| e-texts navigator |
| Wylie |
310a1 མཚམས་གསུམ་དྲན་པར་འགྱུར་རོ། །དེའི་ནད་ཐམས་ཅད་དང་ཤ་ཟ་ལ་སོགས་པ་རྣམས་དང་། སྲིན་པོ་ལུས་ལ་འཕོ་བར་མི་འགྱུར་ཏེ་བསྐལ་པ་བྱེ་བ་བརྒྱ་ཕྲག་ཏུ་ཡང་དེ་ལྟར་འགྱུར་རོ། །འདིའི་རས་རིས་ཀྱི་ཆོ་ག་ནི་མ་ཉམས་པའི་རས་སྔར་བརྗོད་པའི་མཚན་ཉིད
310a2 དང་ལྡན་པ་ལ་འཕགས་པ་སྤྱན་རས་གཟིགས་དབང་ཕྱུག་ཀུན་ནས་བྲི་བར་བྱའོ། །རལ་པ་གྱེན་དུ་བརྫེས་པ་དཀར་པོ་ཕྱག་ན་པདྨ་སྟེ་གཡས་པས་མཆོག་སྦྱིན་པ་གཡོན་པའི་ཕྱག་གིས་པདྨ་བསྣམས་པ་དེའི་སྟེང་དུ་ཡང་དག་པར་རྫོགས་པའི་སངས་རྒྱས་བཅུ་གཉིས་བྲི་བར་བྱའོ། །གསེར
310a3 མདོག་མི་འཇིགས་པ་རབ་ཏུ་སྦྱིན་པའོ། །འདི་ལྟ་སྟེ་པདྨའི་བླ་མ་དང་། ཡོན་ཏན་བླ་མ་དང་། ཡེ་ཤེས་དབང་ཕྱུག་དང་། རྟག་པར་སྒྲ་དབྱངས་དང་། རྣམ་པར་གཟིགས་དང་། གཙུག་ཏོར་ཅན་དང་། ཐམས་ཅད་སྐྱོབ་དང་། ལོག་པར་དད་སེལ་དང་། གསེར་ཐུབ་དང་། འོད་སྲུང་དང་།
310a4 ཤཱཀྱ་ཐུབ་པ་དང་། འོད་དཔག་མེད་དང་། མི་འཁྲུགས་པ་སྟེ། ཡང་དག་པར་རྫོགས་པའི་སངས་རྒྱས་འདི་རྣམས་ཀུན་ནས་བྲི་བར་བྱའོ། །དེ་ལྟ་བུའི་རས་རིས་འདྲིར་བཅུག་ནས་སྔར་གསུངས་པའི་གནས་སུ་བཞུགས་ནས་འབུམ་ཕྲག་གསུམ་བཟླས་པ་བྱའོ། །འདི་ཉིད་ཀྱིས་དྲི་དང་མེ
310a5 ཏོག་དང་། བདུག་པ་ལ་སོགས་པ་དབུལ་བར་བྱའོ། །གང་བྱེད་པ་ལ་གཅིག་ཏུ་དཔའ་བས་འབུམ་ཕྲག་བཟླས་པར་བྱའོ། །དེ་ནས་མཚན་མོ་གསུམ་དུ་སྨྱུང་བར་གནས་ཏེ་རས་རིས་ལ་མཆོད་པ་ཆེན་པོ་བྱས་ནས་མིག་སྨན་ནམ། ལྡོང་རོས་སམ། གི་ཝང་ཡང་རུང་སྟེ་སྟོང་དུ་བཟླས་པའི་རས
310a6 རིས་ཀྱི་སྤྱན་སྔར་ཨ་ཤྭཏྠའི་འདབ་མའི་ནང་དུ་བཏུམས་ཏེ་ཇི་སྐད་གསུངས་པའི་ཆོ་གས་ཀུ་ཤའི་ཁྲེས་ལ་ཉེ་བར་འདུག་སྟེ་སྲོད་ནས་བརྩམས་ཏེ་ཇི་སྲིད་དྲོ་བར་གྱུར་པ་དང་། དུ་བ་འཐུལ་བ་དང་། འབར་བར་གྱུར་པ་དེ་སྲིད་དུ་བཟླས་པར་བྱའོ། །དྲོ་བར་བྱེད་བཞིན་པས་ནི་ཐིག་ལེ་བྱས་ན་ཐམས
310a7 ཅད་དབང་དུ་བྱེད་དོ། །དུ་བ་འཐུལ་བཞིན་པས་ནི་མི་སྣང་བར་འགྱུར་རོ། །འབར་བས་ནི་ནམ་མཁའ་ལ་འགྲོའོ། །རས་རིས་རབ་ཏུ་འགུལ་ན་རྒྱལ་སྲིད་དུ་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ
iiif viewer powered by OpenSeadragon
