| e-texts navigator |
| Wylie |
10a1 གཅིག་གི་འོག་ཏུ་བུམ་པ་ཙམ་གྱི་མཆོད་རྟེན་བྱས་ནས་དེའི་སྤྱན་སྔར་ཨ་ག་རུ་འབུམ་གྱིས་སྦྱིན་སྲེག་བྱའོ། །གང་གི་དོན་དུ་སྦྱིན་སྲེག་བྱས་པ་དེའི་མཆོག་རྙེད་དོ། །རྒྱལ་པོའམ། རྒྱལ་པོའི་བློན་པོ་དབང་དུ་བྱ་བར་འདོད་པས་མཆོད་རྟེན
10a2 གྱི་སྤྱན་སྔར་ལན་ཚྭའི་གཟུགས་བརྙན་གྱི་གཟུགས་བརྙན་བྱས་ནས་པ་ལཱ་ཤའི་མེ་ལ་ཉི་མ་གསུམ་ལ་ལན་བདུན་ཐུན་མཚམས་གསུམ་དུ་སྦྱིན་སྲེག་བྱས་ན་དབང་དུ་འགྱུར་རོ། །བུད་མེད་དབང་དུ་བྱ་བར་འདོད་ན་ཐང་གི་ཕྱོགས་སུ་ཡུངས་ཀར་ཁྲག་གིས་བཏགས་པ
10a3 རྣམས་སེང་ལྡེང་གི་མེ་ལ་ཡུངས་ཀར་དང་སེང་ལྡེང་བཏགས་པ་རྣམས་ཀྱི་ཉི་མ་གསུམ་དུ་ཐུན་མཚམས་གསུམ་དུ་སྟོང་རྩ་བརྒྱད་སྦྱིན་སྲེག་བྱས་ན་དབང་དུ་འགྱུར་རོ། །རྒྱ་མཚོར་འགྲོ་བའི་ཆུ་ཀླུང་གི་བྱེ་མ་ལ་མཆོད་རྟེན་སོར་བཞི་ཙམ་མམ། མཐོ་གང་ཙམ་མམ།
10a4 བདེ་བར་གཤེགས་པའི་མཐོ་གང་གི་ཚད་ཙམ་པ་བརྒྱད་ལྷག་པའི་སྟོང་བྱས་ལ་སྲོག་ཤིང་ཕུལ་ཏེ་མཆོད་པ་ལ་སོགས་པའི་ཚོགས་རེ་རེའི་སྤྱན་སྔར་སྟོང་རྩ་བརྒྱད་བཟླས་པར་བྱ་སྟེ། ཇི་སྲིད་སྟོང་རྩ་བརྒྱད་གནས་པ་ན་དོང་ཙེ་སྟོང་སྟོང་རྙེད་པར་འགྱུར་རོ། །རྒྱ་མཚོའི
10a5 ངོགས་སུ་མཆོད་རྟེན་རེ་རེའི་སྤྱན་སྔར་ཆོ་ག་སྔོན་དུ་འགྲོ་བས་སྟོང་ཕྲག་བརྒྱ་བཟླས་ན་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་མཐོང་སྟེ། མཆོག་ཅི་འདོད་པ་དེ་སྩོལ་བར་མཛད་ཅིང་གང་ཚོལ་བ་དེ་རྙེད་དོ། །བཅོམ་ལྡན་འདས་མ་འཕགས་མ
10a6 སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་བདེ་བ་ཅན་གྱི་བཀོད་པ་ཞེས་བྱ་བའི་རིག་པའི་རྒྱལ་པོ་ཆེན་པོ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཏིང་ངེ་འཛིན་དེ་ཉིད་སྒོམ་བཞིན
10a7 དུ་བཅོམ་ལྡན་འདས་མའི་རྟོག་པའི་རྒྱལ་པོ་ཆེན་པོར་དཔའ་བོ་ལྡན་མ་ཞེས་བྱ་བ་རིག་པའི་རྒྱལ་པོ་གསུངས་སོ། ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཤི་རི་བི་སི་རི་སྨྲྀ་ཏི་བ་ཙ
iiif viewer powered by OpenSeadragon
