| e-texts navigator |
| Wylie |
100b1 ཕྲག་བརྒྱད་བྱའོ། །ལས་འདི་ནི་ལག་པ་གཡས་པས་སྲེག་བླུགས་དབུལ་ཞིང་གཡོགས་ཀྱང་ངོ་། །ཟླ་བ་གཅིག་ཙམ་ལ་རྒྱལ་པོ་འབངས་བཞིན་དུ་བཀའ་བསྒོ་བ་བྱེད་པར་འགྱུར་རོ། །ཆོ་ག་གཞན་ནི་ས་ལ་མ་ལྷུང་བའི་བ་བྱུང་ཚྭ་དང་ཡང་དག་པར་བསྲེས་ནས་བཏགས་པར་བྱའོ། །
100b2 དེ་ནས་སྲང་ཉི་ཤུ་རྩ་ལྔས་གཟུགས་བརྙན་བྱས་ནས་ཕྱི་དྲོའི་དུས་ཚོད་ལ་ཡང་དག་པར་ཤེས་པས་གཟུགས་བརྙན་སོ་སོ་རེ་རེ་པ་ལཱ་ཤའི་མེ་ལ་གཟུགས་བརྙན་གྱི་རྐང་པ་གཡས་པ་ནས་བརྩམས་ཏེ་མཚོན་རྣོན་པོས་གཏུབ་ཅིང་གཏུབ་ཅིང་སྦྱིན་སྲེག་བརྒྱད་བརྒྱའོ། །ལས་ལྷག་མ་འདི་ནི
100b3 དང་པོ་དང་མཚུངས་པར་དེ་ཡང་ཟླ་བ་ཙམ་ལ་རྒྱལ་པོ་བཀའ་བསྒོ་བ་རྗེས་སུ་སྒྲུབ་པར་བྱེད་པ་ཅི་བགྱིད་འགྱུར་རོ། །ཆོ་ག་གཞན་ནི་བ་ལང་གི་གཅིན་དང་གནས་དང་། གྲོག་མཁར་གྱི་ས་དང་སྦྲང་རྩི་མཉམ་པར་འགྲོ་བ་ཡིས། སྲང་ཉི་ཤུ་ཆའི་གཟུགས་བརྙན་བསྐྱེད་ནས་ཟླ་བ་གཅིག
100b4 ཏུ་ཉི་མ་སོ་སོ་ལ་ལན་གསུམ་དུ་ཉི་མ་གུང་ལ་ཤིང་གི་རྒྱལ་པོའི་སྲེག་ཟ་རྣམ་པར་གནས་པ་ལ་གཟུགས་བརྙན་གྱི་རྐང་པ་གཡས་པ་ནས་བརྩམས་ནས་རལ་གྲི་རྣོན་པོས་གཏུབ་ཅིང་གཏུབ་ཅིང་སྦྱིན་སྲེག་སྟོང་ཕྲག་བརྒྱད་བྱའོ། །འབངས་བཞིན་དུ་འགྱུར་རོ་ཞེས་སྒྲུབ་ཐབས་འདི
100b5 རྣམས་ནི་དུས་ཐམས་ཅད་སྟོན་དང་། དཔྱིད་དང་། སོ་ག་དང་། དགུན་གྱི་དུས་ཚོད་ལ་ཡང་རབ་ཏུ་སྦྱར་ན་མཚུངས་པ་མེད་པའི་ནོར་ཆེན་པོ་འདི་རྣམས་རྟག་ཏུ་ངེས་པར་ཐོབ་བོ། །དེ་ནས་སོ་གའི་སྒྲུབ་པ་འབྱུང་སྟེ། རིགས་དང་ཁ་དེག་མཐུན་པའི་ཞོ་དང་མར་ལྷན་ཅིག་པ
100b6 ཀ་ཨ་ར་བཱི་རའི་མེ་ཏོག་དང་གཅིག་ཏུ་བྱས་ཏེ་བཏགས་ནས་སྲང་སུམ་ཅུའི་ཚད་ཀྱིས་གཟུགས་བརྙན་བྱས་ནས་ཉི་མ་སྔ་དྲོ་འམ་ཕྱི་དྲོ་པ་ལཱ་ཤའི་ཡམ་ཤིང་གིས་མེ་སྦར་ནས་གཟུགས་བརྙན་གྱི་གཡས་ཀྱི་མགོར་བཞག་ནས་རྐང་པ་གཡས་པ་ནས་བརྩམས་ཏེ་ལག་པ་གཡས་པས་རལ་གྲི་རྣོན
100b7 པོས་གཏུབ་ཅིང་གཏུབ་ཅིང་སྦྱིན་སྲེག་སྟོང་ཕྲག་བརྒྱད་བྱའོ། །ཟླ་བ་གཅིག་ལ་རྒྱལ་པོ་དབང་དུ་འགྱུར་རོ། །ཆོ་ག་གཞན་ནི་ཡུངས་ཀར་དཀར་པོ་དང་། གུར་གུམ་བསྲེས་ཏེ་ལེགས་པར་བཏགས་ལ་སྲད་བུ་བཅུ་པ་བྱས་ནས་འདི་འདིའི་ལྷག་མ་སྔར་བཞིན་ནོ། །འདི་ལ་ཁྱད་ནི
iiif viewer powered by OpenSeadragon
