| e-texts navigator |
| Wylie |
182a1 ནས་ཡུངས་ཀར་ལ་ལན་བདུན་བཟླས་པས། ས་གཞི་བཅིང་པ་དང་། ཆུ་ལ་ལན་བདུན་མངོན་པར་བསྔགས་པས་ནམ་མཁའ་བཅིང་བའོ། །དེ་ནས་རིག་པ་འཛིན་པས་དྲིའི་ཆུས་ཡོངས་སུ་བཀང་བ་མེ་ཏོག་དཀར་པོ་དང་ལྷན་ཅིག་པ་པུས་མོ་གཉིས་བཙུགས་པའི་རིག་པ
182a2 འཛིན་པས་རྩ་བའི་སྔགས་ཀྱིས་རང་གི་ལྷ་སྤྱན་དྲང་བར་བྱས་ནས་མཆོད་ཡོན་ཕུལ་ཏེ་སྟན་དེ་ལ་ལྷ་རྣམས་ཚིམ་པར་བྱའོ། །མར་དང་སྦྲང་རྩི་དང་། འོ་མས་སྲེག་བླུགས་ལན་བདུན་སྦྱིན་སྲེག་བྱའོ། །དེ་ནས་རིག་པ་འཛིན་པས་ལག་པ་གཉིས་ཀྱིས་འཁོར་ལོ་བླངས་ནས་ཇི་སྲིད་དུ
182a3 འབར་བར་གྱུར་པ་དེ་སྲིད་དུ་བཟླས་པར་བྱའོ། །རྔ་བོ་ཆེའི་སྒྲ་ཐོས་པ་དང་སྤྲིན་ལས་གོ་ལུ་གོ་ལུ་སྒྲོགས་པ་དང་མར་མེའི་རྩེ་མོ་འཕེལ་བ་དང་། རས་རིས་འགུལ་བ་དང་། དུང་གི་སྒྲ་ཐོས་པ་དང་། དྲིལ་བུའི་སྒྲ་སྒྲོགས་པ་དང་། ཧ་ཧའི་སྒྲ་སྒྲོགས་པ་དང་། རིགས་ཀྱི་བུ་དེ་རྣམས
182a4 གྲུབ་པ་ལེགས་སོ་ལེགས་སོ། །འཁོར་ལོ་འདི་བྱང་ཆུབ་སེམས་དཔའི་ལམ་བགྲོད་པ། སྲིད་པའི་རྒྱ་མཚོ་ཆེན་པོ་སྒྲོལ་བར་བྱེད་དོ། །དེ་ནས་རིག་པ་འཛིན་པས་རིངས་པ་རིངས་པར་ཇི་སྲིད་འཕགས་པ་སྤྱན་རས་གཟིགས་དབང་ཕྱུག་མ་བྱོན་གྱི་བར་དུ་བཟླས་པར་བྱའོ། །བྱོན་པ་ན་ཡང
182a5 མཆོད་ཡོན་དབུལ་བར་བྱའོ། །དེ་ནས་སྒྲུབ་པ་པོས་མཆོད་ཡོན་ཕུལ་ནས་དེ་ནས་འཕགས་པ་སྤྱན་རས་གཟིགས་དབང་ཕྱུག་གིས་སྒྲུབ་པ་པོ་ལ་གསུངས་པ། བུ་བདུད་ཀྱི་ཕྱོགས་དེ་རྣམས་ངེས་པར་ཐུལ་བ་དང་། བྱང་ཆུབ་སེམས་དཔའི་ལམ་དེ་རྣམས་བགྲོད་པ་ཅི་བྱ་ཞེས་སོ། །དེ་ནས
182a6 བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་སྒྲུབ་པ་པོ་ལ་ཕྱག་གཡས་པས་སྤྱི་བོར་ཉུག་པར་མཛད་དོ། །ཉུགས་པའི་སྐད་ཅིག་དེ་ཉིད་ལས་དཔག་ཚད་སྟོང་དུ་རྒྱ་ཆེ་བའི་བླ་རེ་གཡེར་ཁའི་དྲ་བ་འཕྱང་བ་གསེར་གྱི་འདབ་མས་རབ་ཏུ་འཕྱང་བཞིན་པས་སྒྲོལ་མ་བཅིངས་པ། ཨིནྡྲ
182a7 ནཱི་ལ། པདྨ་རཱ་ག་།སཽ་གནྡྱི་ཀ་དང་། རྒྱན་གྱི་ཁྱད་པར་གཞན་རྣམས་ཀྱིས་ཀྱང་རྡོ་རྗེའི་ནུས་པས་རྣམ་པར་སྤྲས་ཤིང་ཉེ་བར་སྤྲས་པ། བཀྲ་ཤིས་པ་གཞན་གྱིས་ཀྱང་རིག་པ་འཛིན་པའི་བུ་མོ་གཟུགས་བཟང་ཞིང་མཛེས་པ་གླུ་ལེན་བཞིན་པ་སྙན་པའི་སྒྲ་དབྱངས་སྒྲོགས་པ། པི་ཝང
iiif viewer powered by OpenSeadragon
