| e-texts navigator |
| Wylie |
100a1 སེང་ལྡེང་ཀོ་བི་དཱ་རའི་ཤིང་གིས་མེ་རབ་ཏུ་སྦར་ནས་མགོ་བོ་ནས་བརྩམས་ཏེ་རལ་གྲིས་གཏུབ་ཅིང་གཏུབ་ཅིང་ཟླ་བ་གཅིག་ཏུ་སྦྱིན་སྲེག་སྟོང་ཕྲག་བརྒྱད་བྱ་སྟེ་ཉི་མ་རེ་རེ་ལའོ། །དེ་ནས་གཟུགས་བརྙན་གཅིག་ནི་རྒྱལ་པོའི་འབངས་བཞིན་དུ་ཀུན་ཏུ་སྤྱོད་པར་བྱེད་དོ། །ཆོ་ག
100a2 གཞན་འབྱུང་སྟེ་རྒྱ་མཚོ་ལས་བྱུང་བའི་ཚ་དང་། ལན་ཚྭ་བསྲེས་ཏེ་ཀ་ར་བཱི་རའི་མེ་ཏོག་དམར་པོ་དང་བཏགས་ནས་གཟུགས་བརྙན་རྫོགས་པར་བྱ་སྟེ་ཤིང་གི་རྒྱལ་པོའི་ཡམ་ཤིང་གིས་མེ་རབ་ཏུ་སྦར་ནས་རྐང་པ་གཡས་པ་ནས་བརྩམས་ཏེ་མཚོན་རྣོན་པོས་གཏུབ་ཅིང་གཏུབ་ཅིང་སྦྱིན་སྲེག་སྟོང
100a3 ཕྲག་བརྒྱད་བྱའོ། །ཉི་མ་སོ་སོ་ལ་གཟུགས་བརྙན་རེ་རེ་མཉམ་ཞིང་མཉམ་པ་རེ་རེའོ། །རྒྱལ་པོ་གླང་པོ་བཞིན་དུ་བཀའ་བསྒོ་བ་བྱེད་པར་འགྱུར་རོ། །ཆོ་ག་གཞན་ནི་མྱ་ངན་མེད་པའི་མེ་ཏོག་ཡུངས་ཀར་དང་། ནཱ་ག་གེ་སར་བསྲེས་ནས་ཀོ་མེ་དང་། ནཱ་བྷཱ་ས་བཏགས་པ་སྲང
100a4 བཅུ་དྲུག་གིས་གཟུགས་བརྙན་བྱས་ནས་གཟུགས་བརྙན་གྱི་མགོ་བོ་ནས་བརྩམས་ཏེ་ལག་པ་གཡོན་པས་མཚོན་རྣོན་པོས་གཏུབ་ཅིང་གཏུབ་ཅིང་དེའི་ཤིང་ཁོ་ནས་མེ་རབ་ཏུ་སྦར་ཏེ་སྟོང་ཕྲག་བརྒྱད་བརྒྱར་སྦྱིན་སྲེག་བྱའོ། །གཞན་རྣམས་གཡས་པས་ཉི་མ་སོ་སོར་ཟླ་བ
100a5 གཅིག་ཏུ་གནས་ཏེ་ཉི་མ་གུང་ལ་གཞན་རྣམས་ཇི་ལྟར་འདོད་པས་འབངས་བཞིན་དུ་མྱུར་དུ་དབང་དུ་བྱེད་དོ། །ཆོ་ག་གཞན་ནི་སོ་མ་རཱ་ཛའི་འབྲས་བུ་དང་བསྲེས་པའི་དྲིའི་རྫས་རྣམས་ཐམས་ཅད་བཏགས་པ་སྲང་བཅུ་དྲུག་གིས་གཟུགས་བརྙན་བྱས་ནས་འོ་མ་ཅན་གྱི་ཡམ་ཤིང་གིས
100a6 མེ་རབ་ཏུ་སྦར་ཏེ་ལྟེ་བ་ནས་བརྩམས་ནས་རྐང་མཐིལ་ལ་ཐུག་གི་བར་དུ་རལ་གྲིས་གཏུབ་ཅིང་གཏུབ་ཅིང་སྦྱིན་སྲེག་བྱའོ། །དེ་ནས་མགོ་བོ་ནས་བརྩམས་ཏེ་སླར་ཡང་སྦྱིན་སྲེག་ཟླ་བ་གཅིག་ཏུ་ཉི་མ་སོ་སོར་བྱས་ན་རྒྱལ་པོ་ཅི་བགྱི་དང་མཚུངས་པར་འགྱུར་རོ། །འདི་ནི་ཆོ་ག་གཞན་བླ་ན
100a7 མེད་པ་སྟེ་ཙནྡན་དམར་པོ་དང་། ལན་ཚྭ་དང་མཉམ་པར་འགྲོ་བ་རྣམས་བཏགས་པ་སྲང་ཉི་ཤུ་རྩ་ལྔས་གཟུགས་བརྙན་བྱས་ནས་ཉི་མ་སོ་སོའི་སྔ་དྲོའི་དུས་ཚོད་ལ་ཙནྡན་དམར་པོའི་ཤིང་གི་མེ་ལ་རྐང་པ་གཡས་པ་ནས་བརྩམས་ནས་རལ་གྲི་རྣོན་པོས་གཏུབ་ཅིང་གཏུབ་ཅིང་སྦྱིན་སྲེག་སྟོང
iiif viewer powered by OpenSeadragon
