| e-texts navigator |
| Wylie |
133b1 འཕུར་བའི་རིག་པ་འཛིན་པར་འགྱུར་རོ། །འདོད་པའི་གཟུགས་ཅན་དཔག་ཚད་སྟོང་ནས་མཐོང་བར་བྱེད་ཅིང་ཐོས་པར་བྱེད་དོ། །རིག་པ་འཛིན་པ་ཐམས་ཅད་ཀྱིས་གནོད་པ་མེད་དོ། །སྔོན་སྤྱད་པ་བྱས་པས་ནག་པོའི་བཅུ་བཞི་ལ་ཉིན་མཚན་དུ་སྨྱུང་བར་གནས་པས་མཆོད་པ
133b2 རྒྱ་ཆེན་པོ་བྱས་ནས་མ་ཉམས་པའི་ལུས་བླངས་ཏེ་དྲི་དང་མེ་ཏོག་དང་བདུག་པས་མངོན་པར་མཆོད་ནས་ལག་པ་གཡས་པས་བྱིན་ཏེ་ཇི་སྲིད་དུ་འབར་བ་དེ་སྲིད་དུ་བཟླས་པར་བྱའོ། །འབར་བ་ཙམ་གྱིས་རིག་པ་འཛིན་པ་སྟོང་གིས་ཡོངས་སུ་བསྐོར་ཏེ་ནམ་མཁའི་མཐིལ་དུ་འཕུར་བར་བྱེད་དོ། །
133b3 ལོ་བརྒྱད་གཉིས་ལོན་པའི་རྣམ་པ་སྐྲ་ལི་ཞིང་འཁྱིལ་བ་རིག་པ་འཛིན་པ་ཐམས་ཅད་ཀྱིས་གནོད་པ་མེད་པའོ། །འབེབས་པ་ལ་འདུག་པས་སོ། །དུག་འཇོམས་པ་ལ་ཡལ་འདབ་ཀྱིས་སོ། །བདག་ཉིད་སྲུང་བ་ལ་བཟླས་པས་སོ། །དཀར་པོའི་བཅུ་བཞི་པ་ནས་བརྩམས
133b4 ཏེ་ཇི་སྲིད་ལྔའི་བར་དུ་གཟུགས་བརྙན་གྱི་སྤྱན་སྔར་གསོ་སྦྱོང་ཅན་གྱིས་དག་པ་གོས་གཙང་མ་བགོས་པས་བཟླས་པར་བྱའོ། །གང་འདོད་པ་དེ་ཐོབ་པར་བྱེད་དོ། །མར་ལ་བརྒྱད་བརྒྱར་མངོན་པར་བསྔགས་པར་བྱས་ནས་འཐུངས་ཤིག་།ཉི་མ་བདུན་གྱིས་ཡིད་གཞུངས
133b5 པར་འགྱུར་རོ། །རས་རིས་ཀྱི་སྤྱན་སྔར་མལླི་ཀའི་མེ་ཏོག་སྟོང་ཕྲག་བརྒྱད་སྦྱིན་སྲེག་གྱིས་ཤིག་།མཚན་མོ་བདུན་ལ་རྫས་སྐྱེ་བར་འགྱུར་རོ། །དཀར་པོའི་བཅུ་བཞི་ལ་མཚན་མོ་གསུམ་དུ་སྨྱུང་བར་གནས་པས། ཨུ་དུམ་བཱ་རའི་ཤིང་གིས་མེ་རབ་ཏུ་སྦར་ནས། ཨུ་དུམ་བཱ་རའི
133b6 ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྟོང་ཕྲག་བརྒྱད་སྦྱིན་སྲེག་གྱིས་ཤིག་། དོང་ཙེ་ལྔ་བརྒྱ་རྙེད་དོ། །ནག་པོའི་བཅུ་བཞི་པ་ལ་གསོ་སྦྱོང་ཅན་གྱིས་མར་མེ་སྟོང་ཕྲག་བརྒྱད་སྦར་ནས་མར་མེ་འཁྱིལ་པ་སྟོང་ཕྲག་བརྒྱད་སྦྱིན་སྲེག་གྱིས་ཤིག་།ཕྱི་ནས་བཟླས་པ
133b7 དབུལ་བར་བྱའོ། །དེ་ནས་མིག་ཐོབ་པར་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པའི་གླེགས་བམ་རིང་བསྲེལ་དང་བཅས་པའི་མཆོད་རྟེན་དུ་བཞུགས་ནས་སྟོང་ཕྲག་བརྒྱད་མངོན་པར་བསྔགས་པ་བྱས་ཏེ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་བྱ་བ
iiif viewer powered by OpenSeadragon
