| e-texts navigator |
| Wylie |
102b1 འཁོར་གྱི་སློབ་དཔོན་ལ་ཕུལ་བ་དང་། བླ་མ་དམ་པ་སྦྱིན་པའི་འོས་སུ་གྱུར་པ་ལ་བདག་ཉིད་ཤེས་པ་མེད་དོ་ཞེས་མ་ཞུམ་པ་དང་ལྡན་པས་རྟོགས་པ་ཡང་མེད་ཅིང་མཐོང་བ་ཡང་མེད་པར་ལས་ཆེན་པོའི་སྒྲུབ་པ་རྣམས་ཤེས་པར་བྱེད་པ་བསོད་ནམས་མ་ཡིན་པ་སྨྲ་བ་ཚུལ་ཁྲིམས་འཆལ་པའམ།
102b2 དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་ཡང་རུང་སྟེ་རང་གི་བསླབ་པའི་མཚམས་ཞིག་པ། ཕམ་པར་གྱུར་པའི་ལྟུང་བ་ལ་ཞུགས་པའམ། བྱང་ཆུབ་ཀྱི་སེམས་དང་བྲལ་བའམ། མཚམས་མེད་པ་བྱས་པའམ། སློབ་དཔོན་ལ་བརྙས་པའམ། མཆོད
102b3 རྟེན་གྱི་གནས་ལ་རྡོག་པས་བརྫིས་པའམ། སློབ་དཔོན་གྱི་གྲིབ་མ་ལ་འགོམ་པར་བྱེད་པའམ། ཐེག་པ་ཆེན་པོ་ལ་ཡང་བརྙས་པ་དང་། བྱང་ཆུབ་སེམས་དཔའ་རྣམས་ལ་སྡང་བར་གྱུར་པའམ། ལྷ་ཐམས་ཅད་ལ་བརྙས་པ་སྟེ། ཉེས་པ་འདི་རྣམས་ཀྱིས་ལས་གཞན
102b4 བྱས་པ་དེ་ཡང་དག་པར་བྱས་པ་མ་ཡིན་རྣམ་པ་གཞན་དུ་བྱས་པར་འགྱུར་ཏེ། དེ་དངོས་གྲུབ་དང་བྲལ་བ་ནི་དེ་ཉིད་ཀྱི་ཆོ་ག་ལས་འདས་པའི་ཕྱིར་རོ། །གང་ལ་ལ་འདི་རྣམས་བྱེད་པ་དེའི་དངོས་གྲུབ་དེ་སྐད་ཅིག་མ་གཅིག་ལ་འཇིགས་པར་བྱེད་དེ་རིག་པ་ཅུང་ཟད་བཟླས་པ་ནི་དུས་གཞན
102b5 དུ་ཀུན་ཏུ་གནས་ཏེ་གང་ཡང་སྒྲུབ་པའི་དུས་ཅན་གྱི་དངོས་གྲུབ་མ་ཡིན་པ་དེ་འདིར་འགྱུར་རོ། །སླར་ཡང་རིག་པ་འཛིན་པ་གང་ཞིག་གསང་བའི་སྒྲུབ་པའི་ཆོ་གས་རྒྱལ་པོའི་རྐང་རྗེས་ཀྱིས་ལ་བར་སྐབས་འདིར་བརྒྱད་བརྒྱའམ། ལྔ་བརྒྱར་སྲེག་བླུགས་མར་གྱིས་བཏགས་པའི་སྦྱིན
102b6 སྲེག་བྱེད་དོ། །དེ་ཉིད་དུ་ཐམས་ཅད་དུ་བྱེད་པའི་རྒྱལ་པོ་ཇི་སྲིད་འཚོའི་བར་དུ་དབང་དུ་འགྱུར་རོ། །འཁོར་ལོས་སྒྱུར་བ་ལ་ཡང་ཇི་སྐད་གསུངས་པའི་དུས་ཀྱི་སྒྲུབ་པ་བྱེད་པ་ལ་ངེས་པར་དངོས་གྲུབ་མེད་པར་མི་འགྱུར་ཏེ་དངོས་གྲུབ་ཉམས་པར་ཡང་མི་འགྱུར་རོ། །དེ་ནས་ཡང
102b7 སེམས་དཔའ་ཆེན་པོ་སྟོང་ཕྲག་བརྒྱད་ཅི་ཡང་མི་གསུང་བར་གནས་པར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་སྐྱེ་བོ་དུ་མའི་ནང་དུ་ལྷུང་བ་དགེ་བའི་སྤྱོད་པའི་མཆོད་པ་ཆུང་ངུ་དེ
iiif viewer powered by OpenSeadragon
