| e-texts navigator |
| Wylie |
141b1 ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། མི་དང་འབྱུང་པོའི་དབུས་གནས་པའི། །སེམས་ཅན་རྣམས་ལ་རྗེས་བརྩེ་བས། །དཀྱིལ་འཁོར་ལས་ཅན་ཐམས་ཅད་ནི། །སེམས་དཔའ་ཆེན་པོ་སྨྲོས་ཤིག་སྨྲོས། །སྒྲོལ
141b2 མའི་དཀྱིལ་འཁོར་ལྷ་རྣམས་དང་། །ཕུན་ཚོགས་ཐམས་ཅད་མངོན་པར་འཕེལ། །སྒྲུབ་པོ་རྣམས་ལ་ཕན་པ་ཡི། །དོན་ཕྱིར་འདྲེན་པས་རྒྱས་པར་སྨྲོས། །ངོ་མཚར་རྨད་བྱུང་ཐམས་ཅད་ཀྱི། །ལུས་ཅན་བར་མར་གྱུར་པ་རྣམས། །ཁྱོད་ཀྱི་ཚིག་གི་མཆོག
141b3 གྱུར་པ། །འབྱུང་འགྱུར་དེ་དག་ཐོས་ནས་ནི། །མྱུར་དུ་ལྷ་རྣམས་སྒྲུབ་པ་ལ། །སེམས་ཅན་གང་དུ་རབ་ཞུགས་པ། །དེ་ཉིད་དུ་ནི་སྔར་བཤད་པ། །བྱང་ཆུབ་སེམས་དཔའ་བློ་ལྡན་དང་། །སངས་རྒྱས་བྱེ་བ་སྟོང་རྣམས་ཀྱིས། །ཐམས་ཅད་དེ་ལ་རྗེས་ཡི
141b4 རང་། །དཀྱིལ་འཁོར་སྡིག་པ་ཀུན་འཇོམས་པ། །དངོས་གྲུབ་ཀུན་བྱེད་དགེ་བ་ནི། །སེམས་ཅན་རྣམས་ཀྱི་མགོན་པོས་སྨྲོས། །སྒྲོལ་མའི་དཀྱིལ་འཁོར་ཁྱོད་ཀྱི་ཚིག་།སེམས་ཅན་ཆོ་ག་ཡང་དག་འགྱུར། །དཀྱིལ་འཁོར་གང་འདི་ཐོས་ནས་ནི། །རབ་ཏུ
141b5 དད་པ་སྐྱེ་བར་འགྱུར། །དཔལ་མིན་འཇོམས་ཤིང་ཞི་བ་དང་། །དེ་བཞིན་ནད་དང་དགྲ་འཕྲོག་ཅིང་། །དཀྱིལ་འཁོར་སེམས་ཅན་ཐམས་ཅད་ཀྱི། །གཟི་བརྗིད་སྟོབས་ནི་རྣམ་པར་འཕེལ། །མཐོང་ངམ་ཐོས་ནས་དེ་ནས་ནི། །རབ་ཏུ་དད་པ་སྐྱེད་པར་བྱེད། །གང
141b6 ཡིན་དེ་རྣམས་བདག་གིས་ནི། །སངས་རྒྱས་ཀུན་གྱི་བྱང་ཆུབ་ནི། །ཐོབ་པའི་ཆེད་དུའང་ལུང་བསྟན་ཏོ། །མ་འོངས་སངས་རྒྱས་འབྱུང་འགྱུར་བ། །འཇིག་རྟེན་མགོན་པོ་རྣམས་ཀྱང་ནི། །རྗེས་སུ་ཡི་རང་འགྱུར་བ་ཡིན། །དཀྱིལ་འཁོར་ཕུན་ཚོགས་འཕེལ
141b7 བྱེད་པ། །དེ་བཞིན་ཡོན་ཏན་ཀུན་སྡུད་པ། །སྒྲོལ་མའི་དཀྱིལ་འཁོར་རྨད་བྱུང་བ། །སེམས་དཔའ་ཆེན་པོ་འཇིག་རྟེན་མགོན། །ཡང་དག་བཀའ་ཡིས་སྨྲོས་ཤིག་སྨྲོས། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ
iiif viewer powered by OpenSeadragon
