| e-texts navigator |
| Wylie |
306b1 ཞི་བར་བྱེད་མ། དོན་ཐམས་ཅད་སྒྲུབ་པར་བྱེད་མ། དོན་ཐམས་ཅད་ཡོངས་སུ་རྫོགས་པར་བྱེད་མ་སྟེ། གང་འདི་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་བྱང་ཆུབ་ཏུ་སེམས་བསྐྱེད་པས་རྟག་ཏུ་དྲན་པར་བྱེད་པ་དང་། མཆོད་པ་བྱེད་པར་འགྱུར་རོ། །སྐྱེ་བོ་ཡོངས་སུ་སྐྱོབ་པར་བྱེད་པར
306b2 འགྱུར་ཞིང་སྐྱེ་བོ་ཐམས་ཅད་དགའ་བར་ཡང་འགྱུར་རོ། །དེ་ནས་འདི་ཡི་ཆོ་ག་ནི་སྔར་བརྗོད་པའི་ཆོ་གས་ཁྲུ་བཅུ་པའི་རས་བྱེད་དུ་བཅུག་ནས་ཁ་ཚར་བཅད་པ་ལ་ཙནྡན་གྱི་ཁུ་བས་མནན་པར་བྱའོ། །ཁ་དོག་མ་འདྲེས་པས་དྲིའི་ཁུ་བས་གནུར་བས་བཅོམ་ལྡན་འདས་བྲི་བར་བྱའོ། །སྟོན
306b3 ཀའི་སྤྲིན་ལྟར་དཀར་བ་ཕྱག་ན་རིལ་བ་སྤྱི་བླུགས་ཐོགས་པ། ཕྱག་གཡས་ཀྱིས་པདྨ་བསྣམས་པ། རལ་པ་གྱེན་དུ་བརྫེས་པ་པདྨའི་གདན་གོས་དཀར་པོ་ཕྲེང་བ་དཀར་པོའི་རྒྱན་གྱིས་བརྒྱན་པ། པདྨའི་ཕྲེང་བ་བཅུ་དྲུག་རྣམས་ཀྱིས་བརྒྱན་པ། ཐམས་ཅད་དཀར་པོ་རྣམས་ཀྱིས་ཐམས
306b4 ཅད་དཀར་པོའོ། །བྱང་ཆུབ་སེམས་དཔའ་བཅུ་དྲུག་འོག་ཏུ་བྲི་བར་བྱའོ། །འཇིག་རྟེན་སྐྱོང་བ་བཞི་པོ་རྣམས་ཕྱོགས་འཁོར་རྣམས་སུའོ། །སའི་ལྷ་མོ་འདི་བྲི་བར་བྱ་སྟེ། ཕྱག་གཡས་ཀྱིས་ཙཾ་གཽ་ཊ་ཀ་ཐོགས་པའོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱི་གཙུག་གི
306b5 ཆ་ལ་དེ་བཞིན་གཤེགས་པ་པདྨའི་ཕལ་པོ་ཆེ་གཡོན་དུ་དེ་བཞིན་གཤེགས་པ་མི་བསྐྱོད་པ་མི་འཇིགས་པ་རབ་ཏུ་སྦྱིན་པ་གཡོན་པས་ཆོས་གོས་བསྣམས་པ། གསེར་མདོག་ཕྱག་ནས་འོད་ཟེར་འཕྲོ་བར་བྱེད་བཞིན་པའོ། །བྱང་ཆུབ་སེམས་དཔའ་ཐམས་ཅད་ཀྱང་འོད་ཟེར་གྱི་ཕྲེང་བ
306b6 ཅན་རྣམ་པར་བཀྲ་བའི་རྒྱན་ཐམས་ཅད་ཀྱིས་ལུས་བརྒྱན་པའོ། །སྒྲུབ་པ་པོ་ཡང་གཡས་ཕྱོགས་སུ་ཆ་བྱད་དང་རྣམ་པ་ཇི་ལྟ་བ་བཞིན་དུ་འདྲིར་གཞུག་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ
306b7 ཡ། ཏདྱ་ཐཱ། སྭེ་ཏེ་སྭེ་ཏེ་སྭེ་ཏེ་སྭེ་ཏ་བྷུ་ཛེ་པ་རཱ་ཀྲ་མེ་བི་ཛ་ཡ་བི་ཙེ་དྷུ་ཏེ་སྭཱ་ཧཱ། དྲི་དཀར་པོའི་ཆུས་དཀྱིལ་འཁོར་ཉེ་བར་བྱུག་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨབ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ན་མོ་མ་ཧཱ་སྭ་ཧཱ་ཡ།
iiif viewer powered by OpenSeadragon
