| e-texts navigator |
| Wylie |
139b1 གི་མཐའ་སྒྲོལ་བར་བྱེད་པ་བགྲོད་དཀའ་བ་ཅན་གྱི་འདུན་སའམ། རྒྱལ་པོའི་ཕོ་བྲང་དུའང་རུང་སྟེ་ལྷ་རྣམས་དྲན་པར་བྱས་ཏེ་གཞན་གྱིས་མི་ཐུབ་པར་འགྱུར་རོ། །གང་དུ་འདོད་པ་དབང་དུ་བྱའོ། །དེ་འཕགས་པའི་ཞལ་དུ་ཡང་བཅུག་ནས་ཅུང་ཟད་ཡང་དག་པར་གསུངས་པར་མཛོད
139b2 ཅིག་རིང་པོར་མི་ཐོགས་པར་དབང་དུ་འགྱུར་རོ། །ཆུ་སྣོད་དུ་བྱས་ནས་དེ་ལ་འཕགས་པ་སྤྱན་རས་གཟིགས་དབང་ཕྱུག་བསམས་ཏེ་སྟོང་ཕྲག་བརྒྱད་དུ་མངོན་པར་བསྔགས་པའི་ཆུ་དེས་མཆེ་བ་ཅན་ལ་གཏོར་བར་བྱའོ། །དུག་མེད་པར་འགྱུར་རོ། །དེ་ལ་བརྗོད་པའི་ཆོ་གས
139b3 དཀྱིལ་འཁོར་དུ་རབ་ཏུ་ཞུགས་པ་ནི་དོན་མེད་པར་མི་འགྱུར་རོ། །ས་ལ་མ་ལྷུང་བའི་བ་བྱུང་བླངས་ནས་ཙཱ་རུ་བཟའ་ཞིང་མི་སྨྱ་བར་དཀྱིལ་འཁོར་བྱས་ནས་ཟླ་བ་ཉ་ནས་བརྩམས་ཏེ་ཇི་སྲིད་གསུམ་པའི་བར་དེ་སྲིད་དུ་བཟླས་པར་བྱ་སྟེ་འབུམ་བཟླས་སོ། །ཟླ་བ་དྲུག་ཏུ་ཚངས་པར་སྤྱོད་པ་དང
139b4 བརྟུལ་ཞུགས་འདི་ཉིད་སྤྱད་ཅིང་ཟླ་བས་དངོས་གྲུབ་དང་། ཟླ་བ་དྲུག་གིས་འགྲོ་བ་མཐའ་དག་མངོན་སུམ་དུ་མཐོང་བར་འགྱུར་རོ། །ལུས་ཀྱིས་ཀྱང་མཆོག་གི་དངོས་གྲུབ་ཐོབ་པར་བྱེད་དོ། །ཟླ་བས་སྔགས་ཐམས་ཅད་གྲུབ་པར་བྱེད་དོ། །གང་འདོད་པའི་ཀླུའི་རྒྱལ་པོ་མངོན་པར་བྲིས
139b5 ནས་དེའི་སྟེང་དུ་རྐང་པ་གཡོན་པ་བཞག་སྟེ་གཡོགས་པའི་ཕྱོགས་སུ་འབུམ་བཟླས་པར་བྱའོ། །ཀླུའི་རྒྱལ་པོ་དེ་འོང་སྟེ་དེ་ཅི་བགྱི་ཞེས་སྨྲ་བར་བྱེད་དོ། །ཀླུ་ཐམས་ཅད་ཀྱི་གནས་སུ་རབ་ཏུ་འཇུག་པར་གྱིས་ཤིག་ཅེས་བརྗོད་པར་བྱའོ། །དེར་རབ་ཏུ་འཇུག་པར་བྱེད་དོ། །དེ་བཞིན
139b6 དུ་གནོད་སྦྱིན་གྱི་རྒྱལ་པོ་བྲིས་ནས་སྒྲུབ་པར་བྱེད་ན་བཀའ་བསྒོ་བ་བྱེད་དོ། །ཐམས་ཅད་འཛིན་པའི་གཙང་མའི་གནས་ནས་རྡུལ་ཆུང་ངུ་བླངས་ཏེ་སྦྲུལ་གྱི་སྟེང་དུ་ཡོངས་སུ་ཐོར་ཅིག་།སྦྲུལ་བཟློག་པ་བྱས་པར་འགྱུར་རོ། །སླར་ཡང་གལ་ཏེ་གྲོལ་བར་འདོད་པ་བརྗོད་པར་བྱ་སྟེ་གོས
139b7 དཀར་པོའི་ཁ་དོག་ཅན་ལས་ལས་བྱུང་བའི་ཕྱག་རྒྱ་བྱས་ནས་སྟོང་ཕྲག་བརྒྱད་མངོན་པར་བསྔགས་ཏེ་མཆེ་བའི་སྟེང་དུ་འཇོག་ཏུ་བཅུག་ནས་ཁུག་ཅིག་ཤི་ཡང་སློང་བར་བྱེད་དོ། །ལྡོང་རོས་ལ་སོགས་པའི་རྫས་རྣམས་དང་རལ་གྲི་དང་། སྟ་གྲི་དང་། འཁོར་ལོ་དང་། བྷུཥུཎྜལ་སོགས་པ་རྣམས
iiif viewer powered by OpenSeadragon
