| e-texts navigator |
| Wylie |
310b1 འཛིན་ལས་ངེས་པར་སྐྱེས་པ་སངས་རྒྱས་བཅུ་གཉིས་ཀྱིས་མངོན་པར་དབང་བསྐུར་བ་ཞེས་བྱ་བའི་རིག་པའི་རྒྱལ་པོ་ཆེན་པོ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་བསྒོམ་བཞིན་པས
310b2 ཐམས་ཅད་དང་ལྡན་པའི་འཇིག་རྟེན་གྱི་ཁམས་ཡང་དག་པར་དགོངས་ནས་བཅོམ་ལྡན་འདས་མ་འཕགས་མ་སྒྲོལ་མའི་རྟོག་པའི་རྒྱལ་པོ་ཆེན་པོ་ལྷག་པར་མོས་པའི་ཕྲེང་བ་ཞེས་བྱ་བ་སངས་རྒྱས་ཀྱིས་གསུངས་པ་འདི་བཀའ་སྩལ་ཏོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ན
310b3 མོ་ན་མཿསརྦ་བོ་དྷི་སཏྭཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། མཎྜ་བི་ཤཱ་ལ་ཀཱིརྟི་སརྦ་བིདྱཱ་སྭཱ་ཧཱ། འདི་ནི་མཐུ་ཆེན་པོ་ཐོབ་པ། ལྷག་པར་མོས་པའི་ཕྲེང་བ་ཞེས་བྱ་བའི་རིག་པའི་རྒྱལ་མོ་ཆེན་མོ་སྟེ།
310b4 སངས་རྒྱས་དུ་མས་རྗེས་སུ་གནང་བ། བྱང་ཆུབ་སེམས་དཔའ་དུ་མའི་ཏིང་ངེ་འཛིན་ཡང་དག་པར་སྐྱེད་པར་བྱེད་པ་འདི་བསྒྲུབ་པར་བྱའོ། །དབུལ་པོ་གང་ལ་ལ་བསྒྲུབ་པར་བྱ་བ་རས་རིས་ཟླ་བའི་ནང་དུ་དེའི་འབྱོར་པ་རྒྱས་པར་འགྱུར་རོ། །དབུལ་པོ་ཐོབ་པ་གང་ལ་ལ་རིག་པ
310b5 འདི་དོན་ཆེན་པོ་སྦྱིན་པས་མཆོད་པ་བྱ་བར་འགྱུར་རོ། །འཇིག་རྟེན་གྱི་རྣམ་པར་འབྱོར་པ་སྒྲུབ་པར་བྱེད་པའི་ལས་སོ། །དེ་ནས་སྒྲུབ་ཐབས་སུ་འགྱུར་བ་ནི་བཅོམ་ལྡན་འདས་སྤྱན་རས་གཟིགས་དབང་ཕྱུག་སྔར་བརྗོད་པའི་རས་རིས་བྲི་བར་བྱའོ། །དགུ་པ་ནས་བརྩམས་ཏེ་དཀར་པོའི
310b6 ཟླ་བ་ཉ་ལ་ཡོངས་སུ་རྫོགས་པར་བྱེད་དུ་གཞུག་པར་བྱའོ། །པདྨ་དཀར་པོའི་གདན་ལ་བཞུགས་པ་རལ་པ་གྱེན་དུ་བརྫེས་པའོ། །འཕགས་པ་འོད་དཔག་ཏུ་མེད་པ་གཉིས་པ་སྟེང་དུའོ། །རང་གཞོགས་སུ་ཤཱཀྱ་ཐུབ་པ་ཡང་ངོ་། །འཕགས་པ་སྤྱན་རས་གཟིགས་དབང་ཕྱུག་གི་གཡས་སུ
310b7 དཔལ་ཆེན་མོ་བྲི་བར་བྱའོ། །གཡོན་གྱི་གཞོགས་སུ་རྡོ་རྗེ་སྡེ་བྲི་བར་བྱའོ། །སྐུ་མདོག་དཀར་པོ་སྟོན་ཀའི་སྤྲིན་ལྟར་དཀར་བ་ཕྱག་ན་རིལ་བ་སྤྱི་བླུགས་དང་། ཆུ་སྣོད་བསྣམས་པའོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱི་བོར་ཨ་ཏི་མུཀྟ་ཀའི་མེ་ཏོག་གོ། །འཕགས
iiif viewer powered by OpenSeadragon
