| e-texts navigator |
| Wylie |
136a1 པོའི། །མེ་ཏོག་ཁོ་ནས་རྟག་ཏུ་འབོད། །སྔགས་པ་གནས་ལ་མཁས་པ་ཡིས། །གདན་ནི་གནས་ལ་ཕུལ་བ་པ། །གསང་སྔགས་དེས་སོ་གཞན་དུ་མིན། །ཞོ་ལྡན་མར་དང་བསྲེས་པ་ལ། །སྦྲང་རྩི་བཏགས་པའི་ཡམ་ཤིང་གསུམ། །རྒྱས་དོན
136a2 མེ་ལ་སྦྱིན་སྲེག་བྱ། །སྔགས་ཀྱི་ལས་ཀྱིས་ཐམས་ཅད་དུ། །པདྨའི་གདན་ལ་ཉེར་འདུག་པས། །ཞི་བའི་ལས་ཀྱི་སྦྱིན་སྲེག་བྱ། །རྒྱས་པ་ཅན་ལ་འདི་རྣམས་ཉིད། །སྦྱིན་བྱ་གཟུགས་མཐུན་སྔགས་རྣམས་ཀྱིས། །མངོན་སྤྱོད་ཅན་དུ་གནས་པ་ལ། །
136a3 གཞན་གྱི་གཟུགས་སུ་བལྟ་བར་བྱ། །དྲི་མ་མེད་པའི་ལྷ་རྣམས་ནི། །རིམ་པ་བཞིན་དུ་མེ་ཐབ་ཏུ། །ཇི་ལྟར་རྙེད་པའི་མེ་ཏོག་དྲི། །བདུན་དུ་ཡོངས་སུ་བཟླས་པ་ཡིས། །མངོན་པར་བོས་པ་དེ་ཡི་ཚེ། །འབྱུར་གནས་ངེས་པར་གཞག་པ་རྣམས། །ཇི་ལྟར་གཉིས
136a4 ཀར་གནས་དེ་བཞིན། །ཡམ་ཤིང་རྫས་དང་བསྲེས་པ་དང་། །མར་དང་སྦྲང་རྩི་ཡང་དག་ལྡན། །དེ་བཞིན་ཁོ་ནས་ཞོ་བསྲེས་པས། །བྱའོ་སྟོང་ངམ་འབུམ་ཚད་དམ། །ཡང་ན་བརྒྱ་རྩ་བརྒྱད་རྟག་བྱ། །སྔགས་ནི་བླངས་ནས་དེ་བཞིན་དུ། །རིག་པ་ལན་ཅིག་བཟླས་པ
136a5 ཡི། །མིག་དང་གཙུག་ཕུད་འབར་བ་ཡི། །ཕྲེང་བའི་མེ་ལ་མེ་ལྕེ་གཅིག་།དེ་བཞིན་ཉིད་དུ་ཞི་བའི་ལས། །སྦྱིན་སྲེག་ངེས་པར་བྱ་བ་ཡང་། །རྒྱས་པ་ཅན་ལ་དེ་དང་དབང་། །དྲག་པོའི་ལས་ནི་སྨད་པ་སྟེ། །རྒྱས་པས་སྤངས་སོ་སྦྱིན་སྲེག་ལས། །རབ་སྦྱོར་མེ་ནི
136a6 བསྔགས་པར་འགྱུར། །སྒྲ་གཅན་བརྒྱད་ཅུའི་སྟོབས་དང་ལྡན། །རྒྱལ་བ་མཆོག་གིས་རབ་ཏུ་བསྔགས། །དེར་ནི་གསང་སྔགས་རྟག་སྒྲུབ་བྱེད། །དཀར་བའི་མེ་ལ་སྦྱིན་སྲེག་བྱ། །གལ་ཏེ་ཁ་དོག་དམར་དེ་བཞིན། །རྟག་ཏུ་རྒྱས་པའི་དངོས་གྲུབ་འདོད། །ནག་པོ་དུད
136a7 ཁ་སེར་སྐྱ་ལའང་། །གཡོན་པ་ཅན་ཞེས་བྱ་བ་ཉིད། །ཁ་དོག་རྣམ་གསུམ་རབ་འཇུག་པ། །དངོས་གྲུབ་རྣམ་པ་གསུམ་ཡིན་ནོ། །སྔགས་པ་ལས་གཞན་ཁ་དོག་གམ། །རྣམ་པ་སྣ་ཚོགས་ཁ་དོག་ཉིད། །དེ་ལ་སྔགས་ཀྱི་དངོས་གྲུབ་མེད། །སླར་ཡང་ལག་པའི་མཐིལ་འདིར་ནི།
iiif viewer powered by OpenSeadragon
