| e-texts navigator |
| Wylie |
12a1 མི་འཇིགས་པ་རབ་ཏུ་སྦྱིན་པ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་བསྒོམས་ནས། བཅོམ་ལྡན་འདས་མའི
12a2 རྟོག་པའི་རྒྱལ་པོ་ཆེན་པོར་ཨོ~ཾ་ཡིག་རབ་ཏུ་འབྱུང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷྱཱ་སྱ་ཏ་ཐཱ་ག་ཏཱ་ཡ། ཨཪྷ་ཏེ། སམྱཀྶཾ་བུདྡྷ་སྱ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ།
12a3 ཏདྱ་ཐཱ། ཨ་མུཀྟེ། ཨ་མུཀྟེ། ཙཙྪ་ད་ནེ། མཱ་དྷེ་ནི་མཱ་དྷེ་ནི། སུ་རུ་དྷི། རུ་ཏ་མཱ་ཡ། དྷ་རཱི། ཧུ་ཧུ། ཧུ་ཧུ། མ་ཐ་མ་ཐ་མ་ཐ། ཨོ~ཾ་ར་པྲ་མུ་ཁ། པཱ་ལ་པཱ་ལ། མ་ཧཱ་པཱ་རི་པཱ་ལ། ཏེ་ཛ། ན་མ་སྟུ་ཏེ། སརྦ་དུཥྚ་ཏྭཾ་བཱ་སི་སཱ་ཏཱ་ཎི་མཱ་ནེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ
12a4 སྟེ། འཁོར་བའི་སྣ་ཐག་གྲོལ་བར་བྱེད་པ་ཞེས་བྱ་བ་རིག་པའི་རྒྱལ་པོ་ཆེན་པོ་གང་འདི་རྟག་ཏུ་དྲན་པར་བྱེད་ན་འཁོར་བར་ཡུན་རིང་དུ་མི་འཁོར་རོ། །བཟླས་པ་ཉིད་ཀྱིས་མཚམས་མེད་པ་ལྔ་པོ་རྣམས་རྣམ་པར་སྦྱོང་བར་བྱེད་དོ། །དེ་ནས་འདིའི་སྒྲུབ་ཐབས་ཀྱི་ཆོ་ག་ནི་སྔར་བརྗོད་པའི
12a5 རས་ལ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་ནམ་མཁའ་ལ་འགྲོ་བ། ཀུན་ནས་འོད་འབར་བ། པདྨ་ཕྱག་ན་བསྣམས་པ། གཡས་པར་མི་འཇིགས་པ་སྦྱིན་པའོ། །སྒྲུབ་པ་པོ་ཡང་དག་པའི་ལུས་ཀྱི་མགོ་བོས་བདུག་པ་སྲེག་པ་ཆ་བྱད་དང་རྣམ
12a6 པ་ཇི་ལྟ་བ་བཞིན་འདྲིར་གཞུག་པར་བྱའོ། །དེ་ནས་རས་རིས་དེ་སྔར་བརྗོད་པའི་གནས་སུ་བཞུགས་ནས་དྲི་དང་། མེ་ཏོག་དང་། བདུག་པ་ལ་སོགས་པ་འདི་ཉིད་ཀྱིས་ཕུལ་ལ་འབུམ་ཕྲག་གསུམ་བཟླས་པར་བྱའོ། །སྔོན་དུ་བསྙེན་པ་བྱས་པར་འགྱུར་རོ། །མཚམས་མེད
12a7 པ་ལྔ་པོ་རྣམས་རྣམ་པར་སྦྱོང་བར་བྱེད་དོ། །འབུམ་ཕྲག་དྲུག་བཟླས་པས་དམ་བཅས་པ་རྙེད་པར་འགྱུར་རོ། །གདུག་པ་ཤ་ཟ་དང་སྲིན་པོ་རྣམས་འཆིང་བར་འདོད་ན་ཀུ་ཤའི་སྣ་ཐག་གིས་བསྐོར་ནས་སྟོང་ཕྲག་བརྒྱད་མངོན་པར་བསྔགས་ཏེ་གདུག་པ་གང་ན་གནས་པའི
iiif viewer powered by OpenSeadragon
