| e-texts navigator |
| Wylie |
181b1 རས་ཡུག་གིས་དཀྲིས་པ། དྲག་པོ་གསུས་པ་འཕྱང་བ། སྦྲུལ་གྱི་མཆོད་ཕྱིར་ཐོགས་པ་ཅན། སྤྱན་རས་གཟིགས་དབང་ཕྱུག་ལ་ངེས་པར་རྟོག་བཞིན་པ། འབར་བའི་ཞལ་པདྨའི་ཕྲེང་བ་དྲུག་ཅུས་དབུ་ལ་བརྒྱན་པའོ། །དེའི་ཉེ་ལོགས་སུ་བརྩོན་འགྲུས་དང་ལྡན
181b2 པའི་རིག་པ་འཛིན་པ་ལག་ན་སྤོས་ཕོར་གྱིས་བྲེལ་བ་པུས་མོ་གཉིས་བཙུགས་པའོ། །དེ་ནས་བཅོམ་ལྡན་འདས་ཀྱི་གཡོན་གྱི་གཞོགས་སུ་ཁྲོ་བོ་ལ་ངེས་པར་རྟོག་བཞིན་པ་ཅུང་ཟད་འཛུམ་པའི་བཞིན་རྡོ་རྗེ་ལ་ཉུག་པར་བྱེད་བཞིན་པ། འབར་བའི་ཕྲེང་བས་འཁྲུགས
181b3 པའོ། །བཅོམ་ལྡན་འདས་ཀྱི་འོག་ཏུ་ཆོས་ཀྱི་འཁོར་ལོའི་གཞོགས་གཉིས་སུ་པདྨའི་སྟེང་དུ་གནས་པ་པདྨ་དེ་ཡང་ཀླུ་གཞོན་ནུས་ཡོངས་སུ་ཟིན་པའོ། །དེ་ནས་རིག་པ་འཛིན་པས་རི་མོའི་ལས་རྫོགས་པ་དང་། མཆོད་པ་རྒྱ་ཆེན་པོ་བྱས་ཏེ། མཚན་མོ་གསུམ
181b4 དུ་སྨྱུང་བར་གནས་པས་བགྲང་ཕྲེང་བཞག་ནས་མར་གྱི་མར་མེ་རྒྱ་ཆེན་པོ་དང་། དཀར་པོའི་གཏོར་མ་ཕུལ་ནས། དེ་ནས་རིག་པ་འཛིན་པས་སྔོན་སྤྱད་པ་བྱས་པས་མཚན་མོ་གཅིག་ཏུ་རབ་ཏུ་བཅུག་སྟེ་གཞག་པར་བྱའོ། །དེ་ནས་ཕྱུང་སྟེ་རྒྱལ་གྱི་ལྕགས་ལས་བྱུང
181b5 བའི་འཁོར་ལོ་གསོ་སྦྱོང་ཅན་གཙང་མ་དབང་པོ་མ་ཚང་བ་མ་ཡིན་པའི་ལས་བྱེད་པས་བྱེད་དུ་བཅུག་ནས་སོར་བརྒྱད་པ་རྒྱས་པ། ཡོངས་སུ་ཟུམ་པ། རྡོ་རྗེ་འབར་བའི་ཕྲེང་བས་འཁྲུགས་པའོ། །དེ་ནས་རིག་པ་འཛིན་པས་འཁོར་ལོ་དེ་ཡང་བ་བྱུང་ལྔར་མཚན་མོ་གཅིག་ཏུ
181b6 བཅུག་ནས་གཞག་པར་བྱའོ། །དེ་ནས་བཏོན་ནས་ཁྲུས་དང་རྗེས་སུ་མཐུན་པར་བྱས་ཏེ། གོས་དཀར་པོས་ཀུན་ནས་དཀྲིས་ནས་རས་རིས་ཞལ་ནུབ་ཏུ་ཕྱོགས་པར་བཞག་སྟེ། བདུག་པ་དང་། གཏོར་མ་དང་། མཆོད་ཡོན་གྱི་སྣོད་བླངས་ནས་ལྷ་ཐམས་ཅད
181b7 སྤྱན་དྲང་བར་བྱའོ། །མཆོད་ཡོན་ཕུལ་ནས་སླར་ཡང་གཤེགས་སུ་གསོལ་བ་ཡང་བདག་ལ་བྱས་ནས། རྩ་བའི་སྔགས་ཀྱིས་ཡན་ལག་བདུན་བཟླས་པའི་ཐལ་བས་ཐལ་བའི་ར་བ་དང་། སྒྲོན་མེ་ལ་ལན་བདུན་བཟླས་པས་སྒྲོན་མེའི་ར་བ་དང་། དེ་ནས་སྲུང་བའི་ཆོ་ག་བྱས
iiif viewer powered by OpenSeadragon
