| e-texts navigator |
| Wylie |
309b1 དུའོ། །མཚན་མོ་གསུམ་སྨྱུང་བར་གནས་པར་རྒྱ་མཚོར་འགྲོ་བའི་ཆུ་ཀླུང་གི་འགྲམ་མམ། ཆུ་གླིང་དུ་རས་རིས་བཞུགས་ནས་མཆོད་པའི་ཆོ་ག་བྱ་སྟེ། སྲོད་ནས་བརྩམས་ནས་ཇི་སྲིད་དངོས་གྲུབ་ཀྱི་མཚན་མར་འགྱུར་བ་དེ་སྲིད་དུ་བཟླས་པར་བྱའོ། །རས་རིས་རབ་ཏུ་འགུལ
309b2 བའམ། མར་མེའི་རྩེ་མོ་མངོན་པར་འཕེལ་ལམ། ནམ་མཁའ་ལ་མེ་ཏོག་གི་ཆར་འབབ་བམ། འབྲུག་གི་སྒྲ་ཐོས་པའང་རུང་སྟེ་རས་རིས་འགུལ་བས་ནི་རྒྱལ་པོ་ཆེན་པོར་འགྱུར་རོ། །མར་མེ་འཕེལ་ན་གྲོང་གི་རྗེ་བོར་འགྱུར་རོ། །མེ་ཏོག་བབས་ན་ཡུལ་གྱི་བདག་པོར
309b3 འགྱུར་རོ། །འབྲུག་གི་སྒྲས་གྲོང་བཅུ་དྲུག་སོ་སོར་རྙེད་དོ། །མ་གྲུབ་ན་ལས་དང་ཡོ་བྱད་ཐམས་ཅད་ཡང་དག་པར་འབྱོར་པར་འགྱུར་རོ། །ནད་ཐམས་ཅད་སྤངས་པར་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས
309b4 པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་གསེར་འོད་ཅེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ།
309b5 བཅོམ་ལྡན་འདས་མ་རིག་པའི་རྒྱལ་པོ་ཆེན་པོ་རྟོག་པའི་རྒྱལ་པོ་ཆེན་པོའི་མཐུ་ཡང་དག་པར་བསྟན་པའི་ཆེད་དུ་སངས་རྒྱས་བཅུ་གཉིས་ཀྱིས་མངོན་པར་དབང་བསྐུར་བ་ཞེས་བྱ་བའི་རིག་པའི་རྒྱལ་པོ་ཡིད་ལ་བྱས་ནས་བཀའ་སྩལ་པ། ན་མོ་རཏྣ་ཏྲ་ཡཱ་ཡ། ན་མ
309b6 ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ས་ཊཱ་ས་ཊ་ས་ར་ས་རཱ་ཎི་ཤུདྡྷ་བི་ཏྲི་མུ་ཁེ་བི་ཛ་ཡེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་རིག་པའི་དབང་བསྐུར་བ་ཞེས་བྱ་བ་རིག་པའི་རྒྱལ་པོ་ཆེན་པོ་སྟེ། གང་ལ་ཀློག་པར་བྱེད
309b7 ཟློས་པར་བྱེད་པ་དེས་སངས་རྒྱས་བྱེ་བ་ཕྲག་བཅུ་གཉིས་ལ་ཕྱག་བྱས་པར་འགྱུར་རོ། །འདི་རྟག་ཏུ་བཟླས་པས་ངན་འགྲོ་ལོག་པར་ལྟུང་བ་ཐམས་ཅད་དུ་མི་འགྱུར་རོ། །སྐྱེ་བ་བརྒྱ་ཕྲག་བཅུ་གཉིས་སུ་སྐྱེ་བ་དྲན་པར་འགྱུར་རོ། །དུས་ཐམས་ཅད་མངོན་པར་ཤེས་པ་ལྔ་དང་ཐུན
iiif viewer powered by OpenSeadragon
