག་པར་བྱེད་པ་དང་། བསྡིགས་པ་དང་། གསོད་པར་བྱེད་པ་གཞན་ཐམས་ཅད་ཀྱང་འདིར་བྱའོ། །ཐམས་ཅད་སྙིང་རྗེའི་བདག་ཉིད་ཀྱིས་ཏེ
183a2 དྲག་པོ་ཡིས་ནི་མ་ཡིན་པ་ཁོ་ནའོ། །ཇི་སྲིད་དུ་རིག་པའི་རྒྱལ་པོ་རབ་ཏུ་སྦྱར་བར་མི་བྱ་བའི་གནས་སུ་རབ་ཏུ་སྦྱར་བར་མི་བྱ་སྟེ། གང་རབ་ཏུ་སྦྱོར་བར་བྱེད་པ་དེའི་མཆོག་གི་སྒྲུབ་པ་མི་འགྲུབ་བོ། །དམ་ཚིག་ཤེས་པ་མེད་པར་ཡང་འགྱུར་རོ། །དངོས་གྲུབ་འདི་ནི་སྒྲུབ་ཐབས་ཐམས་ཅད་དང་། རྒྱུད
183a3 ཐམས་ཅད་དུའོ། །སོར་མོ་ལ་ལན་བདུན་མངོན་པར་བསྔགས་པར་བྱས་ནས་སྤྲིན་གནོན་པར་བྱེད་དོ། །མགོ་རེག་བྱས་ནས་རྒྱན་པོ་རྒྱལ་བར་བྱེད་དོ། །ཐ་སྙད་ཐམས་ཅད་ཉིད་ལ་ཡང་ངོ་། །ཡུངས་ཀར་ལ་ལན་བདུན་བསྔགས་པ་བྱས་ནས་རིལ་བསྣུན་པར་བྱས་ཏེ་རྣམ་པར་རྙིལ་བར་བྱེད་དོ། །མཱ
183a4 ལ་རེའི་མེ་ཏོག་ལ་ལན་བདུན་མངོན་པར་བསྔགས་ཏེ་བུད་མེད་གང་གིས་བསྣམས་པར་སྦྱིན་པའམ། མགོ་བོར་བླུགས་ན་དེ་དབང་དུ་འགྱུར་རོ། །རུ་རྟ་དང་། ཤིང་ཚ་དང་། ཨ་ག་རུ་ནག་པོ་དང་། ཙནྡན་དང་། གུར་གུམ་དང་། ས་ཧཱ་ཀ་རའི་སྙེ་མ་དང་། ཚ་བ་གསུམ་གྱི་འདབ་མ་དང་། ན
183a5 ལི་ཤམ་དང་། བ་ཀུ་ལའི་མེ་ཏོག་དང་། པྲི་ཡང་ཀུའི་མེ་ཏོག་རྣམས་ཕྱེ་མ་ཞིབ་མོར་བྱས་ནས་སྦྲང་རྩིས་སྦྱར་ཏེ་ཙ་ན་ཀའི་འདབ་མར་རིལ་བུ་བྱེད་དུ་གཞུག་པར་བྱའོ། །འདི་རྣམས་ལན་ལྔར་ཡོངས་སུ་བཟླས་ཏེ་བྱིན་པ་དེ་དབང་དུ་འགྱུར་རོ། །རྩ་བའི་སྔགས་ཀྱིས་སྐྱེས་པ་དང་ལྷན་ཅིག་བུད
183a6 མེད་དབང་དུ་འགྱུར་རོ། །སྒྲུབ་པ་ལ་ཞུགས་པས་གང་དང་དེར་གནས་པ་དེ་ཉིད་ཀྱིས་ཕྱེ་མས་ཡང་དག་པར་བརྩམ་པར་བྱ་སྟེ་ལོག་འདྲེན་རྣམས་ཀྱིས་ཟིལ་གྱིས་མི་ནོན་ནོ། །འདི་ཉིད་ཀྱིས་སྲིན་པོ་དང་ལ་སོགས་པ་རྣམས་ཀྱིས་སོ། །ཀུ་ཏྱཛའི་ས་བོན་དང་། ནཱ་ག་གེ་སར་དང
183a7 པདྨའི་འདབ་མ་དང་། ཤྲཱི་ཥའི་མེ་ཏོག་དང་། སྤང་སྤོས་དང་། རྒྱ་སྤོས་དང་། རུ་རྟ་དང་། ལག་སྐྱེས་ཀྱི་ས་བོན་དང་། ཙནྡན་དམར་པོ་དང་། གཞན་གྱིས་མི་ཐུབ་པ་དཀར་པོའི་མེ་ཏོག་དང་། ས་བོན་རྣམས་གཅིག་ཏུ་བྱས་ནས་བ་སེར་སྐྱའི་གཅིན་གྱིས་བུ་མོའི་ལག་པར་བཏགས་པར
iiif viewer powered by OpenSeadragon
