| e-texts navigator |
| Wylie |
10b1 ནེ། ཏེ་ཛོ་བ་དྷ་ནི་ཧ་ར་ཧ་ར་ཨ་མུ་ཀཾ་མེ་བ་ས་མཱ་གཙྪ་ཏུ་ར་མ་ནི། བི་ར་མ་ཎི། བི་ར་བཱ་སི། མི་ནི་སཽ། ཏ་མུ་ཏ་ཁེ་པཱ་ཏི་བརྞ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་དང་བཅས་པ་དཔའ་བོ་དང་ལྡན་མ་ཞེས་བྱ་བའི་རིག་པའི་རྒྱལ་མོ་ཆེན་མོ་སེམས་ཅན་ཐམས་ཅད་རྗེས་སུ་སྲུང
10b2 བར་བྱེད་པ། རྒྱལ་བ་མཆོག་གི་སྲས་རྣམས་ཀྱི་གང་དཔའ་བ་དང་ལྡན་པའི་རིག་པ་འདི་རྟག་ཏུ་དྲན་པ་དེ་ནོར་གྱི་དངོས་གྲུབ་ངེས་པར་དེའི་བརྩོན་པ་དང་བཅས་པ་དང་། དེའི་འདོད་པ་ལས་འགྲུབ་བོ། །འདིའི་སྒྲུབ་ཐབས་ཀྱི་ཆོ་གར་འགྱུར་ཏེ། བཅོམ་ལྡན་འདས་འཕགས
10b3 པ་སྤྱན་རས་གཟིགས་དབང་ཕྱུག་གི་ཝང་གིས་འདྲིར་གཞུག་པར་བྱ་སྟེ། པདྨའི་གདན་ལ་ཕྱག་ན་པདྨ་སྟེ། གཡས་པས་མི་འཇིགས་པ་སྦྱིན་པ། རྒྱན་ཐམས་ཅད་ཀྱིས་རྣམ་པར་བརྒྱན་པའོ། །དེའི་གཡས་སུ་སྒྲུབ་པ་པོ་སྟེ་སྔར་བཞིན་ནོ། །རས་རིས་དེ
10b4 རིང་བསྲེལ་དང་བཅས་པའི་མཆོད་རྟེན་ལ་དྲི་དང་བདུག་པ་དང་། ཕྲེང་བ་ཕུལ་ནས་ཉིན་མཚན་དུ་སྨྱུང་བར་གནས་པར་ཟླ་བ་ཉ་བ་ལ་འོ་ཐུག་གི་ཁམ་ཕོར་བཅུ་གཉིས་ཕུལ་ནས་ཨ་ག་རུའི་བདུག་སྤོས་དབུལ་ལོ། །དེ་ནས་ཀུ་ཤའི་ཁྲེས་ལ་འདུག་སྟེ་སྟོང་རྩ་བརྒྱད་བཟླས་པར
10b5 བྱའོ། །སྔོན་དུ་བསྙེན་པ་བྱས་པར་འགྱུར་རོ། །ལས་ཐམས་ཅད་ཀྱི་དངོས་གྲུབ་ནི་འདི་ཉིད་ཀྱི་ཆོ་གས་འབུམ་བཟླས་པར་བྱའོ། །ཕྱི་ནས་རས་རིས་ཀྱི་སྤྱན་སྔར་དཀྱིལ་འཁོར་ཉེ་བར་བྱུགས་ཏེ་སྣ་མའི་མེ་ཏོག་རེ་རེ་ལ་ཡོངས་སུ་བཟླས་ནས་དཀྱིལ་འཁོར་དུ་གཏོར་བར་བྱའོ། །
10b6 དེ་ལྟ་བུ་ཉི་མ་བདུན་དུ་ཐུན་གསུམ་དུ་ཇི་སྲིད་སྟོང་རྩ་བརྒྱད་བྱས་ན་ཉི་མ་བདུན་པ་ལ་གང་འདོད་པ་དེ་དབང་དུ་འགྱུར་རོ། །རས་རིས་ཀྱི་སྤྱན་སྔར་ཨ་ག་རུ་ནག་པོ་འབུམ་ཕྲག་གསུམ་སྦྱིན་སྲེག་བྱས་ན་རྒྱལ་སྲིད་རྙེད་དོ། །མ་གྲུབ་ན་གྲོང་ངོ་། །བཅོམ་ལྡན་འདས་མ་འཕགས
10b7 མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་དཔའ་བོ་ལྡན་མ་ཞེས་བྱ་བའི་རིག་པའི་རྒྱལ་མོ་ཆེན་མོ་ཡོངས་སུ་རྫོགས་སོ། ། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན
iiif viewer powered by OpenSeadragon
