| e-texts navigator |
| Wylie |
13a1 བ་བྱས་པར་འགྱུར་རོ། །རིའི་རྩེ་མོར་ཉི་མ་གསུམ་དུ་མི་བཟའ་བར་སྟོང་ཕྲག་ཉི་ཤུ་བཟླས་པར་བྱ་སྟེ། གསེར་སྟོང་རྙེད་པར་འགྱུར་རོ། །ཙནྡན་དཀར་པོའི་ཚོན་གྱིས་འཕགས་པ་སྤྱན་རས་གཟིགས་དབང་ཕྱུག་སྔར་བརྗོད་པ་བཞིན་འདྲིར་གཞུག་པར་བྱའོ། །དེའི
13a2 སྤྱན་སྔར་ཙནྡན་དཀར་པོའི་ཞོགས་མ་དང་བཅས་པ་འབུམ་ཕྲག་གསུམ་སྦྱིན་སྲེག་བྱས་ན་རྒྱལ་སྲིད་རྙེད་དོ། །མ་གྲུབ་ན་གྲོང་རྙེད་དེ་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་པ་ལའོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ
13a3 འདོད་ཅིང་དོན་དུ་གཉེར་བ་སྦྱིན་པའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཡངས་བ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་བཅོམ་ལྡན་འདས
13a4 མ་སྒྲོལ་མ་རལ་པ་གྱེན་བརྫེས་རྟོག་པའི་རྒྱལ་པོ་ཆེན་པོར་རས་རིས་ཀྱི་གནས་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཀ་ཊེ་ནི་ཀ་ཊེ།
13a5 ཀ་ཊཱཾ་ཀ་ཊེ། ཛྱོ་ཏི། ཏིཥྨ་ཏཱི། བི་པུ་ལེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་རས་རིས་ཀྱི་གནས་ཞེས་བྱ་བའི་རིག་པའི་རྒྱལ་པོ་ཆེན་པོའོ། །རྟག་ཏུ་བཟླས་པས་དོན་སྦྱིན་པར་བྱེད་ཅིང་སྡིག་པ་ཐམས་ཅད་རྣམ་པར་འཇོམས་པར་བྱེད་པ་གྲུབ་པར་ཡང་འགྱུར་རོ། །ཡང་འདིའི་ཆོ
13a6 ག་ནི་སྔར་བརྗོད་པའི་རས་རིས་ལ་འོད་དཔག་མེད་འདྲིར་གཞུག་པར་བྱ་སྟེ། སྐྱིལ་མོ་ཀྲུང་གིས་བཞུགས་པ། ཏིང་ངེ་འཛིན་ལ་སྙོམས་པར་ཞུགས་པའོ། །བཅོམ་ལྡན་འདས་ཀྱི་གཡས་སུ་འཕགས་པ་སྤྱན་རས་གཟིགས་དབང་ཕྱུག་རལ་པའི་ཅོད་པན་འཆང་བ། དར
13a7 དཀར་པོའི་སྟོད་གཡོགས་ཅན། བཅོམ་ལྡན་འདས་ལ་ཐལ་མོ་སྦྱོར་བར་བྱེད་བཞིན་པའོ། །གཡོན་དུ་འཕགས་པ་མཐུ་ཆེན་ཐོབ་པྲི་ཡང་ཀུ་ལྟར་སྔོ་བསངས་པདྨའི་གདན་ལ་བཞུགས་པ་བཅོམ་ལྡན་འདས་ལ་ཐལ་མོ་སྦྱོར་བར་བྱེད་པའོ། །དེ་ལྟ་བུའི་རས་རིས་འདྲིར་བཅུག
iiif viewer powered by OpenSeadragon
