| e-texts navigator |
| Wylie |
306a1 གསུམ་པ་ལ་མཆོད་པ་རྒྱ་ཆེན་པོ་བྱས་ནས་ཇི་སྐད་བརྗོད་པའི་ཆོ་གས་བཅུ་གཉིས་ཡོངས་སུ་འགྱུར་བའི་ཁམ་ཕོར་ཞོ་དང་། སྦྲང་རྩི་དང་། འོ་ཐུག་ཁམ་ཕོར་བཅུ་ཀུ་ཤའི་ཁྲེས་ལ་འདུག་སྟེ། སྲོད་ནས་བརྩམས་ནས་ཇི་སྲིད་དངོས་གྲུབ་ཀྱི་མཚན་མ་མ་བྱུང་གི
306a2 བར་དེ་སྲིད་དུ་བཟླས་པ་བྱའོ། །ལྷའི་མེ་ཏོག་གི་ཆར་འབབ་པ་དང་། འབྲུག་དང་རྔ་བོ་ཆེ་རྣམས་ཀྱང་སྒྲ་སྒྲོགས་པ་དང་། རས་རིས་འགུལ་བ་དང་། མར་མེའི་རྩེ་མོ་འཕེལ་ལོ། །དེ་ནས་གྲུབ་པ་ཡིན་ཏེ་ས་ཐམས་ཅད་ལ་དབང་བའི་རྒྱལ་པོར་འགྱུར་རོ། །གང་མངོན་པར་འདོད་ཀྱང
306a3 རུང་སྟེ་ཐམས་ཅད་ཐོབ་པར་བྱེད་དོ། །བཅོམ་ལྡན་འདས་མ་འཕགས་མ་སྒྲོལ་མའི་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོའི་རྩ་བའི་རྟོག་པར་འཇུག་པ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན
306a4 པོ་སྤྱན་རས་གཟིགས་དབང་ཕྱུག་སེམས་ཅན་རྗེས་སུ་གཟུང་བའི་ཆེད་དུ་སླར་ཡང་ཏིང་ངེ་འཛིན་གྱི་རྒྱལ་པོ་དེ་ཉིད་སྒོམ་བཞིན་དུ་བཅོམ་ལྡན་འདས་མ་འཕགས་མ་སྒྲོལ་མའི་རྟོག་པའི་རྒྱལ་པོ་ཆེན་པོར་སྐྱེ་བོ་དབུལ་པོ་རྗེས་སུ་གཟུང་བའི་ཆེད་དུ་དཀར་མོ་ཆེན་མོའི་རིག་པ་བཀའ་སྩལ་ཏོ། །
306a5 དེ་ལ་འདི་རྣམས་ནི་དོན་ཐམས་ཅད་སྒྲུབ་པར་བྱེད་པའི་རིག་པའི་སྔགས་ཀྱི་ཚིག་རྣམས་སུ་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཀྲྀཥྞ་ཛི་ནཾ་བ་ར་དྷ་ར། ཀ་མ་ལཱ་ཡ། ཏཱིཀྵཾ་པདྨ་ཨ་ས་ན་སྠཾ་ཨ་བྷ་ཡ་པྲད།
306a6 མ་གྲ་ཧ་ཏཾ། བྷཱ་ཥ་སྭཛྫ་ཊ་མ་ཀུ་ཊ་དྷ་རི། ཎཽ་པདྨ་བཪྞ་ཨཱརྱ་ཨ་བ་ལོ་ཀི་ཏེ་ཤྭ་རི་མ་ཧཾ་ས་ར་ཎཾ་པྲ་པདྱ། ཏདྱ་ཐཱ། ཤྭེ་ཏེ་བི་ཛ་ཡེ་ཤྭེ་ཏ་བསྟྲ། ཤྭེ་ཏ་བྷུ་ཛེ། ཤྭེ་ཏ་པདྨ་ཨ་ལཾ་ཀཱིརྟ་ཛ་ཡེ་བི་ཛ་ཡེ། ཨ་བྷ་ཡེ་ཤྭེ་ཏཾ་ཨཾ་ཤུ་མ་བྷ་ཡ་པྲ་ཏེ་ཤྭེ་ཏཾ་ཙ་ག་ག་ན་ཤུདྡྷཾ་ཤྭེ་ཏཾ་བིདྱཱ། ས་མ་པྲ
306a7 ས་མ་པྲ་བྷེ་ཤྭེ་ཏེ་བྷྱཿ། བྷ་བ་སྱ། ཤཀླཱཾ་ཤུ་རཾ་བྷ་བཱནྟ་རེ་པཎྜ་ར། པ་ཊ་པ་ཊཱ་ཡ་ར་ར་ར་ར་ར་ཡ་བི་ཛ་ཡེ་སྭཱ་ཧཱ། པ་རི་ཀླཱི་བ་ལེ་བ་རེ་བ་རཱ་ཡ་སྭཱ་ཧཱ། འདི་ནི་མཐུ་ཆེན་པོ་ཐོབ་པའི་དཀར་མོ་ཆེན་མོ་ཞེས་བྱ་བའི་རིག་པའི་རྒྱལ་མོ་སྟེ་ལས་ཐམས་ཅད་བྱེད་མ། དབུལ་བ་དང་། ནད་རབ་ཏུ
iiif viewer powered by OpenSeadragon
