| e-texts navigator |
| Wylie |
13b1 ནས་གཙང་མའི་ཕྱོགས་སུ་པ་ཊའི་ཤིང་ལ་སོ་སོ་སོ་སོར་བཞག་ནས་འདི་ཉིད་ཀྱིས་དྲི་དང་མེ་ཏོག་ལ་སོགས་པ་ཕུལ་ལ་འབུམ་ཕྲག་བདུན་བཟླས་པར་བྱའོ། །སྔོན་དུ་བསྙེན་པ་བྱས་པར་འགྱུར་རོ། །མཐར་མཚན་མོ་གསུམ་དུ་སྨྱུང་བར་གནས་ཏེ། མེ་ཏོག་དཀར་པོ་སྟོང
13b2 ཕྲག་བརྒྱད་ལ་རེ་རེ་ལ་ཡོངས་སུ་བཟླས་ནས་སྤྱན་རས་གཟིགས་དབང་ཕྱུག་གི་དྲུང་དུ་དབུལ་བར་བྱའོ། །དངོས་གྲུབ་ཀྱི་མཚན་མ་ནི་པདྨ་སྟོང་རྩ་བརྒྱད་པོ་དེ་རྣམས་གཅིག་ཏུ་གནས་པར་འགྱུར་ཏེ། འདི་ནི་དངོས་གྲུབ་ཀྱི་མཚན་མའོ། །འདི་དག་ཕྱེ་མར་བྱས་ནས་གཞན་ཤ་ལ
13b3 དང་བསྲེས་ཏེ་རྒྱལ་པོའམ། རྒྱལ་པོའི་བློན་པོའམ། གང་ལ་བྱིན་པ་དེ་དབང་དུ་འགྱུར་རོ། །ནད་ཀྱིས་གདུངས་པ་ལ་བྱིན་ན་ནད་ཐམས་ཅད་ཉེ་བར་ཞི་བར་འགྱུར་རོ། །ཕྱེ་མ་དེས་མཚན་མ་དང་ལྡན་པ་མོ་ལ་རྡུལ་བཏབ་ན་བུ་རྙེད་དོ། །ཐོ་རངས་བདག་ཉིད་ཀྱི་སྤྱི་བོར་ཕྱེ་མ་དེས་རྡུལ
13b4 བཏབ་ན་སྐྱེ་བོ་ཐམས་ཅད་དགའ་བར་འགྱུར་རོ། །དེ་ལྟར་གང་འདོད་པ་དེ་ཐམས་ཅད་ཕྱེ་མ་དེས་བྱེད་དོ། །གྲོལ་བར་བྱེད་ན་ཉེ་བར་གཞག་པའི་ནད་དམ། ཁྲག་འཛག་པའམ། མཚན་མར་གདོལ་པའམ། དེ་བཞིན་དུ་དུག་ལ་སོགས་པ་ཐམས་ཅད་ལ་འཐུང་དུ་བཅུག་པའམ། ཅུང
13b5 ཟད་བྱུག་པར་སྦྱིན་པར་བྱ་སྟེ། ནད་ཐམས་ཅད་ཞི་བར་འགྱུར་རོ། །ཡང་འདིར་རས་ཀྱི་གནས་ཀྱི་ཕྱེ་མའི་ཆོ་ག་ནི་ནཱ་ག་གེ་སར་དང་། ཙནྡན་དང་། ད་མ་ན་ཀ་དང་། ཏ་མ་ལའི་འདབ་མ་དང་། པུ་ཤེལ་ཙེ་དང་། རུ་རྟ་དང་། མེ་ཏོག་བརྒྱ་པ་སྟེ། འདི་རྣམས་ཆ་མཉམ་པར
13b6 སྦྱར་ནས་ཕྱེ་མར་བྱེད་དུ་གཞུག་གོ། །འདི་ནི་རས་རིས་ཀྱི་གནས་ཀྱི་ཕྱེ་མ་སྟེ་བརྒྱ་ཕྲག་བརྒྱད་མངོན་པར་བསྔགས་ནས་གང་ལ་བཏུང་བ་ལ་སོགས་པར་བྱིན་པ་དེ་དབང་དུ་འགྱུར་ཏེ། བྲན་ཉིད་དུ་ཉེ་བར་གནས་པ་དང་། མཚོན་ཆའི་འཇིགས་པ་མེད་པ་དང་། གཉིས་མཉམ་དུ
13b7 རྙེད་ཅིང་རབ་ཏུ་འཇུག་གོ། །དེ་བཞིན་དུ་འཇིགས་པ་ལ་རས་རིས་ཀྱི་སྤྱན་སྔར་པདྨ་དཀར་པོ་འབུམ་ཕྲག་གསུམ་དབུལ་བར་བྱ་སྟེ་ཡུལ་ཆེན་པོ་རྙེད་དོ། །རྒའི་ཤིང་གིས་མེ་རབ་ཏུ་སྦར་ནས་པདྨ་དམར་པོས་འབུམ་ཕྲག་བདུན་སྦྱིན་སྲེག་བྱས་ན་རྒྱལ་སྲིད་ཆེན་པོ་རྙེད་དོ། །མ་གྲུབ
iiif viewer powered by OpenSeadragon
