| e-texts navigator |
| Wylie |
134a1 བྱས་ནས། ཉི་མ་གཅིག་ལ་ཐུན་གསུམ་དུ་ཡོངས་སུ་བཟླས་པ་ལན་བཅུ་གཉིས་སུ་བཟླས་པར་བྱའོ། །རྣ་བ་སོ་སོར་རྙེད་དོ། །ནད་ལ་འཕགས་པ་སྤྱན་རས་གཟིགས་དབང་ཕྱུག་ཏིང་ངེ་འཛིན་ངེས་པར་སྐྱེས་པའི་ཆོ་གས་རས་སམ་འབྲས
134a2 བུ་ཅན་ལ་ཁ་དོག་མ་འདྲེས་པའི་ཚོན་གྱིས་འདྲིར་གཞུག་པར་བྱའོ། །དེའི་སྤྱན་སྔར་མཆོད་པ་ཆེན་པོ་བྱས་ནས་སྟོང་ཕྲག་བརྒྱར་བཟླས་པར་བྱའོ། །ཀུ་ཤའི་སྟན་ལ་འོ་མ་དང་ནས་ཟན་ཟ་ཞིང་དུས་གསུམ་དུ་ཁྲུས་བྱེད་ཅིང་གཙང་མ་བགོས་པས་ཡན་ལག་བརྒྱད་ལྡན་པའི
134a3 གསོ་སྦྱོང་ཅན་གྱིས་ཚེས་གཅིག་ནས་བརྩམས་ནས་ཇི་སྲིད་གཅིག་གི་བར་དུ་བཟླས་པ་དབུལ་བར་བྱའོ། །དེ་ནས་ནད་རབ་ཏུ་ཞི་བར་འགྱུར་རོ། །སྔོན་སྤྱད་པ་བྱས་པའི་འོ་མ་དང་ནས་ཟན་ཟ་བའམ་བ་ལང་གི་གཅིན་དང་ནས་ཟན་ཟ་བས་དུས་གསུམ་དུ་ཁྲུས་བྱ་ཞིང་གསོ་སྦྱོང་ཅན
134a4 གྱིས་རིང་བསྲེལ་དང་བཅས་པའི་མཆོད་རྟེན་དུ་རས་རིས་བཞུགས་ནས་མར་མེ་བརྒྱད་སོ་སོར་སྦར་ཏེ་པདྨ་སྟོང་གིས་མཆོད་པར་བྱའོ། །ནག་པོའི་ཕྱོགས་ལ་བཟླས་པར་བྱའོ། །དཀར་པོའི་ཚེས་གཅིག་ནས་བསྒྲུབ་པར་བྱའོ། །ཟླ་བ་ཉ་ལ་མཚན་མོ་གསུམ་དུ་སྨྱུང་བར
134a5 གནས་པས་མཆོད་པ་རྒྱ་ཆེན་པོ་བྱས་ཏེ། མཚན་ཐོག་ཐག་ཏུ་བཟླས་པ་བྱའོ། །གལ་ཏེ་རྒྱལ་པོར་གྱུར་ན། སྒྲུབ་པ་པོའི་ཁང་པ་འབར་བར་བྱེད་ཅིང་མེ་ཏོག་གི་ཆུན་བུ་གཡོ་བར་བྱེད་ན་དཀྱིལ་འཁོར་བའི་རྒྱལ་པོར་འགྱུར་རོ། །རས་རིས་ཀྱི་སྤྱན་སྔར་ཙནྡན་དཀར་པོས་དཀྱིལ
134a6 འཁོར་བྱས་ནས་དྲི་དང་། མེ་ཏོག་དང་བདུག་པ་ལ་སོགས་པ་དང་གཏོར་མ་ཡང་ཕུལ་ནས་མེ་ཏོག་གི་གེ་སར་བརྒྱ་ཕྲག་གསུམ་བླངས་ཏེ་བརྒྱད་བརྒྱར་མངོན་པར་བསྔགས་པར་བྱས་ནས་མར་གྱི་མར་མེ་གསུམ་སྦར་ཏེ་ཨུ་དུམ་བཱ་རའི་ཡམ་ཤིང་གིས་མེ་རབ་ཏུ་སྦར་ནས་མེ་ཏོག་རེ་རེ་ལ་བརྒྱད
134a7 བརྒྱར་མངོན་པར་བསྔགས་པར་བྱས་ནས་མར་གྱིས་བྱུགས་ཏེ་སྦྱིན་སྲེག་བྱའོ། །གང་འདོད་པ་དེ་དབང་དུ་འགྱུར་རོ། །མཚན་མོ་བདུན་དུ་དུས་གསུམ་དུ་ཡོངས་སུ་བཟླས་པར་བྱེད་ན་དེའི་མཚམས་མེད་པ་ལྔ་བསྲབས་པར་འགྱུར་རོ། །ཉི་མ་སོ་སོར་བརྒྱད་བརྒྱར་ཟློས་པར་བྱེད་ན
iiif viewer powered by OpenSeadragon
