| e-texts navigator |
| Wylie |
134b1 སྡིག་པ་རྣམས་བསྲབས་པར་འགྱུར་རོ། །རྟག་ཏུ་བཟླས་པས་གང་འདོད་པའི་གྲོང་དེ་སོ་སོར་རྙེད་པ་དང་། མིག་གིས་གང་མཐོང་བ་དེ་དབང་དུ་འགྱུར་རོ། །རྩོད་པ་ལས་རྒྱལ་བ་དང་སྨྲ་བའི་མཆོག་ཏུ་འགྱུར་རོ། །ཏིལ་དང་མཱ་ཥའི་སྦྱིན་སྲེག་གྱིས་ཤིག་ནོར་སྐྱེད་པར་བྱེད་དོ། །
134b2 བ་ཊའི་མྱུ་གུ་ཞོ་དང་སྦྲང་རྩི་དང་མར་གྱིས་བཏགས་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག་།དུས་མ་ཡིན་པར་འཆི་བར་མི་འགྱུར་རོ། །རས་རིས་ཀྱི་སྤྱན་སྔར་ཀླུ་ཤིང་གི་མེ་ཏོག་སྟོང་ཕྲག་བརྒྱད་ཀྱིས་མི་བདག་དབང་དུ་འགྱུར་རོ། །དེ་ནས་ཡང་ཤཱཀྱ་ཐུབ་པས་སླར་ཡང་ཐམས་ཅད་དང་ལྡན
134b3 པའི་འཁོར་གྱི་དཀྱིལ་འཁོར་ལ་ཀུན་ཏུ་གཟིགས་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ལ་བཀའ་སྩལ་པ། སེམས་དཔའ་ཆེན་པོ་ཁྱོད་ཀྱི་རིག་པའི་སྔགས་ཀྱི་ལེའུ་མཐའ་དག་རྣམ་པར་བཀོད་པའི་ཁྱད་པར་གྱི་ཚོགས་སྦྱིན་སྲེག་གི་ལས་རབ་ཏུ་སྦྱར་བས་རིག་བསྒྲུབ་པ
134b4 པོའི་མེ་ལ་རབ་ཏུ་སྤྱོད་པའི་ཁྱད་པར་གྱི་ཆོ་ག་དང་གང་དུ་རབ་ཏུ་གནས་པས་རིག་པའི་སྤྱོད་པ་ལ་མངོན་པར་བརྩོན་པའི་སེམས་ཅན་གྱིས་རབ་ཏུ་སྦྱར་བར་བྱ་བ་ཡོད་དེ་དེ་གང་ཞེ་ན། འདིའི་རིག་པའི་སྔགས་ཀྱི་ཚིག་རྣམས་གསུངས་པ། ཏདྱ་ཐཱ། ཨོཾ་ཏིཥྛ་ཧ་རི་སིརྒ་ལ་ལོ་ཧི་ཏཱཀྵ།
134b5 དེ་ཧི། ད་དཱ་པ་ཡ། ཧཱུ~ཾ་ཕཊ་སྭཱ་ཧཱ། འདི་ནི་སྤྱན་རས་གཟིགས་དབང་ཕྱུག་གི་མེའི་སྙིང་པོ་སྟེ། ལས་ཐམས་ཅད་བྱེད་པ་འདོད་པ་ཐམས་ཅད་སྦྱིན་པ་བདག་ཉིད་དགོངས་སོ། །སྒྲུབ་པ་པོས་འདིས་མེ་ལ་སྦྱིན་སྲེག་བྱ་སྟེ་ལན་ཅིག་བཟླས་པའི་སྲེག་བླུགས་གསུམ་མེ
134b6 ལ་སྦྱིན་སྲེག་བྱའོ། །མེ་སྤྱན་དྲངས་པར་འགྱུར་རོ། །དེ་བཞིན་དུ་ཞི་བ་ཅན་དང་རྒྱས་པ་ཅན་དང་དྲག་པོའི་ལས་རྣམས་རབ་ཏུ་སྦྱར་བ་ལ་ཡམ་ཤིང་གི་ཤིང་རྣམ་པ་གསུམ་དུ་འགྱུར་ཏེ། ཞི་བའི་དོན་དུ་མྱ་ངན་མེད་པའི་ཤིང་རླན་དང་བཅས་པས་ཁྱད་པར་དུ་བྱས་པ་མཐོ་གང་ངམ
134b7 ཁྲུ་གང་ཙམ་མམ་སོར་གསུམ་པ་ཡང་སྒྲུབ་པ་དང་། འཇམ་ཞིང་མཉེན་པ་རབ་ཏུ་བསྔགས་པ་ནི་ཆོ་ག་འདི་བསྒྲུབ་པར་བྱའོ། །བུག་པ་མེད་ཅིང་ཁོང་སྟོང་ཡང་མ་ཡིན་པ་ནེ་ཙོའི་གཤོག་པ་འདྲ་བ་དང་། དེ་བཞིན་དུ་ལྗང་གུ་དང་། ལོ་མ་བསྐམས་པའམ། ཁ་དོག་ནག་པོ་ཡང་སྦྱིན་པར་བྱའོ། །
iiif viewer powered by OpenSeadragon
