| e-texts navigator |
| Wylie |
137a1 འབྱུང་པོ་ཀུན་ལ་ཡང་དག་ངེས། །མི་བདག་ཉིད་དང་དེ་བཞིན་ཡང་། །དབང་གི་དོན་དུ་སེམས་ཅན་ཀུན། །མི་བདག་དེས་སམ་མི་དེས་ནི། །ས་སྟེངས་ཐམས་ཅད་མཉམ་པ་ཡིས། །ལས་རྣམས་དེ་བཞིན་ཀུན་ནས་ནི། །རྟག་ཏུ་སྦྱིན་སྲེག་གིས
137a2 བྱའོ། །ངེས་པར་ལས་ཀུན་ཡང་དག་བརྟེན། །བདག་ཉིད་བརྩམས་པས་ལྷན་ཅིག་སྒྲུབ། །དཔལ་གྱི་དོན་དུ་དེ་ཡི་ལས། །མཆོག་དང་བར་མ་ཉིད་དང་ཡང་། །ཡང་ན་ཆུང་ངུ་ཉིད་བསྒྲུབ་བྱ། །དེ་ཉིད་དུ་ནི་རྫས་ཀུན་གྱི། །དངོས་གྲུབ་བརྗོད་པའི་དོན་དུ་སླར། །ལྷན
137a3 ཅིག་དངོས་གྲུབ་བལྟ་བར་བྱ། །སྦྱིན་སྲེག་ལས་ལ་ལེགས་འཇུག་པ། །ལས་རྣམས་ཀུན་ལ་ཕྱག་རྒྱ་བཅིང་། །བདག་སྲུང་མར་དང་ལྡན་པ་ཡི། །སྦྱིན་སྲེག་ལས་ལ་རབ་འཇུག་བྱེད། །དེ་ནས་རས་རིས་གསང་སྔགས་འདི། །བདུན་བཟླས་པའམ་བརྒྱད་བཟླས་པ། །
137a4 རྟག་ཏུ་ལས་འདིས་སྤྱོད་ལམ་བྱ། །ན་མཿསརྦྦ་བུདྡྷ་བོ་དྷི་སཏྭཱ་ནཱ་ན། ཨ་པྲ་ཏི་ཧ་ཏ་ག་ཏི་སཏྭཱ་ནཱ་ན། ཏདྱ་ཐཱ། ཨཽཾ་ཛྭ་ལ་ཏིཥཱ་ཧཱུ~ཾ། རུ་རུ་བི་ཤྭ་སམྦྷ་བེ་སྭཱ་ཧཱ། ཤིང་ལ་སྦྱོར་བ་འདིས་བཟླས་ཏེ། །སླར་ཡང་གཉིས་སམ་བདུན་བཟླས་པས། །སྔགས་རིག་མེ་ལ་སྦྱིན
137a5 སྲེག་གིས། །མེ་ཏོག་བདུག་པ་དྲི་ཡང་རུང་། །ཀུན་ནས་ཐམས་ཅད་ཉིད་ལ་ནི། །ལན་བདུན་བཟླས་པ་འདི་ཉིད་ཀྱིས། །ཁྱོད་ཀྱིས་རབ་ཏུ་བརྗོད་པར་བྱ། །ལས་རྣམས་ཐམས་ཅད་རྩོམ་བྱེད་པ། །ཆོ་ག་རྒྱུ་ཡི་སྔ་མ་ཡིས། །རབ་སྦྱོར་ཉིད་ཀྱིས་བྱ་བའོ། །
137a6 ལས་རྣམས་ཀུན་ལ་སྔར་བཅིངས་པའི། །ཕྱག་རྒྱ་ཆེན་མོ་གྲགས་ལྡན་མ། །དེ་བཞིན་བསྲུངས་པ་བྱས་གྱུར་ནས། །དངོས་གྲུབ་རྒྱུ་ལ་མཁས་པ་ཡིས། །ལས་རྣམས་ཐམས་ཅད་རྩོམ་པར་བྱོས། །གལ་ཏེ་ནུས་པ་མཐོང་བ་ན། །དགེ་བའི་སྒྲ་རྣམས་ཉིད་དང་ནི། །
137a7 རྟག་ཏུ་འབྲས་ཅན་ས་དེ་ཡི། །གསང་སྔགས་ཇི་ལྟར་འདོད་བཞིན་དུ། །ངེས་པར་མཆོག་འདི་སྦྱིན་པའོ། །དང་པོ་ལས་ཀྱི་རབ་སྦྱོར་བ། །གསང་སྔགས་རྒྱུ་ཡིས་རབ་ཞུགས་པ། །འབྲས་བུར་བཅས་པ་ཁོ་ན་ཡི། །དངོས་གྲུབ་དེ་རྣམས་བསྒྲུབ་པར་བྱ། །རྒྱལ་བའི་སྒྲ་དང
iiif viewer powered by OpenSeadragon
