| e-texts navigator |
| Wylie |
181a1 ནི་ཧ་ན། ཧཱུ~ཾ་ཧཱུ~ཾ། ཕཊ་ཕཊ་སྭཱ་ཧཱ། སྙིང་པོའི་སྔགས་སོ། །ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། འདི་ཡང་སྟོབས་དང་ཕ་རོལ་གནོན་པ་དཔག་ཏུ་མེད་པ་རིག་པའི་རྒྱལ་པོ་ཆེན་པོ་ལུས་ཀྱི་མཆོག་གི་གཟི་བརྗིད་རྣམ་པར་འཇིག་པར་བྱེད་པ། དེ་བཞིན་གཤེགས
181a2 པ་ཐམས་ཅད་ཀྱི་རྗེས་སུ་འཇུག་ཅིང་མཆོད་པའི་རྗེས་སུ་གནང་བ། རྣམ་པར་འཚེ་བ་ཐམས་ཅད་རྣམ་པར་གནོན་པ། རིག་པའི་ཚོགས་ཐམས་ཅད་ཀྱིས་མཆོད་པ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་།
181a3 མིའམ་ཅི་དང་། ལྟོ་འཕྱེ་ཆེན་པོས་ཡང་དག་པར་བསྟོད་པ། དང་། ཤ་ཟ་དང་། གྲུལ་བུམ་གྱིས་མཆོད་པ། རྣམ་པར་འགྱུར་བ་ཆེན་པོ་མཆེ་བ་གཙིགས་པ། རྟ་མགྲིན་གྱི་རྒྱལ་པོའི་ཆོ་གར་འགྱུར་རོ། །སྡིག་པ་བྱང་བར་བྱས་ནས་མཆོད
181a4 རྟེན་དུ་འབུམ་ཕྲག་གསུམ་བཟླས་སོ། །དེ་ནས་སྒྲུབ་པ་བརྩམ་པར་བྱ་སྟེ། དཀར་པོའི་བཅོ་ལྔ་ལ་མཚན་མོ་གསུམ་དུ་སྨྱུང་བར་གནས་པས། ཁ་ཚར་གྱི་རྩེ་མོ་མ་བཅད་པ་སྐྲ་དང་བྲལ་བའི་རས་ལ་རི་མོ་མཁན་གསོ་སྦྱོང་ཅན་གྱིས་ཁ་དོག་མ་འདྲེས་པའི་ཚོན་གྱིས་པིར
181a5 གཙང་མ་སར་པས་བཅོམ་ལྡན་འདས་ཀྱི་གཟུགས་བརྙན་པདྨའི་གདན་ལ་གནས་པ། ཆོས་སྟོན་པར་མཛད་བཞིན་པ་འདྲིར་གཞུག་པར་བྱའོ། །གཡོན་གྱི་གཞོགས་སུ་འཕགས་པ་སྤྱན་རས་གཟིགས་དབང་ཕྱུག་མཆོད་ཕྱིར་ཐོགས་དཀར་པོ་ཅན་སྟོན་ཀའི་སྤྲིན་ལྟར
181a6 དཀར་བ། པདྨའི་ལུས་དང་། རལ་པའི་ཅོད་པན་འཆང་བའི་དབུས་སུ་འོད་དཔག་མེད་དཀར་པོ་སྦྱངས་པའི་སྣོད་ཀྱི་ནང་དུ་གནས་པ། ཕྱག་གཡས་པས་མི་འཇིགས་པ་རབ་ཏུ་སྦྱིན་པ། གཡོན་པས་པདྨ་རབ་ཏུ་སྦྱིན་པས་ཕྱག་བྲེལ་བའོ། །སྒྲུབ་པ་པོ་ཡང
181a7 ངེས་པར་རྟོག་བཞིན་པའོ། །འཕགས་པ་སྤྱན་རས་གཟིགས་དབང་ཕྱུག་གི་འོག་གི་གཡོན་དུ་སྟོན་ཀའི་སྤྲིན་ལྟར་དཀར་བའི་རྟ་མགྲིན་རིག་པའི་རྒྱལ་པོ་བྲི་བར་བྱའོ། །རྣམ་པར་འགྱུར་བའི་ཞལ་སྤྱན་དམར་པོ། སྐྲ་སེར་སྐྱ། ཨེ་ནེ་ཡའི་ཕྱག་ཆེན་པོ།
iiif viewer powered by OpenSeadragon
