| e-texts navigator |
| Wylie |
138a1 སྲིད་དང་། ཁྱོད་ཇི་འདྲ་བའི་བཅོམ་ལྡན་འདས་དེ་འདྲ་བ་ངའོ་ཞེས་སོ། །དངོས་གྲུབ་འདི་ནི་བླ་མ་མཆོད་པ་དང་། སྙིང་རྗེས་སེམས་ཅན་ཐམས་ཅད་ལ་སེམས་མཉམ་པས་སྦྱིན་པ་ཉིད་ཀྱིས་སྒྲུབ་པར་བྱེད་དོ། །ཉིན་མཚན་དུ་སྨྱུང་བར་གནས་པས་རས་རིས
138a2 ཀྱི་སྤྱན་སྔར་མཆོད་པ་རྒྱ་ཆེན་པོ་བྱས་ནས་ཨརྐའི་ཡམ་ཤིང་གི་སྟོང་ཕྲག་བརྒྱད་སྦྱིན་སྲེག་གྱིས་ཤིག་། གང་འདོད་པ་དེ་སྐད་ཅིག་ཉིད་ལ་འགུགས་པར་བྱེད་དོ། ། ག་རུ་དང་། པྲི་ཡང་ཀུ་དང་ནཱ་ག་གེ་སར་རྣམས་ཆ་མཉམ་པ་ཕྱེ་མར་བྱས་ཏེ། ཁམ་ཕོར་ཁ་སྦྱར་དུ
138a3 བྱས་ནས་སྟོང་ཕྲག་བརྒྱད་དུ་མངོན་པར་བསྔགས་པས་ལུས་ལ་བྱུགས་ཏེ་གཡུལ་དུ་ཞུགས་ན་གཞན་གྱིས་མི་ཐུབ་པར་འགྱུར་རོ། །སྤྱན་རས་གཟིགས་དབང་ཕྱུག་གི་སྤྱན་སྔར་འབུམ་ཕྲག་ཉི་ཤུ་རྩ་གཅིག་བཟླས་པས་རིག་པ་འཛིན་པར་འགྱུར་རོ། །འབུམ་ཕྲག་བཅུ་གཅིག
138a4 ཟློས་ཤིག་འཕགས་པ་འཇམ་དཔལ་མཐོང་ངོ་། །རས་རིས་ཀྱི་སྤྱན་སྔར་འབུམ་ཕྲག་བདུན་ཟློས་ཤིག་མེ་སྣང་བར་འགྱུར་རོ། །ནད་ཀྱིས་བཏབ་པ་ལ་རས་རིས་ཀྱི་སྤྱན་སྔར་འབུམ་ཕྲག་ལྔ་ཟློས་ཤིག་།ནད་འཇོམས་པར་བྱེད་དོ། །སྔོན་སྤྱད་པ་བྱས་པས་འབུམ་ཕྲག་བཅུ་གཉིས
138a5 ཟློས་ཤིག་། བཅུད་དམ་བཅུད་ཀྱིས་ལེན་སོ་སོར་རྙེད་དོ། །དེ་ཟོས་པས་གཉེར་མ་དང་སྐྲ་དཀར་སྤངས་པར་འགྱུར་རོ། །ལོ་བརྒྱད་གཉིས་ལོན་པའི་རྣམ་པ་ཡུན་རིང་དུ་འཚོ་བར་འགྱུར་རོ། །འབུམ་ཕྲག་གསུམ་བཟླས་པས་ཡུངས་ཀར་རྒྱལ་པོ་སྟོང་ཕྲག་བརྒྱད་སྦྱིན་སྲེག་གྱིས
138a6 ཤིག་། རྒྱལ་བའི་བཙུན་མོ་དབང་དུ་འགྱུར་རོ། །མཚན་མོ་བདུན་གྱིས་འདི་ལ་ནོར་རབ་ཏུ་སྦྱིན་ཏེ་འདོད་པ་ཉེ་བར་བཞག་པ་ནི་མ་གཏོགས་སོ། །རས་རིས་ཀྱི་སྤྱན་སྔར་ཨརྒའི་ཡམ་ཤིང་འབུམ་སྦྱིན་སྲེག་གྱིས་ཤིག་།གསེར་སྲང་བརྒྱ་སོ་སོར་རྙེད་དོ། །འབྲས་ཡོས་སྟོང་ཕྲག
138a7 བརྒྱད་སྦྱིན་སྲེག་གྱིས་ཤིག་། བགེགས་མེད་པར་འགྱུར་རོ། །པི་ནྱཱ་ཀའི་ཤིང་སྟོང་སྦྱིན་སྲེག་གྱིས་ཤིག་།སྐྱེ་བོ་ཐམས་ཅད་དགའ་བར་འགྱུར་རོ། །འབུམ་ཕྲག་གསུམ་ཟློས་ཤིག་།རྐེད་པའི་ནད་མེད་པར་འགྱུར་རོ། །རིམས་ཀྱིས་བཏབ་པ་ལ་ཀུ་ཤས་ཕྱག་པར་བྱའོ། །བུ
iiif viewer powered by OpenSeadragon
