| e-texts navigator |
| Wylie |
145b1 པོ་མ་ཚང་མ་ཡིན་པ། །མདོར་ན་བུད་མེད་མཚན་ཉིད་དང་། །ཡང་དག་ལྡན་པར་སྐྱེས་པ་ཡིས། །འདི་འདྲའི་གཞོན་ནུ་མ་གཅིག་གཉིས། །གསུམ་ལ་གསོ་སྦྱོང་སྦྱིན་ནས་ནི། །འོ་མའི་ཟས་ཀྱིས་མངོན་དགའ་བར། །བྱས་ནས་དཀར་པོའི་གོས་བགོས་ཏེ། །དཀྱིལ
145b2 འཁོར་ཡོ་བྱད་ཐམས་ཅད་ནི། །བྱེད་གཞུག་དཀྱིལ་འཁོར་ཡོ་བྱད་ཀུན། །ལེགས་བསགས་སོ་སོར་བརྟགས་པ་ཡིས། །ཆུ་དང་རྣམ་པར་དབེན་པ་དང་། །དགེ་སློང་འདུལ་བ་བྱས་པ་དང་། །ཡོངས་སུ་སྦྱང་བ་བྱས་པ་དང་། །གཙང་སྦྲའི་སྤྱོད་པ་སྔོན་འགྲོ་བས། །
145b3 སློབ་དཔོན་རང་གི་ལྷག་གནས་ཆེད། །ཕྱེ་མ་ཐམས་ཅད་བདུག་པ་བྲི། །གཏོར་མ་དང་ནི་མར་རྣམས་ནི། །ཆོ་ག་ཅན་གྱིས་བྱེད་དུ་གཞུག་།དེ་ནས་སློབ་དཔོན་ཡོ་བྱད་ཀུན། །ཚོགས་ནས་དཀྱིལ་འཁོར་རང་ཉིད་བྲེ། །སློབ་མ་ཡོངས་སུ་བཟུང་བར་གྱིས། །དེ
145b4 རྣམས་སངས་རྒྱས་ཆོས་དང་ནི། །དགེ་སློང་དགེ་འདུན་ལ་རབ་དང་། །ཡན་ལག་ཆ་ཤས་ཀུན་རྫོགས་པ། །བདེན་པར་སྨྲ་དང་སྤོམ་པ་མིན། །མཛེས་པ་མཐོང་དང་ཁ་དོག་གཙིགས། །གཟུང་བར་མི་བྱ་གཅིག་གཉིས་གསུམ། །བརྒྱད་དང་ནི་གཞན་བཅུ་དྲུག་།
145b5 དེ་རྣམས་སྐྱབས་གསུམ་ཡོངས་སུ་འཛིན། །བྱང་ཆུབ་སེམས་ནི་བསྐྱེད་པ་དང་། །འོ་མའི་སྟོན་མོ་བཟའ་བ་དང་། །འོ་མའི་ཤིང་ལས་བྱུང་བ་ཡི། །སོ་ཤིང་སོར་མོ་བརྒྱད་ཀྱི་ཚད། །བཅོམ་ལྡན་རྩ་བའི་སྙིང་པོ་ཡིས། །ལན་ནི་ཉི་ཤུ་རྩ་བདུན་དུ། །མངོན་པར
145b6 བསྔགས་ནས་བ་ཡི་གཅིན། །རབ་སྦྱར་མཚན་མོའི་ཐུན་མཚམས་སུ། །དཀྱིལ་འཁོར་ས་གཞི་ཕྱི་རོལ་དུ། །ཤར་དུ་མངོན་ཕྱོགས་ཀུ་ཤ་ཡི། །ཁྲེས་ལ་རིམ་པས་ཉེར་འདུག་ནས། །སྙིང་པོ་རེ་རེ་ལག་པར་བྱིན། །རྩ་བའི་སྙིང་པོ་ལན་བདུན་བཟླས། །
145b7 གཙུག་ཏོར་བཅིང་ལའང་བདུན་བཟླས་བྱ། །དེ་ནས་སོ་ཤིང་དེ་རྣམས་ལ། །བྱིན་ནས་རང་རང་སོ་ཤིང་བཟའ། །རལ་གཅིག་མ་ཡི་སྙིང་པོ་ཡིས། །ལན་བདུན་བསྔགས་པའི་དྲི་ཡི་ཆུས། །སྤྱི་བོར་མངོན་པར་གཏོར་བར་བྱ། །དེ་ནས་དེ་རྣམས་ལ་བརྗོད་བྱ། །
iiif viewer powered by OpenSeadragon
