| e-texts navigator |
| Wylie |
137b1 པ་ཊ་ཧ། །རྔ་བོ་ཆེ་ཡི་དངོས་གྲུབ་ངེས། །ཐམས་ཅད་དུ་ནི་སྨད་པར་བརྗོད། །སྦྱིན་སྲེག་ལ་ནི་གནས་བཅས་པ། །གཞན་ཡང་དགེ་མཚན་མཆོག་དང་ནི། །འདབ་ཆགས་ཅན་ནམ་དགེ་བའི་སྒྲ། །རྣམ་པ་སྣ་ཚོགས་དེས་སྒྲོགས་པའི། །སྒྲ་ཡང་རུང་སྟེ་རྒྱལ་བས
137b2 བསྔགས། །རབ་བསྔགས་དུས་བཅས་ལྷ་རྣམས་དང་། །ཡིད་འོང་རྣམ་པ་སྣ་ཚོགས་སྒྲ། །གདུགས་དང་རྒྱལ་མཚན་བ་དན་དང་། །བཙུན་མོ་རྒྱན་གྱིས་བརྒྱན་པ་དང་། །དེ་བཞིན་བུམ་པ་གང་བ་དང་། །མཆོད་ཡོན་མཐོང་ན་དངོས་གྲུབ་རྒྱུ། །རྣམ་པ་འདི
137b3 ཡིས་བསྔགས་པའམ། །རབ་བསྔགས་འཇིག་རྟེན་གྱིས་མཆོད་པའི། །དགེ་སློང་དང་ནི་དགེ་སློང་མ། །དེ་རྣམས་མཐོང་ན་གསང་སྔགས་ཀྱི། །སྣ་ཚོགས་སྤྱོད་ཡུལ་དངོས་གྲུབ་བོ། །ཞེས་སོ། །བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ཐེག་པ་ཆེན་པོའི་མདོ་སྡེ
137b4 རལ་པ་གྱེན་བརྫེས་ཀྱི་རྟོག་པ་ལས་བགྲང་འཕྲེང་སྲད་བུའི་ཆོ་གའི་ལེའུ་རབ་འབྱམ་བཅུ་གཅིག་པ་ཡོངས་སུ་རྫོགས་སོ། ། །།དེ་ནས་རས་རིས་ཀྱི་སྤྱན་སྔར་ཀླུ་ཤིང་གི་མེ་ཏོག་སྟོང་ཕྲག་བརྒྱད་ཀྱིས་མིའི་བདག་པོ་དབང་དུ་འགྱུར་རོ། །ནད་ཐམས་ཅད་ལས་རྐང་ཤུ་དང་།
137b5 གདུག་པའི་རྨ་རྣམས་ལ་སའི་གོང་བུ་ལ་ལན་བདུན་མངོན་པར་བསྔགས་པ་བྱིན་ན་ཉེ་བར་ཞི་བར་འགྱུར་རོ། །སྔོན་སྤྱད་པ་བྱས་པས་བ་བྱུང་ལྔས་ལུས་སྦྱང་བ་བྱས་ནས་དུས་གསུམ་དུ་ཁྲུས་བྱས་ཏེ་འོ་མ་བཏུང་བར་བྱའོ། །རྩ་བའི་རས་རིས་ཀྱི་སྤྱན་སྔར་བརྒྱད་བརྒྱ་བཟླས་པར་བྱའོ། །
137b6 ཕྱི་ནས་ནག་པོའི་བརྒྱད་པ་ལ་རས་རིས་ཀྱི་སྤྱན་སྔར་ཇི་ལྟར་ནུས་པའི་མཆོད་པ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ། བིལ་བའི་ཡམ་ཤིང་ལ་མར་དང་ཞོ་དང་། སྦྲང་རྩི་བཏགས་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག་།འཕགས་པ་འཇམ་དཔལ་གྱི་སྤྱི་བོ་ནས་འོད་ཟེར
137b7 འབྱུང་བར་བྱེད་དོ། །དེས་སྒྲུབ་པ་པོ་ལ་བསྐོར་བ་བྱས་ནས་བཅོམ་ལྡན་འདས་ཀྱི་གཟུགས་བརྙན་གྱི་མདུན་དུ་མི་སྣང་བར་འགྱུར་རོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་མཐོང་སྟེ་མཆོག་གསུམ་པོ་རྣམས་གང་རྙེད་པ་དེ་རྙེད་དོ། །རིག་པ་འཛིན་པ་ཉིད་ཀྱི་རྒྱལ
iiif viewer powered by OpenSeadragon
