| e-texts navigator |
| Wylie |
101a1 ལག་པ་གཡོན་པས་གཏུབ་ཅིང་གཏུབ་ཅིང་སྦྱིན་སྲེག་བྱའོ། །ཆོ་ག་གཞན་ནི་རྒྱ་མཚོའི་ལན་ཚྭ་དང་། ནས་དང་གྲོ་རྣམས་གཅིག་ཏུ་བཏགས་པ་སྲང་སུམ་ཅུ་པས་གཟུགས་བརྙན་བྱས་ནས་དེའི་ཁར་ཚ་བ་གསུམ་གྱིས་བཀང་ནས་ཟངས་ཀྱི་ཐུར་མ་དུ་སྟི་རའི་མེ་ལ་བཟླས
101a2 པ་བྱས་ནས་རྐང་པའི་འོག་ནས་ཕུག་སྟེ་སྤྱི་བོར་འཐོན་པར་བྱེད་དོ། །དེ་ནས་མགོ་བོའི་གཡས་བཞག་སྟེ་པ་ལཱ་ཤའི་འདབ་མ་ལ་རང་གི་རལ་གྲིའི་སོས་བཅད་ནས་ཇི་ལྟར་འདོད་པའི་དུས་ཚོད་ལ་སེང་ལྡེང་གི་མེར་ལག་པ་གཡས་པས་སྦྱིན་སྲེག་སྟོང་ཕྲག་བརྒྱད་བྱའོ། །ཟླ་བ་གཅིག་ལ
101a3 རྒྱལ་པོ་ཇི་སྲིད་འཚོའི་བར་དུ་དབང་དུ་འགྱུར་རོ། །ཞེས་པ་འདི་རྣམས་ནི་སོ་གའི་དུས་ཀྱི་སྒྲུབ་ཐབས་སུ་འགྱུར་བ་རྣམས་སོ། །ཡང་འདིའི་དབྱར་གྱི་ལས་རྣམས་འབྱུང་བར་འགྱུར་ཏེ། དབྱར་གྱི་དུས་ཚོད་ལ་ངེས་པར་སྒྲུབ་པར་བྱེད་དོ། །པུ་ཤེལ་ཙེ་དང་། བཱ་ལ་ཀཾ་དང་། སཽ་བ་ཙ
101a4 ལ་དང་། ལན་ཚྭ་དང་གཟུགས་བརྙན་གཅིག་ཏུ་བྱས་པ་ལ་ནམ་མཁའི་ཆུས་བཏགས་ནས་སྲང་ཉི་ཤུ་རྩ་ལྔས་རྒྱལ་པོའི་གཟུགས་བརྙན་བྱས་ནས་གཡས་པ་ནས་བརྩམས་ཏེ་ལག་པ་གཡས་པས་རལ་གྲི་རྣོན་པོས་གཏུབ་ཅིང་གཏུབ་ཅིང་པ་ལཱ་ཤའི་མེ་ལ་སྦྱིན་སྲེག་སྟོང་ཕྲག་བརྒྱད
101a5 བྱའོ། །ཉི་མ་སོ་སོར་ཇི་ལྟར་འདོད་པའི་ཐུན་མཚམས་ལའོ། །ཟླ་བ་གཅིག་ཏུའོ། །རྒྱལ་པོ་དབང་དུ་འགྱུར་རོ། །འདི་ནི་ཆོ་ག་གཞན་ཏེ་པུ་ཤེལ་ཙེ་དང་། པྲི་ཡང་ཀུ་དང་། ཊཱཾ་པ་ཎ་དང་། འགྱུར་བྱེད་རྣམས་གཅིག་ཏུ་བྱས་ཏེ་ནམ་མཁའི་ཆུས་བཏགས་ནས་སྲང་སུམ་ཅུ་པའི
101a6 རྒྱལ་པོའི་གཟུགས་བརྙན་བྱ་སྟེ། མགོ་བོ་ནས་བརྩམས་ནས་ལག་པ་གཡས་པས་རལ་གྲི་རྣོན་པོས་གཏུབ་ཅིང་གཏུབ་ཅིང་དོང་ཀའི་ཤིང་གིས་མེ་སྦར་ནས་ཟླ་བ་གཅིག་ཏུ་ཉི་མ་སོ་སོར་ཇི་ལྟར་འདོད་པའི་ཐུན་མཚམས་ལ་སྦྱིན་སྲེག་སྟོང་ཕྲག་བརྒྱད་བྱའོ། །འདི་ནི་ངེས་པར་མངག
101a7 གཞུག་པ་བཞིན་དུ་ཀུན་ཏུ་སྤྱོད་དོ། །འདི་ནི་ཆོ་ག་གཞན་ཏེ། སརྫི་ཀ་དང་། འོ་མ་དང་། ནས་ཀྱི་འགྱུར་བྱ་དང་། ཤུ་དག་དང་། སྲན་མ་མཱ་ཤ་དང་། ཏིལ་རྣམས་གཅིག་ཏུ་བསྲེས་ནས་ལུས་ཀྱི་ཆུས་བཏགས་ཏེ་མི་བདག་གི་གཟུགས་བརྙན་སྲང་སུམ་ཅུ་པ་བྱས་ཏེ། ཨ་མྲའི
iiif viewer powered by OpenSeadragon
