| e-texts navigator |
| Wylie |
311a1 པ་འོད་དཔག་མེད་ལ་བརྵའི་མེ་ཏོག་གི་ཕྲེང་བའོ། །ཤཱཀྱ་ཐུབ་པ་ལ་སྣ་མའི་མེ་ཏོག་གི་ཕྲེང་བའོ། །དཔལ་ཆེན་མོ་ལ་ནཱ་ག་གེ་སར་གྱི་མེ་ཏོག་གི་ཕྲེང་བའོ། །རྡོ་རྗེ་སྡེ་ལ་མེ་ཏོག་དཀར་པོའི་ཕྲེང་བ་དང་། བདུག་པ་དྲི་ཞིམ
311a2 པོ་རྣམས་ཇི་ལྟར་འབྱོར་པ་དབུལ་བར་བྱའོ། །སྔར་བརྗོད་པའི་གནས་སུ་རས་རིས་བཞུགས་སུ་གསོལ་ནས་འབུམ་ཕྲག་གསུམ་བཟླས་པར་བྱའོ། །དེ་ནས་ཟླ་བ་ཉ་ལ་རས་རིས་ལ་མེ་ཏོག་གི་ཕྲེང་བ་ལ་སོགས་པའི་མཆོད་པ་ཆེན་པོ་བྱས་ནས་ཀུ་ཤའི
311a3 ཁྲེས་ལ་ཉེ་བར་འདུག་སྟེ་འདི་ཉིད་ཀྱིས་གང་བྱེད་པ་དེ་ཐམས་ཅད་ལ་གཅིག་ཏུ་དཔའ་བས་བྱའོ། །རིག་པའི་རྒྱལ་མོ་ཆེན་མོ་གང་ཇི་སྲིད་ཕྲེང་བ་ཐམས་ཅད་རབ་ཏུ་གཡོ་བའི་མཚན་མ་འབྱུང་གི་བར་དུ་བཟླས་པར་བྱའོ། །དངོས་གྲུབ་ཀྱི་མཚན
311a4 ཉིད་གང་གི་ཚེ། མངོན་པར་འདོད་པ་དེ་ཐམས་ཅད་ཐོབ་པར་འགྱུར་རོ། །གང་ཐམས་ཅད་དུ་རས་རིས་ཀྱི་སྤྱན་སྔར་ཏིལ་གྱིས་མངོན་པར་བཏགས་པའི་སྦྱིན་སྲེག་འབུམ་ཕྲག་དྲུག་བྱས་ན་རྒྱལ་སྲིད་རྙེད་དོ། །ཡུལ་གྱི་ལོངས་སྤྱོད་འདོད་ན
311a5 རས་རིས་ཀྱི་སྤྱན་སྔར་ཡུངས་ཀར་དང་ཏིལ་དང་ཙེ་ཀ་ཏའི་སྦྱིན་སྲེག་འབུམ་ཕྲག་གསུམ་བྱས་ན་ཡུལ་རྙེད་དོ། །རས་རིས་ཀྱི་སྤྱན་སྔར་མར་དང་སྦྲང་རྩི་བཏགས་པའི་གུར་གུམ་དང་། སྲ་རྩི་པོག་དང་། ན་ལེ་ཤམ་དང་། རུ་རྟ་རྣམས
311a6 འབུམ་ཕྲག་བདུན་སྦྱིན་སྲེག་བྱས་ན་རྒྱལ་སྲིད་ཆེན་པོ་རྙེད་དོ། །མ་གྲུབ་ན་ཡུལ་རྙེད་དེ་ནོར་གྱི་བདག་པོ་ཆེན་པོར་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་གྱི
311a7 རྒྱལ་པོ་ལྷག་པར་མོས་པའི་ཕྲེང་བ་ཞེས་བྱ་བའི་རིག་པའི་རྒྱལ་པོ་ཡོངས་སུ་རྫོགས་སོ། ། །།
iiif viewer powered by OpenSeadragon
