| e-texts navigator |
| Wylie |
135a1 སྲིན་བུ་རྣམས་ཀྱིས་ཟོས་པ་སྤངས་ནས་བུག་པ་མེད་པ་ཡང་ཀུན་ཏུ་འཇོག་པས་ཁ་དོག་གཞན་མཆོག་དང་ཐ་མ་ཉིད་ཀྱང་སྤངས་ནས་སྐམ་པོ་དེ་རྣམས་ཀྱང་སྤངས་པ་བསྲེགས་པར་ཀུན་ཏུ་སྤྱོད་དོ། །མ་རུལ་ཅིང་མི་འཁྱོག་པ་ཉིད་དང་གཞན་སྤང་བར་བྱའོ། །
135a2 དེ་ནས་མེ་ཐབ་ཀུན་ནས་གྲུ་བཞི་པ་བྱས་ནས་འོག་ཉིད་དུ་བསྐོར་བར་བྱ་སྟེ། གཞུ་གང་དང་ཁྲུ་གང་གི་ཚད་ལས་ཁྲུ་གསུམ་མམ། ཁྲུ་གཉིས་སམ་ཁྲུ་བཞི་སྟེ། དེ་བཞིན་ཁོ་ནར་སྲོག་ཆགས་རྣམས་སྤངས་པ་རྟག་ཏུ་བྱེ་མ་བསྔགས་ཏེ་དེ་ལ་པདྨའི་རྣམ་པས་སོ། །དེ་ནས་ཁ་ཁྱེར
135a3 ཀུན་ནས་དཀྱིལ་འཁོར་གྱི་རྣམ་པ་གྲུ་བཞི་པ་ཡང་འབད་པས་སོ། །རས་རིས་ཀྱི་སྤྱན་སྔར་ཞི་བ་ཅན་དང་། རྒྱས་པ་ཅན་ཡང་རུང་སྟེ་འདི་རྣམས་ཡང་དག་པར་རབ་ཏུ་བསྒྲགས། མངོན་སྤྱོད་དུ་ནི་བཤད་པ་ལ། །དབུས་སུ་རྡོ་རྗེ་བྱ་བ་ནི། །རྩེ་མོ་གཉིས་ཀ་རྩེ་གསུམ་པ། །
135a4 གཞན་ཡང་མེ་ཐབ་ཁྲུ་གཉིས་པ། །ཐད་ཀར་ཡང་ནི་བདུན་པའོ། །དེ་བཞིན་གཙང་མའི་ཕྱོགས་རྒྱབ་ཏུ། །ཆུ་ཀླུང་ངོགས་ཀྱི་ཕྱོགས་གཅིག་གམ། །བརྟན་པའི་ཕྱོགས་སམ་དུར་ཁྲོད་དམ། །ཁང་སྟོང་སྦྱིན་སྲེག་ལེགས་བརྩམ་བྱའོ། །དེ་བཞིན་ཁོ་ནར་རི་རྩེར
135a5 ཡང་། །ལྷ་ཡི་ཁང་པ་སྟོང་པ་དང་། །རྟག་ཏུ་དགོན་པ་ཆེན་པོ་དང་། །དེ་བཞིན་དུ་ཡང་གསུམ་རྣམས་ནི། །སྒྲུབ་པོའི་ཕྱོགས་སུ་གསུངས་པ་ཡིན། །གང་ཟག་མཆོག་གི་གནས་དེ་རྣམས། །གསུངས་པའི་སྦྱིན་སྲེག་ལས་ཀུན་ལས། །ཀུ་ཤའི་ཁྲེས་ལ་ཉེར
135a6 འདུག་པས། །གནས་ནས་ཁྲུ་ཡི་ཚད་ལས་ནི། །སྦྱིན་སྲེག་ལས་རྣམས་ཁྱད་པར་དུ། །དེར་ནི་གསང་སྔགས་ཤེས་པས་བྱའོ། །དངོས་གྲུབ་མྱུར་བ་ཁོ་ནར་གནས། །ཉིད་དུ་གནས་པར་ཐེ་ཙོམ་མེད། །ཤར་དུ་བལྟས་དང་བྱང་དུ་བལྟས་པའང་། །ཞི་དང་རྒྱས་པ
135a7 ཅན་ལ་བྱ། །དྲག་པོ་ལ་ནི་ལྷོ་རུ་སྟེ། །དེ་ནས་སྔགས་པས་རྣམ་པར་སྤང་། །ཤར་དུ་ཁ་བལྟས་ཞི་བ་འཕེལ། །རྒྱས་པ་ལ་ཡང་བྱང་བལྟས་པ། །འདི་རྣམས་སྔགས་པས་དུས་ལྷན་ཅིག་།རིག་པ་བཟླས་པས་ཡང་དག་བརྩམ། །བིལ་བ་ཨརྐ་པ་ལཀྵ། །ནྱ་གྲོ་དྷ
iiif viewer powered by OpenSeadragon
