| e-texts navigator |
| Wylie |
140b1 མོ་གསུམ་དུ་སྨྱུང་བར་གནས་པས་སྐྱིལ་མོ་ཀྲུང་གིས་འདུག་སྟེ་སྡིག་པ་བཤགས་པ་དང་། གསོལ་བ་གདབ་པ་ལ་སོགས་པ་བྱས་ནས་ལག་པ་གཡས་པས་པདྨ་བླངས་ནས་ཇི་སྲིད་དུ་འབར་བ་དེ་སྲིད་དུ་བཟླས་པར་བྱའོ། །དེ་ནས་པདྨ་དེས་འཁོར་དང་བཅས་པ་དགའ་བར་འགྱུར་རོ། །
140b2 སེམས་ཅན་ཐམས་ཅད་ཀྱིས་མི་ཚུགས་སོ། །ལོ་སྟོང་ཕྲག་བཅུར་འཚོ་བར་བྱེད་དོ། །དེ་བཞིན་དུ་གདུ་བུ་དང་། ཅོད་པན་དང་། ལྕགས་སྒྲོག་དང་། རྡོ་རྗེ་དང་། དགྲ་སྟ་དང་། འཁོར་ལོ་ཡང་ཞེས་པའོ། །འདི་ནི་འཁོར་ལོའི་ཁྱད་པར་ཏེ་ལྕགས་ལྔ་བའི་འཁོར་ལོ་བྱས་ནས
140b3 སོ་རྣོན་པོ་འཁོར་ལོ་མཚན་ཉིད་ཕུན་སུམ་ཚོགས་པ་མཐོ་གང་གི་ཚད་དོ། །གང་གཱའི་འགྲམ་གཉིས་ཀྱིས་བླངས་ནས་རས་རིས་ཀྱི་སྤྱན་སྔར་གོང་བུར་བྱའོ། །དེ་ལ་འཁོར་ལོ་རབ་ཏུ་བཞག་ནས་ཙནྡན་དམར་པོས་མཆོད་དེ་ཀར་བཱི་རའི་མེ་ཏོག་དམར་པོ་དང་ཕྲེང་བ་ཕུལ་ནས་དཀར
140b4 པོའི་བརྒྱད་པ་ལ་གསོ་སྦྱོང་ཅན་གྱིས་སྨྱུང་བར་གནས་པས། སློང་མོས་དགེ་འདུན་ལ་སྟོན་མོ་བྱས་ཏེ་དངོས་གྲུབ་སྩལ་བར་བྱའོ། །གཙང་མས་གོས་གཙང་མ་བགོས་པས་སྙིང་རྗེའི་སེམས་ཀྱིས་རབ་ཏུ་སྦྱར་བར་བྱའོ། །རས་རིས་ལ་མཆོད་པ་ཆེན་པོ་བྱས་ནས་དྲི་དང་། མེ་ཏོག་དང་། བདུག་པ
140b5 ལ་སོགས་པ་རྣམས་ཕུལ་ནས་ཇི་ལྟར་ཉེ་བར་འབྱོར་པའི་མར་མེ་ཕུལ་ནས་འཁོར་ལོའི་ཕྱོགས་བཞི་རུ་ཡང་མར་མེ་བཞི་དང་། གུ་གུལ་གྱི་བདུག་པ་དབུལ་བར་བྱའོ། །ཀུ་ཤའི་ཁྲེས་ལ་ཉེ་བར་འདུག་སྟེ། ཙནྡན་དམར་པོས་བཏགས་པ་རྣམས་ལ་ལན་རེ་བཟླས་ཏེ་རེ་རེས་བསྣུན་པར་བྱའོ། །
140b6 ཇི་སྲིད་སྟོང་ཕྲག་བརྒྱད་ཀྱི་བར་དུའོ། །དེ་ནས་འཁོར་ལོ་སྒྲ་དང་། འོད་ཟེར་འཕྲོ་བ་དང་། དེ་ནས་འབར་རོ་གཉིས་པ་ལ་འཁོར་ལོ་ངེས་པར་འགྲོ་སྟེ། དེ་ནས་སྒྲུབ་པ་པོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་རིག་པ་ཟློས་ཤིག་དེ་བླང་པར་བྱའོ། །
140b7 བླངས་པ་ཙམ་གྱིས་འཁོར་དང་བཅས་པ་རིག་པ་འཛིན་པར་འགྱུར་ཏེ། དཔག་ཚད་སྟོང་ཕྲག་བཅུར་རིག་པ་འཛིན་པ་ཆེན་པོ་ཀླུ་དང་གནོད་སྦྱིན་གྱི་རིག་པ་འཛིན་པ་ཐམས་ཅད་ཀྱི་མང་དུ་འདོད་པར་འགྱུར་ཏེ། ལོ་སྟོང་ཕྲག་ལྔ་འཚོ་བར་བྱེད་དོ། །ཤི་ན་ཡང་བདེ་བ་ཅན་དུ་སྐྱེ་བར་འགྱུར་རོ། །དེ
iiif viewer powered by OpenSeadragon
