| e-texts navigator |
| Wylie |
17a1 སྣང་བ་ཞེས་བྱ་བའི་བྱང་ཆུབ་སེམས་དཔའི་ཏིང་ངེ་འཛིན་ལ་སྙོམས་པར་ཞུགས་པར་གྱུར་ཏོ། །ཏིང་ངེ་འཛིན་གང་ལ་སྙོམས་པར་ཞུགས་པས་སེམས་ཅན་ཐམས་ཅད་ཀྱང་སྐྱེ་བ་བརྗེས་ཏེ་སྟོབས་དང་བརྩོན་འགྲུས་དང་མཐུ་དང་རྣམ་པར་ཤེས་པ་ལྔ་དང་ལྡན་པར
17a2 གྱུར་ཏོ། །སྙོམས་པར་ཞུགས་པ་དེ་ལས་དང་མཐུ་དང་བཅས་པར་ལངས་ནས་བཅོམ་ལྡན་འདས་གང་ན་བ་དེར་ཉེ་བར་སོང་ངོ་། །ཉེ་བར་སོང་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་མཐའ་གཅིག་ཏུ་འདུག་གོ། །དེ་ནས་ཡང་བྱང་ཆུབ་སེམས་དཔའ
17a3 སེམས་དཔའ་ཆེན་པོ་ཕྱག་ན་རྡོ་རྗེས་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེར་ཐལ་མོ་སྦྱར་ནས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་པ་འོང་བའམ་འགྲོ་བར་ག་ལ་འགྱུར། དེ་སྐད་ཅེས་གསོལ་པ་དང་།
17a4 བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་གང་ཁྱོད་སེམས་ཅན་རྣམས་ཀྱི་དོན་དུ་འདི་ལྟ་བུ་ཡོངས་སུ་ཞུས་པ་ལེགས་སོ་ལེགས་སོ། །དེས་ན་རིགས་ཀྱི་བུ་ཉོན་ཅིག་དང་བཤད་པར་བྱའོ། །
17a5 ཤར་ཕྱོགས་སུ་སངས་རྒྱས་ཀྱི་ཞིང་སྟོང་ཕྲག་བརྒྱད་ཅུ་རྩ་བཞི་ཕྱིན་པའི་སངས་རྒྱས་ཀྱི་ཞིང་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་མི་འཁྲུགས་པ་ཞེས་བྱ་བ་རང་གི་སངས་རྒྱས་ཀྱི་ཞིང་དུ་རིག་པའི་རྒྱལ་མོ་འདི་ཉིད་རབ་ཏུ་སྟོན་པར་གྱུར
17a6 ཏོ། །ལྷོ་ཕྱོགས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་གསེར་ཀུན་ཏུ་སྣང་བ་ཞེས་བྱ་བ་དེ་ཡང་སྒྲོལ་མའི་རིག་པ་འདི་ཉིད་གསུངས་པར་གྱུར་ཏོ། །ནུབ་ཕྱོགས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
17a7 པའི་སངས་རྒྱས་བཅོམ་ལྡན་འདས་ཚེ་དཔག་མེད་ཅེས་བྱ་བ་དེས་ཀྱང་རང་གི་སངས་རྒྱས་ཀྱི་ཞིང་དུ་རིག་པ་འདི་གསུངས་པར་གྱུར་ཏོ། །བྱང་ཕྱོགས་སུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལུས་མཛེས་ཞེས་བྱ་བ་དེ་ཡང་རིག་པའི
iiif viewer powered by OpenSeadragon
