| e-texts navigator |
| Wylie |
16b1 པའི་རྒྱལ་པོ་ཆེན་པོ་ཁྲོ་གཉེར་ཅན་ཞེས་བྱ་བའི་རིག་པ་ཐམས་ཅད་ཀྱི་རྒྱལ་མོ་བཅོམ་ལྡན་འདས་མ་སྒྲོལ་མས་གསུངས་པ། རིག་པ་ཐམས་ཅད་ཀྱི་མངའ་བདག་།དབང་དུ་གྱུར་པ། དེ་བཞིན་གཤེགས་པས་གསུངས་པ། གསོལ་བ་འདེབས་པ་མངོན་པར་འདུ་བྱེད་པ་ཉིད་དེ
16b2 དང་མཐུན་པར་འཇིགས་པ་ཆེན་པོ་ཐམས་ཅད་འཕྲོག་པ་དང་། སྐེམས་པ་དང་། གསོད་པར་བྱེད་པ། རྟོག་པའི་རྒྱལ་པོ་འདིར་ལས་ཀྱི་ཆོ་ག་བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་ཐབས་ཀྱི་སྔ་དྲོ་ལངས་ནས་གཙང་མར་གྱུར་པས་ཤར་ལ་སོགས་པར་ཀུན་ཏུ་བལྟས་ཏེ
16b3 ལག་མཐིལ་ལ་ཡོངས་སུ་བཟླས་ནས་ཉི་མའི་དཀྱིལ་འཁོར་ལ་ཡང་ཀུན་ཏུ་བལྟས་ནས་དེར་ལག་མཐིལ་ལ་བཟླས་པར་བྱའོ། །བགེགས་ཐམས་ཅད་རེངས་པར་འགྱུར་རོ། །གཞན་ཡང་གདུག་པའི་བསམ་པ་རྣམས་ལ་དེ་བཞིན་དུ་ཡང་ཉི་མ་སོ་སོར་བྱས་ན་ཐམས་ཅད་རིང་པོར་མི
16b4 ཐོགས་པ་ཁོ་ནར་ཐམས་ཅད་ཞི་བའི་ལས་འགྲུབ་པར་འགྱུར་རོ། །རྒྱས་པ་ཅན་ཡང་ཉི་མ་ནུབ་པའི་དུས་ཚོད་ལ་དེ་ཉིད་ཀྱིས་ལས་བྱའོ། །མངོན་སྤྱོད་ཅན་ལ་མཚན་ཕྱེད་ན་གནས་གཅིག་ཏུ་གཙུག་ཕུད་དགྲོལ་ཞིང་ལན་བདུན་བརྗོད་ཅིང་ནམ་མཁའི་མཐིལ་དུ་བལྟས་ནས་བློ་རྩེ
16b5 གཅིག་ཏུ་བསྒོམ་པར་བྱའོ། །དེའི་སེམས་ཅན་མངོན་སྤྱོད་ཅན་གྱི་ལས་རྣམས་འགྲུབ་པར་འགྱུར་རོ། །གང་ཡང་ལྷའི་ཚོགས་དང་། འབྱུང་པོའི་ཚོགས་ཐམས་ཅད་དང་། ལོག་པར་འདྲེན་པའི་ཚོགས་རྣམས་ཀྱང་འདི་སྐད་ཅེས་བདག་གིས་གསུངས་པའི་རིག་པའི
16b6 རྒྱལ་པོ་གསང་ཆེན་གསང་བའི་སྦྱོར་བ་བྱེད་པར་འགྱུར་བ་དེའི་དངོས་གྲུབ་གདོན་མི་ཟ་བར་འགྱུར་བ་དང་། བཅོམ་ལྡན་འདས་མའི་སྒྲུབ་པ་པོ་དང་སྔགས་ཀྱི་རྟོག་པ་འདིར་གསུངས་པའི་སྒྲུབ་པ་པོས་གདོན་མི་ཟ་བར་བྱེད་པར་འགྱུར་རོ། །འདི་ལྟར་ཀུན་ཏུ་རྟོགས་པར་བྱའི་གཞན
16b7 མ་ཡིན་ནོ་ཞེས་སོ། །ཀྱེ་ལྷའི་ཚོགས་རྣམས་རིག་པ་ཆེན་པོ་གང་མ་མོའི་གསང་ཆེན་གསང་བ་རྣམས་ཉོན་ཅིག་།དེ་སྐྱིད་པར་བྱེད་པའི་ཆོ་གའི་རིག་པ་ཡང་བཤད་པར་བྱའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་མཐའ་ཀུན་ཏུ
iiif viewer powered by OpenSeadragon
