| e-texts navigator |
| Wylie |
145a1 པའི་ཕྱིར། །སེམས་ཅན་ཀུན་གྱི་ཏིང་འཛིན་ནི། །བསམ་བྱས་དཀྱིལ་འཁོར་བྲིས་པ་འདིར། །སངས་རྒྱས་ཕན་པར་མཛད་པ་ཀུན། །དཀྱིལ་འཁོར་དུ་ནི་བྱོན་པར་མཛོད། །ད་ལྟ་འདིར་ནི་བྱོན་ནས་ཀྱང་། །བདག་གི་མཆོད་ཡོན་བཞེས་སུ་གསོལ། །དེ་དབུས་ཉིད་དུ་བརྟག་བྱ
145a2 བ། །གནས་སུ་བྲིས་པའི་བཅོམ་ལྡན་འདས། །སྤྱན་དྲང་བྱ་ཞིང་ལྷ་རྣམས་ཀྱི། །གནས་མདོར་བསྟན་ནས་བརྗོད་པར་བྱ། །དགའ་ལྡན་དུ་ནི་བྱང་ཆུབ་སེམས། །འཇིག་རྟེན་གཞན་དུ་གང་གནས་པ། །དེ་བཞིན་ཁ་བའི་གནས་སུ་དང་། །གང་ལྡན་པདྨའི་དབང་ཕྱུག་འབྱུང་། །ལྕང
145a3 ལོ་ཅན་དུ་ནོར་དབང་ཕྱུག་། ཏེ་སེ་རུ་ནི་བདེ་བྱེད་བཤད། །མཆོད་ཡོན་སྣོད་ནི་བཀང་བ་ཡིས། །དེ་རྣམས་གནས་ནི་རྣམ་བསམ་བྱ། །དེ་ནས་ཞལ་ནི་སྲུབ་བསྙེན་བཀུར། །དཀྱིལ་འཁོར་ལས་རྣམས་ཐམས་ཅད་ལ། །མིང་དང་གནས་ནི་ཡོངས་ཉམས་ན། །ཕྱིན་ཅི་ལོག་ཏུ་ལྡོག
145a4 པར་འགྱུར། །དེ་ལྟར་ཉི་མ་བདུན་དུ་ནི། །ཉིན་རེ་ཉིན་རེ་ཙནྡན་གྱི། །ཆུ་ཡིས་བྱུག་ཏུ་གཞུག་པར་བྱ། །མཚན་མོའི་ཐུན་ལའང་དེ་བཞིན་བྱ། །བར་འདིར་ཡོ་བྱད་ཐམས་ཅད་ནི། །རྣམ་པར་འབྱོར་པར་འགྱུར་བ་ཡིན། །དེ་ལ་འདི་ནི་བརྗོད་བྱ་སྟེ། །དག་པའི་ཤེལ་དང་མཚུངས་པ
145a5 ཡི། །ཕྱེ་མ་རྡོ་རྗེའི་རང་བཞིན་སྐྱེས། །ཛི་བའི་མེ་ཏོག་དང་མཚུངས་པའི། །ཕྱེ་མས་དཀྱིལ་འཁོར་ཀུན་ཏུ་བྲི། །པདྨ་རཱ་ག་ཨུཏྤ་ལ། །ཕྱེ་མ་མཐའ་དག་གིས་གདབ་བྱ། །གུར་གུམ་ཆུ་དང་མཚུངས་པ་དང་། །པུཥྤ་རཱ་ག་ཡི་དཀྱིལ་འཁོར། །ཟར་མའི་མེ་ཏོག་དང་མཚུངས་ཤིང་། །
145a6 དེ་བཞིན་མ་ར་ཀ་ཏས་ཀྱང་། །དེ་ཙམ་ཁ་དོག་རིན་ཆེན་མ། །ལྕགས་ཀྱང་རུང་སྟེ་མིང་ཅན་ལྔ། །ཡང་ན་དྲིས་བཏགས་ཕྱེ་མས་སམ། །ཇི་ལྟར་སྙེད་པ་རྣམ་སྤྲུལ་པས། །རབ་བཀུག་རིན་ཆེན་ཕྱེ་མ་ཡིས། །ཡང་དག་པ་ཡི་དངོས་གྲུབ་འདོད། །ནོར་བུ་མཆིང་བུ་མཚུངས
145a7 མིན་གང་། །པདྨ་རཱ་གས་རྣམ་པ་ཀུན། །དཀྱིལ་འཁོར་ཡོ་བྱད་ཐམས་ཅད་ཀྱང་། །སློབ་དཔོན་གྱིས་ནི་གཞོན་ནུ་མའི། །ལག་པས་བྱེད་དུ་གཞུག་པར་བྱ། །བྲམ་ཟེ་རྒྱལ་རིགས་རིགས་སྐྱེས་པ། །བྱང་ཆུབ་སེམས་ནི་བསྐྱེད་པ་དང་། །མ་ནོར་སྐྱེས་པ་རབ་མཛེས་པ། །དབང
iiif viewer powered by OpenSeadragon
