| e-texts navigator |
| Wylie |
179b1 དང་སྐྱེས་བུའི་རྣམ་པར་བྱས་པའོ། །རིགས་ཀྱི་བུ་ཁྱོད་ཀྱང་སྐད་ཅིག་གིས་ཚངས་པའི་ཆ་བྱད་ཀྱིས་སངས་རྒྱས་ཐམས་ཅད་ཀྱི་ཆོས་ཀྱི་ཚུལ་ཡང་དག་པར་སྦྱོར་བར་བྱེད་དོ། །ཡུད་ཙམ་གྱིས་དགེ་སློང་གི་ཆ་བྱད་ཀྱིས་དང་། སྐད་ཅིག་གིས་སྨན་དང་། རྩིའི་གཟུགས་ཀྱིས་དང་།
179b2 ཡུད་ཙམ་གྱིས་བརྒྱ་བྱིན་གྱི་གཟུགས་ཀྱིས་འཕགས་པའི་ལམ་དུ་འཇུག་པར་བྱའོ། །སྐད་ཅིག་གིས་བདུད་ཀྱི་གཟུགས་ཀྱིས་གཞན་གྱི་གཟུགས་སྤྲུལ་ཏེ་དབང་སྒྱུར་གྱི་ལྷའི་དབང་པོ་དང་། དགའ་ལྡན་དང་། མཚེ་མ་དང་། འོག་མིན་དང་། རྒྱལ་པོ་ཆེན་པོ་བཞི་དང་། འབྱུང
179b3 པོ་ཐམས་ཅད་པ་དང་། དུར་ཁྲོད་དང་། དྲག་པོ་དང་། ཁྱབ་འཇུག་དང་། ནོར་ལྷའི་བུ་དང་། ནོར་སྦྱིན་དང་། དབང་ཕྱུག་ཆེན་པོ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། སྲིན་པོ་དང་།
179b4 དང་། ཤ་ཟ་དང་། གྲུལ་བུམ་དང་། རྒྱལ་རིགས་དང་། བྲམ་ཟེའི་རིགས་དང་། རྗེ་རིགས་དང་། དམངས་རིགས་དང་། སེང་གེ་དང་། གླང་པོ་ཆེ་དང་། མ་ཧེ་དང་། སྤྲེའུ་དང་། ཕག་སྣ་ཚོགས་པའི་གཟུགས་ཀྱི་འདབ་ཆགས་དང་། རི་དང་།
179b5 ཤིང་དང་། འབྲས་བུ་དང་། གོས་དང་། ཆོས་གོས་དང་། བཞོན་པ་དང་། མལ་སྟན་དང་། རྔ་པ་ཊ་ཧ་དང་། དུང་དང་། རིན་པོ་ཆེ་སྣ་ཚོགས་དང་། རྒྱན་གྱིས་བརྒྱན་པའི་གཟུགས་ཀྱིས་སྤྲས་པ་དང་། སངས་རྒྱས་ཀྱི་གཟུགས་དང་མཚུངས་པར་འགྱུར
179b6 ཏེ། རིགས་ཀྱི་བུ་འདི་ནི་ཁ་དོག་དང་། གཟུགས་དང་། རྟགས་དང་། དབྱིབས་བརྒྱད་ཅུ་རྩ་བཞིའི་གཟུགས་དང་མཚུངས་པར་འགྱུར་ཏེ། དེ་བཞིན་གཤེགས་པ་འོད་དཔག་མེད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་ཏོ། །རིགས་ཀྱི་བུ་འདི་ནི་བྱང་ཆུབ
179b7 སེམས་དཔའ་སྤྱན་རས་གཟིགས་དབང་ཕྱུག་གི་མཐུ་ཆེན་པོས་འདིར་འོངས་པ་སྟེ། བདུད་དཔུང་དང་བཅས་པའི་ཡུལ་ལ་ཉན་ཐོས་དང་། རང་སངས་རྒྱས་ཐམས་ཅད་དང་། གང་དུ་བདུད་དཔུང་དང་བཅས་པའི་ཡུལ་དུ་གནས་པ་བྱང་ཆུབ་སེམས་དཔའ་སྤྱན་རས་གཟིགས
iiif viewer powered by OpenSeadragon
