| e-texts navigator |
| Wylie |
179a1 བ་དང་། བཏུང་བ་དང་། གོས་དང་། གནས་དང་། མལ་ཆ་དང་། སྟན་རྣམས་རྫོགས་པར་བགྱི་བ་དང་། སེམས་ཅན་ཐམས་ཅད་ཆོས་འདོད་པ་ཉིད་དང་། དགེ་བའི་ཆོས་ཀྱི་སྤྱོད་པ་ལ་སྦྱར་བར་བགྱིའོ། །འདི་ནི་བདག་གིས་སངས་རྒྱས་ཐམས་ཅད
179a2 ཀྱི་སྤྱན་སྔར་སྨོན་ལམ་མཐར་ཐུག་པ་སྟེ། གང་དུ་བདག་ལ་སངས་རྒྱས་བཅོམ་ལྡན་འདས་ཐམས་ཅད་ཀྱིས་གནང་བར་གྱུར་ཅིག་།བདག་ལ་སངས་རྒྱས་བཅོམ་ལྡན་འདས་ཀྱི་ལས་ཀྱི་དངོས་གྲུབ་ཡིད་ཀྱི་ཤིང་རྟ་ཡོངས་སུ་རྫོགས་པ་དང་། བདག་དང་སྐྱེས་བུའི་རྣམ་པ་འདི་ངེས་པར
179a3 སྒྲོལ་བའི་ཆེད་དུ་དེ་ལྟ་བུའི་གཟུགས་ཀྱིས་བདག་དང་། ཕྱག་ན་རྡོ་རྗེ་བུད་མེད་ཀྱི་གཟུགས་ཀྱིས་དང་། སྣ་ཚོགས་པའི་གཟུགས་དང་། ཆ་བྱད་ཀྱིས་སེམས་ཅན་ཡོངས་སུ་སྨིན་པར་བགྱིའོ། །དེ་ནས་ཡང་སངས་རྒྱས་བཅོམ་ལྡན་འདས་སྤྱན་རས་གཟིགས་དབང
179a4 ཕྱུག་ལ་རྗེས་སུ་བརྩེ་བས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་གཞན་རྣམས་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ལ་སོགས་པ་རྣམས
179a5 དགུག་པར་བྱས་ནས་དེ་ལྟ་བུའི་གཟུགས་ཀྱིས་སྐྱེས་བུ་ཆེན་པོའི་རྣམ་པ་བྱེད་པར་འགྱུར་རོ། །དེ་ནས་སངས་རྒྱས་བཅོམ་ལྡན་འདས་དེ་རྣམས་ཐམས་ཅད་ཀྱིས་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གྲུབ་པར་འགྱུར་རོ། །དེ
179a6 ནས་ཤཱཀྱ་ཐུབ་པས་བྱང་ཆུབ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་འདི་ནི་བདུད་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་གཞན་རྣམས་དང་། ལྷ་དང་། ཀླུ་དང་། གནོད་སྦྱིན
179a7 དང་། དྲི་ཟ་དང་། ལྷ་མ་ཡིན་དང་། གཟི་བརྗིད་ཆེ་ཞིང་གཟི་བརྗིད་ཆེ་བའི་མི་རྣམས་ཡོང་བར་བྱེད་ཅིང་སངས་རྒྱས་ཐམས་ཅད་ཀྱིས་ཡོངས་སུ་བཟུང་ཞིང་བྱིན་གྱིས་བརླབས་པ། ཁྱེད་ཀྱི་རིག་པ་དང་། སྔགས་ཀྱི་ཚིག་རྣམས་ནི་གང་ཁྱོད་ཀྱིས་ནུས་པ་དེ་ལྟ་བུའི་གཟུགས
iiif viewer powered by OpenSeadragon
