| e-texts navigator |
| Wylie |
178b1 དུ་བཅོམ་ལྡན་འདས་མ་རབ་ཏུ་དགྱེས་པར་བྱེད་དོ། །དེ་ནས་ཡང་བྱང་ཆུབ་སེམས་དཔའ་མཐུ་ཆེན་ཐོབ་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་སྨྲས་པ། རལ་པ་གྱེན་བརྫེས་ཀྱི་རྒྱུད་ཕྱི་མ་དང་བཅས་པ་འདི་སངས་རྒྱས་ཀྱི་ཞིང་དུ་རྗེས་སུ་བརྩེ་བས་རྡོ་རྗེའི་རིགས་ཐམས
178b2 ཅད་ཀྱི་བསྟན་པ་ཀུན་སྲུང་བ་དང་། ཡོངས་སུ་བསྐྱང་བའི་ཆེད་དུ་རྡོ་རྗེའི་རིགས་ཐམས་ཅད་ཉིད་དུ་དངོས་གྲུབ་བྱེད་པ་སྙིགས་མ་ལྔས་ཉོན་མོངས་པ་འདི་ལ་ཡང་ཆོས་ཀྱི་ཚུལ་ཐམས་ཅད་ལྷག་པར་གནས་པའི་ཆེད་དུ་སྒྲོལ་མས་ནོན་པ་དང་མཚུངས་པ་ལས་བྱེད་པ། ཕྱི་མ་འདིའི
178b3 ལམ་རབ་ཏུ་གནས་པའི་ཆེད་དུ་འདི་སྐད་དུས་ཀྱང་སྨྲས་སྨྲས་སོ། །བཅོམ་ལྡན་འདས་རབ་ཏུ་གནས་པ་དང་། སྨོན་ལམ་བརྗོད་པར་བགྱིའོ། །སྔགས་ཀྱི་སྤྱོད་པ་དེ་ལྟ་བུ་འདི་ནི་ཅི་ནས་དེ་སེམས་ཅན་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱུར་ཡོངས་སུ་འགྱུར་བ
178b4 དང་། ཅི་ནས་དེ་ཐམས་ཅད་འཐབ་པ་དང་། རྩོད་པ་དང་། མུ་གེ་དང་། ནད་ཀྱིས་འཇིགས་པ་དང་། ཕ་རོལ་གྱི་དམག་ཚོགས་དང་། དུས་མ་ཡིན་པའི་ཆར་ལྷུང་བ་དང་། སྡིགས་པའི་ཆར་བྱེད་པའི་མི་དང་། མི་མ་ཡིན་པ་དང་། དུད་འགྲོའི་འཇིགས་པ
178b5 ཐམས་ཅད་དང་། དེ་ལ་ཡང་བཀྲ་མི་ཤིས་པ་དང་། རྨི་ལམ་དང་། མཚན་མ་ངན་པ་དང་། གདུག་པའི་གནོད་སྦྱིན་དང་། སྐྱེས་བུ་དང་། རོ་དང་བྲལ་བ་དང་། ཁ་བ་དང་། ཚ་བ་དང་། དྲི་ངན་པ་དང་། རེག་པ་ངན་པ་དང་། དུག་བསལ་བར་བགྱིའོ། །
178b6 བཅོམ་ལྡན་འདས་མ་འཕགས་མ་སྒྲོལ་མ་བུད་མེད་ཀྱི་གཟུགས་དང་། ཆ་བྱད་ཀྱིས་དེ་ལ་ཆོམ་རྐུན་དང་། ཆུ་དང་། མུ་གེ་དང་། རྣམ་པར་འཚེ་བ་སེལ་བར་བགྱིའོ། །རྒྱལ་པོ་དང་། སེང་གེ་དང་། སྟག་དང་། མ་ཧེ་དང་། སྤྱང་ཀི་དང་། དུག་དང་། ཆོམ
178b7 རྐུན་དང་། མི་དང་། མི་མ་ཡིན་པའི་འཇིགས་པ་ཐམས་ཅད་རབ་ཏུ་ཞི་བར་བགྱིའོ། །སེམས་ཅན་ཐམས་ཅད་ཀྱང་སྔགས་སྒྲུབ་པའི་ཆོ་ག་ལ་མཁས་པ་ཡོངས་སུ་ལོངས་སྤྱོད་པ་རྣམ་པ་སྣ་ཚོགས་པའི་འབྲས་བུ་དང་། སྨན་དང་། མེ་ཏོག་དང་། འབྲས་བུའི་རོ་བཟའ
iiif viewer powered by OpenSeadragon
