| e-texts navigator |
| Wylie |
139a1 ཤྭཏྠའི་འདབ་མའི་ནང་དུ་བཏུམས་པར་བྱས་ནས་སྟོང་ཕྲག་བརྒྱད་དུ་མངོན་པར་བསྔགས་པས་ཡང་དག་པར་བརྩམ་པར་བྱ་སྟེ་སྐལ་པ་བཟང་པོར་འགྱུར་རོ། །རས་རིས་ཀྱི་སྤྱན་སྔར་དཀར་པོའི་ཚེས་གཅིག་ནས་བརྩམས་ཏེ། འོ་མ་དང་ནས་ཟན་ཟ་ཞིང་དུས་གསུམ
139a2 དུ་ཁྲུས་བྱས་ནས་གོས་ལན་གསུམ་དུ་བརྗེས་ཏེ། ཨ་ག་རུ་དང་ཏུ་རུཥྐ་དང་། ཙནྡན་རྣམས་བསྲེགས་ཤིང་དཀར་གསུམ་གྱི་གཏོར་མ་དབུལ་བར་བྱའོ། །འབྱུང་པོ་ཐམས་ཅད་པའི་གཏོར་མ་ཆུ་ལས་སྐྱེས་པའམ། ཐང་ལས་སྐྱེས་པའི་དྲི་ཞིམ་པོའི་མེ་ཏོག་དང་པའི་མར
139a3 གྱི་མར་མེ་གསུམ་མོ། །མཐར་མཚན་མོ་གསུམ་དུ་སྨྱུང་བར་གནས་པས་མཚན་ཐོག་ཐག་ཏུ་བཟླས་པར་བྱའོ། །གང་དོན་དུ་གཉེར་བ་དེ་རྙེད་དོ། །ཐུན་མཚམས་སུ་བཟའ་བ་ཡང་ཇི་ལྟར་ནུས་པ་སྦྱིན་ནོ། །རིང་བསྲེལ་དང་བཅས་པའི་མཆོད་རྟེན་དུ་རས་རིས་བཞུགས
139a4 ནས་མཚན་མོ་གསུམ་དུ་སྨྱུང་བར་གནས་པས་ཨ་ཤྭཏྠའི་ཡམ་ཤིང་ལ་ཞོ་དང་སྦྲང་རྩི་དང་། མར་གྱིས་བཏགས་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག་།དེ་ནས་རས་རིས་ལས་འོད་ཟེར་འབྱུང་བ་དང་། ས་འགུལ་བ་དང་། མར་མེའི་རྩེ་མོ་འཕེལ་བ་དང་། ཕྲེང་བ་གཡོ་བར་བྱེད་པ་སྟེ།
139a5 མཚན་མ་འདི་རྣམས་ཀྱིས་གྲུབ་པར་འགྱུར་རོ། །རྣ་བའི་མིག་སྨན་ཨ་ཤྭཏྠའི་འདབ་མའི་ནང་དུ་བཏུམས་ཏེ་སྟོང་ཕྲག་རྫོགས་པའི་སྲེག་བླུགས་བྱས་ནས། སྐྱིལ་མོ་ཀྲུང་གིས་ཉེ་བར་འདུག་སྟེ། ཇི་སྲིད་གྲུབ་པ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །འབྲས་བུ་ཅན
139a6 ལ་གང་འདོད་པའི་རྫས་དེའི་མིང་བྲིས་ཏེ་སྟོང་ཕྲག་བརྒྱད་དུ་མངོན་པར་བསྔགས་པ་བྱས་ནས་གང་དུ་ཀླུ་གནས་པའི་མཚོ་ཕྲན་དེར་དོར་བར་བྱའོ། །དེའི་ཀླུ་དེས་ལས་ཐམས་ཅད་རྫོགས་པར་བྱེད་དོ། །ཉི་མ་བདུན་གྱིས་ཇི་ལྟར་འདོད་པའི་གོས་སྦྱིན་པར་བྱེད་དོ། །འབྲས་བུ་ཅན་ལ
139a7 མངོན་པར་འདོད་པའི་རྫས་མངོན་པར་བྲིས་ནས། དེ་བཞིན་དུ་ཁྲོན་པའམ། མཚོ་ཕྲན་དུ་གཞུག་པར་བྱའོ། །དེ་ནས་སྐྱེས་བུ་ཆུར་བྱི་འཛུལ་བྱེད་དུ་གཞུག་གོ། །དེར་ཡང་སྒྲ་ཆེན་པོ་སྐྱེས་བུས་ཐོས་ཏེ་ཕྱོགས་ཆེ་གེ་མོ་ན་རྫས་ལ་སོགས་པ་གནས་སོ། །དེ་ནས་བླང་བར་བྱ་སྟེ་ཆུ་ཀླུང
iiif viewer powered by OpenSeadragon
