| e-texts navigator |
| Wylie |
11b1 བ་བླ་ལས་འཕགས་པ་སྤྱན་རས་གཟིགས་དབང་ཕྱུག་བྲི་བར་བྱའོ། །དེའི་སྤྱན་སྔར་མར་གྱིས་བཏགས་པའི་འོ་ཐུག་གི་སྦྱིན་སྲེག་ཇི་སྲིད་འབུམ་ཕྲག་གཅིག་བྱས་ན་གནས་ཐམས་ཅད་དུ་ཟས་གོས་རྙེད་དོ། །འདི་ནི་དངུལ་སྦྱིན་པར་འགྱུར་ཏེ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ
11b2 ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཛྭ་ལ་ཛྭ་ལ་པྲ་ཛྭ་ལ། བྷ་ན་གྷ་ན། ཧ་ཊཱ་ཡ། སཱ་ད་ཡ། སཱ་ད་ཡ། ཨེ་ཧི་ཨེ་ཧི། ཕུ་ཕུ་ཕུ་ཕུ། གྷུ་གྷུ། ཕུ་ར་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་དངུལ་སྦྱིན་པའི་སྔགས
11b3 ཏེ། འདིའི་ཆོ་ག་ནི། གུར་གུམ་གྱིས་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། དེའི་སྤྱན་སྔར་ཞོ་དང་། སྦྲང་རྩི་དང་། སྦྲང་རྩི་མར་གྱིས་བཏགས་པའི་ནཱ་ག་གེ་སར་གྱི་སྦྱིན་སྲེག་འབུམ་བྱས་ན་དངུལ་བརྒྱ་རྙེད་པར་འགྱུར་རོ། །ཡང་འདིར
11b4 གསེར་རབ་ཏུ་སྦྱིན་པའི་སྔགས་ནི། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་བྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ག་རུ་རུ་ཕ་ར་བ་ར། བ་རི་ལི་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་སྟེ་གསེར་སྦྱིན་པའི་སྔགས་སོ། །
11b5 འདིའི་ཆོ་ག་ནི་རིང་བསྲེལ་དང་བཅས་པའི་མཆོད་རྟེན་ལ་མལླི་ཀའི་མེ་ཏོག་རེ་རེ་ལ་ཡོངས་སུ་བཟླས་ནས་མཆོད་རྟེན་གྱི་དྲུང་དུ་གཏོར་བར་བྱའོ། །ཐུན་གསུམ་དུ་སྟོང་ཕྲག་བརྒྱད་གཏོར་ན་ཟླ་བའི་ནང་དུ་གསེར་བརྒྱ་རྙེད་དོ། །རས་རིས་ཀྱི་ཆོ་གར་འགྱུར་བ་ནི་རས་ལ་བཅོམ
11b6 ལྡན་འདས་འཕགས་པ་སྤྱན་རས་གཟིགས་དབང་ཕྱུག་རལ་པ་གྱེན་དུ་བརྫེས་པ། ཕྱག་ན་སྤྱི་བླུགས་བསྣམས་པ། པདྨའི་གདན་ལ་བཞུགས་པ་འདྲིར་གཞུག་པར་བྱའོ། །རས་རིས་ངེས་གྲོང་ངམ་དགོན་པར་ཨ་ཤྭ་ཏྠའི་ཤིང་གི་འོག་ཏུ་གཙང་མའི་ཕྱོགས་སུ་བཞུགས་ནས་སྲ་རྩི
11b7 པོག་གི་སྲེག་བླུགས་འབུམ་ཕྲག་བདུན་སྦྱིན་སྲེག་བྱས་ན་བཅོམ་ལྡན་འདས་ཀྱིས་མྱུར་དུ་རྒྱལ་སྲིད་སྩོལ་བར་འགྱུར་རོ། །ཞེས་པ་དེ་རྣམས་ལྔ་པོ་ཙམ་ནི་བཅོམ་ལྡན་འདས་མ་སྒྲོལ་མའི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ
iiif viewer powered by OpenSeadragon
