| e-texts navigator |
| Wylie |
16a1 བཞུགས་ནས་འདི་ཉིད་ཀྱིས་ཇི་ལྟར་འབྱོར་པའི་མཆོད་པ་བྱས་ནས་འབུམ་བཟླས་སོ། །མཐར་ཉིན་མཚན་དུ་སྨྱུང་བར་གནས་པས་མཆོད་པ་རྒྱ་ཆེན་པོ་བྱས་ནས་སྲོད་ནས་བརྩམས་ནས་བཟླས་པར་བྱ། ནམ་མཁའ་ལས་གྲུབ་པོ་ཞེས་པའི་སྒྲ་ཐོས་པར་འགྱུར་ཏེ་གང
16a2 དུ་མཆོད་པ་དེར་ཆར་ལྷུང་བར་འགྱུར་རོ། །མ་གྲུབ་ན་ཡུལ་རྙེད་དོ། །དེའི་སྤྱན་སྔར་པ་ལཱ་ཤའི་མེ་ལ་ཀླུ་ཤིང་གི་མེ་ཏོག་མར་ལ་བཏགས་པའི་སྦྱིན་སྲེག་འབུམ་བྱས་ན་དངུལ་འབུམ་རྙེད་དོ། །དོང་ཙེ་བརྒྱ་རྙེད་པར་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན
16a3 བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པའི་མི་འཇིགས་པ་སྦྱིན་པ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ། ། །།བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ་བཅོམ་ལྡན་འདས་མ
16a4 འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ལས་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པའི་རིག་པའི་སྔགས་རྣམས་ཏེ་ལེའུ་རབ་འབྱམ་བཅུ་གསུམ་པ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས
16a5 པ་སྤྱན་རས་གཟིགས་དབང་ཕྱུག་སླར་ཡང་ཐམས་ཅད་དང་ལྡན་པའི་འཇིག་རྟེན་གྱི་ཁམས་སུ་བྱང་ཆུབ་སེམས་དཔའི་ཏིང་ངེ་འཛིན་དག་པའི་ཡུལ་རྣམ་པར་འཕྲོ་ཞིང་རྣམ་པར་འཇིག་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རྟོག
16a6 པ་ཨའི་རྒྱལ་པོ་ཆེན་པོ་འདིར་བཅོམ་ལྡན་འདས་མ་འཕགས་མ་སྒྲོལ་མ་བསྒྲུབ་པར་བྱ་བའི་དོན་དུ་བདག་གིས་འཆད་བཞིན་པའི་ཆེད་དུ་ལྷ་ཐམས་ཅད་ཀུན་ཏུ་འགེགས་ཀྱི་བསམ་པ་དེ་བཞིན་གཤེགས་པ་ཉེ་བར་འཕོ་བར་འགྱུར་བ་དེ་ལ་བདག་གིས་སེམས་ཅན་ཐམས་ཅད་རབ་ཏུ་སྐྲག་པར
16a7 བྱེད་པ་ལ་མི་འཇིགས་པ་རབ་ཏུ་སྦྱིན་པ་བཤད་ཀྱིས། ཀྱེ་ལྷའི་ཚོགས་རྣམས་འབྱུང་པོའི་ཚོགས་ཐམས་ཅད་དང་། བགེགས་དང་ལོག་པར་འདྲེན་པ་དང་། གནོད་སྦྱིན་གྱི་དབང་པོ་ཐམས་ཅད་དང་། གང་ཡང་གཞན་རིག་པའི་སྡེ་དཔོན་རྣམས་ཉོན་ཅིག་།བདག་གིས་རིག
iiif viewer powered by OpenSeadragon
