| e-texts navigator |
| Wylie |
136b1 རྣམ་པ་སྣ་ཚོགས་ཁ་དོག་ཉིད། །ཁ་དོག་གསལ་བ་དེ་འདྲ་ཡོད། །མེ་ནི་འབར་བ་མཐོང་ནས་ནི། །སླར་ཡང་ལས་རྣམས་བརྩམ་པར་བྱ། །སྤྱན་དྲངས་བྱས་ལ་གཟུགས་ཁ་དོག་།གལ་ཏེ་སྔགས་ཀྱི་དངོས་གྲུབ་འགྱུར། །སླར་ཡང་སྦྱིན་སྲེག་རབ་འཇུག་པ། །
136b2 ལས་ཀྱི་ཆོ་ག་མཐོང་བ་ཡིས། །སྤྱན་དྲངས་གཤེགས་སུ་གསོལ་བ་ཉིད། །མེ་ལ་སྔགས་ནི་བརྗོད་པར་བྱ། །སྔར་ནི་རབ་ཏུ་བཏགས་པས་ཀྱང་། །དཀྱིལ་འཁོར་འདི་རུ་རྣམ་པ་གཞན། །མཆོག་དེ་ཉིད་ཀྱིས་དེ་གྱིས་ཤིག་།སྦྱིན་སྲེག་འདི་ལ་སྤྱན་དྲང་དང་། །
136b3 གཤེགས་སུ་གསོལ་བའི་ལས་ཅན་གྱིས། །ལས་རྣམས་དེ་ཉིད་ཀྱིས་བྱའོ། །དེར་ནི་མེ་ཡི་སྤྱོད་པའི་ལས། །དེ་བཞིན་གཟུགས་དང་རས་རིས་ཀྱི། །སྤྱན་སྔར་བརྩམས་ནས་འགྲུབ་པར་བྱེད། །དེ་ལ་སྔགས་ནི་སྔར་བརྗོད་པ། །དེ་བཞིན་གཤེགས་པ
136b4 རྒྱལ་བས་བསྔགས། །ལས་རྣམས་ཀུན་ནས་དེར་བྱའོ། །གཞན་པའི་ལས་རྣམས་མི་བྱ་སྟེ། །ཁྱད་པར་སྡིག་པ་ཅན་གྱི་ལས། །རྒྱལ་བ་མཆོག་གིས་སྨད་པ་དང་། །གང་དུ་འཇིག་རྟེན་དང་འགལ་སྨད། །འཁོར་ལོས་སྒྱུར་བ་ཉིད་དུ་ལངས། །དེ་ནས་བྱང་སེམས
136b5 ས་ཡི་བདག་། དེ་བཞིན་མངོན་ཤེས་ལྔ་ཐོབ་པ། །དེ་ནས་ལྷ་ཉིད་འགྲུབ་པར་བྱེད། །འདིར་ནི་རྟག་ཏུ་སྦྱོར་ཤེས་པ། །རས་རིས་སྦྱིན་སྲེག་ལས་ལ་མཁས། །ས་འོག་བདག་པོ་ཉིད་དང་ནི། །བར་སྣང་ལ་ནི་སྤྱོད་པར་བྱེད། །དེ་ནས་ས་བླའི་ལྷ་དང་ནི། །གནོད་སྦྱིན
136b6 ཉིད་དམ་གནོད་སྦྱིན་མོ། །འགུགས་པར་བྱེད་ཅིང་རྟག་ཏུ་ཡང་། །རྒྱལ་སྲིད་ཀྱི་ནི་བདག་པོ་ཉིད། །ཡང་ན་ཡུལ་འདིར་འཁོར་བ་ཉིད། །ཡང་ན་རིག་དང་རིག་འཛིན་ཉིད། །ལྷ་མིན་ཉིད་དང་སེམས་ཅན་ཀུན། །དབང་བྱེད་རྗེས་འགྲོ་འགུགས་པར་བྱེད། །སེམས
136b7 དཔའ་ཆེན་པོ་ཡང་དག་པ། །བྱང་ཆུབ་སེམས་དཔའ་བདག་ཉིད་ཆེ། །སེམས་ཅན་ས་བཅུར་གནས་བཅས་པ། །སྦྱིན་སྲེག་ལས་ཀྱིས་འགུགས་པར་བྱེད། །ས་སྟེངས་མི་རྣམས་སྨོས་ཅི་དགོས། །ལྷག་མའི་བདག་པོ་ཉིད་དེ་བཞིན། །ཁྱད་པར་འཇིག་རྟེན་དབང་ཕྱུག་ཉིད། །
iiif viewer powered by OpenSeadragon
