| e-texts navigator |
| Wylie |
138b1 མོས་བཀལ་བའི་སྲད་བུ་ལ་སྟོང་ཕྲག་བརྒྱད་མངོན་པར་བསྔགས་པ་བྱས་ནས་བཅིང་བར་བྱའོ། །སྐལ་པ་བཟང་པོར་འགྱུར་རོ། །དོང་ཀའི་མེ་ཏོག་སྟོང་ཕྲག་བརྒྱ་སྦྱིན་སྲེག་གྱིས་ཤིག་།གོས་བྱེ་བ་བཅུ་གཉིས་སོ་སོར་རྙེད་དོ། །རྒྱལ་གྱི་ལྕགས་ལས་བྱུང་བའི་སྲང་ཤིན་ཏུ་མཛེས
138b2 པ་ལ་འཁོར་ལོ་འདབ་མ་བཅུ་པ་བྱས་ནས་རིང་བསྲེལ་དང་བཅས་པའི་མཆོད་རྟེན་དུ་རས་རིས་བཞུགས་ནས་ཉིན་མཚན་དུ་སྨྱུང་བར་གནས་པས་མཆོད་པ་རྒྱ་ཆེན་པོ་བྱས་ཏེ་འཁོར་ལོ་བླངས་ནས་ཇི་སྲིད་དུ་མཚན་མ་བྱུང་བ་དེ་སྲིད་དུ་བཟླས་པར་བྱའོ། །གང་གི་ཚེ་མེ་སྟག་འཕྲོ་བར་བྱེད་པ་དང
138b3 ཇི་སྲིད་དུ་འབར་བར་འགྱུར་བ་དེ་སྲིད་དུ་བཟླས་པར་བྱའོ། །དེ་ནས་གྲུབ་པར་འགྱུར་ཏེ་རིག་པ་འཛིན་པ་ཐམས་ཅད་འདུ་བར་བྱེད་ཅིང་འཁོར་དང་བཅས་པ་འཕུར་བར་བྱེད་དོ། །རིག་པ་འཛིན་པའི་རྒྱལ་པོ་དང་བསྐལ་པ་ཆེན་པོར་གནས་པ་དང་། ཐོགས་པ་མེད་པར་འགྲོ་བར
138b4 བྱེད་དོ། །སྔ་བར་ལངས་ནས་ལོར་བཟླས་པར་བྱེད་དོ། །མཆོག་སྦྱིན་པར་བྱེད་དོ། །ཟླ་བ་དྲུག་ཏུ་ལན་ཅིག་བརྗོད་པས་ནད་ཆེན་པོ་གྲོལ་ལོ། །ཟླ་བ་གཅིག་ཏུ་ཟློས་ཤིག་དུས་མ་ཡིན་པར་གུ་གུལ་གྱི་བདུག་པས་མཆེ་བའི་དུག་འབེབས་པར་བྱེད་དོ། །ཉིན་གཅིག་པ་དང་།
138b5 ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་ལ་སོགས་པ་རྣམས་སུའོ། །བུད་མེད་དབང་དུ་བྱེད་པ་ལ་རས་རིས་ཀྱི་སྤྱན་སྔར་ལཱ་པན་ལ་སྦྲང་རྩི་བཏགས་པ་མཚན་མོ་བདུན་དུ་ཐུན་གསུམ་དུ་སྦྱིན་སྲེག་ཉི་ཤུ་རྩ་གཅིག་གྱིས་ཤིག་དབང་དུ་འགྱུར་རོ། །འདི་ནི་ཡུགས
138b6 ས་མོས་སྐྱེས་བུ་ཡིའོ། །རྒྱལ་པོ་ནི་རས་རིས་ཀྱི་སྤྱན་སྔར་ཨརྒའི་ཡམ་ཤིང་ལ་ཞོ་དང་སྦྲང་རྩི་དང་། མར་གྱིས་བཏགས་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག་དབང་དུ་འགྱུར་རོ། །རྒྱལ་པོའི་བློན་པོ་ལ་སོགས་པ་ལ་མཚན་མོ་ཐུན་གསུམ་དུ་ལན་ཚྭ་ཉི་ཤུ་རྩ་གཅིག་སྦྱིན
138b7 སྲེག་གྱིས་ཤིག་དབང་དུ་འགྱུར་རོ། །མགོ་བོ་ལ་ལན་གསུམ་མམ་བདུན་དུ་མངོན་པར་བསྔགས་ནས་རྒྱལ་པོའི་སྒོར་འཇུག་པར་བྱེད་ན་རྒྱལ་པོའི་གནང་ཆེན་པོར་འགྱུར་རོ། །བརྒྱད་བརྒྱར་མངོན་པར་བསྔགས་པའི་རྨ་བྱའི་མདོངས་ཀྱིས་ཕྱག་པར་བྱས་ན་དུག་འཇོམས་སོ། །ལྡོང་རོས་ཨ
iiif viewer powered by OpenSeadragon
